#لمسات_بيانيه {وَقَالَ لِفِتْيَانِهِ اجْعَلُوا بِضَاعَتَهُمْ فِي رِحَالِهِمْ لَعَلَّهُمْ يَعْرِفُونَهَا إِذَا انْقَلَبُوا إِلَى أَهْلِهِمْ لَعَلَّهُمْ يَرْجِعُونَ}.بعد ما جهّز سيدنا يوسف عليه السلام البضاعه اللي رح ياخذها اخوته من قمح وأكل .. قال للخدم اللي عنده يجيبوا البضاعه اللي احضرها الاخوه معهم من فلسطين للمقايضه ويحطوها بالسر من غير ما حد ينتبه في متاع الاخوه اللي عالبعير .. شو منفهم من هالحكي؟؟ .. قديش كانت هالبضاعه اللي جابوها كميتها قليله !! عشان الحيوان (البعير) اللي حامل البضاعه اللي من مصر كان حاملها كمان معه بالرجعه !!... ليش عمل هذه الحركه سيدنا يوسف ؟؟ من الايه الاجابه {لعلهم يرجعون}.. بده يساعدهم يرجعوا سنه الجاي ويكون معهم اخوه بنيامين ... في كتير تفاسير بهذا الموقف .. اللي بيقول انه حط لهم البضاعه عشان لما يلاقوها بس يوصلوا على بيوتهم ينصدموا وما يرضوا ياخذوا اشي مش حقهم !! فيرجّعوا له اياها.. واللي بيقول انه خاف عليهم سنه الجاي ما يكون عندهم بضاعه ييجوا يقايضوا فيها .. هيك بيكون عندهم اشي يرجعوا له فيه.. واللي بيقول انه عمل هيك عشان هم يحسوا انه بضاعتهم مش مهمه بالنسبه لسيدنا يوسف وانه بيحكي جد لازم يجيبوا اخوهم معهم !! هيك بيقنعوا ابوهم سيدنا يعقوب اكتر لانه عارف انه هذه المهمه رح تكون صعبه على الاخوه .. مهمه اقناع الاب بأخذ ابنه بنيامين معهم في رحله السنه الجاي ...
