#لمسات_بيانيه وصلنا في قصه سيدنا يوسف عليه السلام عند الايه{قَالُوا إِن يَسْرِقْ فَقَدْ سَرَقَ أَخٌ لَّهُ مِن قَبْلُ ۚ فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ ۚ قَالَ أَنتُمْ شَرٌّ مَّكَانًا ۖ وَاللَّهُ أَعْلَمُ بِمَا تَصِفُونَ }.. القصه انه سيدنا يوسف لما كان صغير وتوفت أمه ، أخذته عمته عندها تربيه.. فتره من الزمن تعلقت فيه.. بس سيدنا يعقوب قال لها خلص بيكفي ! بدي اياه عندي .. قامت عملت حيله .. وحطت اشي من اغراضها مع أغراض يوسف قبل ما ابوه ياخذه!! وقالت انه سرق .. وطبعا زي ما قلنا من قبل.. القانون عندهم في فلسطين اللي بيسرق بيصير عبد عند اللي سرقه مده سنه !! وهيك قدرت تمدد اقامه سيدنا يوسف عندها .. اخوته لما حكوا عن بنيامين انه له اخ سرق من قبل وكان قصدهم عن يوسف، سمعهم يوسف!! عصّب لانه هذا كان اشي زمان وهو صغير وأصلا بريء.. وشو دخل اذا اخ سرق يعني الاخ التاني يسرق ؟؟ شو هالمنطق !! كل واحد مسؤول عن حاله!! هو أسرّها في نفسه .. وقال لحاله : انتو اللي عملتوه فيّ شر فظيع والله عالم فيه .. طبعا هو كان ممكن يكشف نفسه لحظتها ويواجههم .. انما كان صبووووور علشان بده اخوه يضل عنده .. وهذا اللي صار ..
