#لمسات_بيانيه قصه قابيل وهابيل بدي احكي لكم اياها .. أمنا حواء ولدت بالاول قابيل واخته توأم .. بعدين هابيل وأخته .. ونظراً لانه ما في ستات لسه على وجه الارض .. سمح لهم آدم بوحي من الله انه كل واحد يتزوج توأم الثاني.. يعني قابيل يتزوج اخت هابيل .. وهابيل يتزوج اخت قابيل .. هلق وين المشكله كانت ؟؟ انه اخت قابيل هي اللي حلوه!!!! الله اكبر !! من اول الخليقه الرجال مخهم بيضرب من تحت راس ست !! اول جريمه على وجه الارض هيك صارت!! رفض قابيل وقال انا بدي اتزوج أختي !! .. آدم عليه السلام قال: شوفوا يا جماعه ! كل واحد فيكم يقدم قربان .. والقربان (يعني يختار اشي يتقرب فيه من الله ) اللي بتاكله النار بيكون هو اللي الله تقبله وهو يتزوج اللي بده اياها .. وفعلا .. راح كل واحد يشوف شو يقدم قربان؟؟؟؟ هابيل قدم غنمه سمينه (كان راعي غنم ) وقابيل كان مزارع قدم ضمه زرع تالف!! .. قربان هابيل اللي تُقبل وقابيل ما تقبل قربانه .. عصب قابيل وما اعجبه اللي صار وهدد اخوه انه يقتله !! (انا حافظه انه قابيل هو اللي قتل عشان اول حرف من اسمه قاف وهو نفس اول حرف من قتل !!) .. في القران مذكور انه هابيل قال لأخوه .. انا مش رح اقتلك .. خليك خذ اثمك وانا مش رح تجرجرني بالآثام !! وحمل حاله وتركه .. تعددت قصص كيفيه القتل بس اكتر اشي وارد انه قابيل راح لهابيل وهو نايم ورمى على راسه صخره أرداه قتيلا !! وقعد محتار شو يعمل بالجثه .. وكلنا عارفين قصه الغراب اللي تقتل مع غراب تاني ولما قتله حفر حفره بمنقاره ودفنه .. هلق نحكي جد ؟؟؟ قصه انهم تقتلوا عالست .. وقصه انه واحد اسمه قابيل والثاني هابيل .. هذا كله مش مذكور بالقران .. لانه مش مهم .. المهم نفهم انه الله طيب لا يقبل الا طيباً.. وهذه هي الايات :{وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِن أَحَدِهِمَا وَلَمْ يُتَقَبَّلْ مِنَ الآخَرِ قَالَ لَأَقْتُلَنَّكَ قَالَ إِنَّمَا يَتَقَبَّلُ اللَّهُ مِنَ الْمُتَّقِينَ ، لَئِن بَسَطتَ إِلَيَّ يَدَكَ لِتَقْتُلَنِي مَا أَنَاْ بِبَاسِطٍ يَدِيَ إِلَيْكَ لِأَقْتُلَكَ إِنِّي أَخَافُ اللَّهَ رَبَّ الْعَالَمِينَ ، إِنِّي أُرِيدُ أَن تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ وَذَلِكَ جَزَاء الظَّالِمِينَ ،فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ ،فَبَعَثَ اللَّهُ غُرَابًا يَبْحَثُ فِي الأَرْضِ لِيُرِيَهُ كَيْفَ يُوَارِي سَوْءَةَ أَخِيهِ قَالَ يَا وَيْلَتَى أَعَجَزْتُ أَنْ أَكُونَ مِثْلَ هَذَا الْغُرَابِ فَأُوَارِيَ سَوْءَةَ أَخِي فَأَصْبَحَ مِنَ النَّادِمِينَ }سورة المائده .
