#لمسات_بيانيه اجابه على سؤال لصديقه: ليش سجنوا سيدنا يوسف مع انهم متأكدين من براءته.؟؟ المشهد الاول ، ظهرت براءته بعد التحقيق انه قميصه طلع ممزوع من الخلف يعني وهو هارب .. بهدل العزيز مرته وقال لسيدنا يوسف يكتّم عالموضوع ويستر عاللي صار من تجاوزات لزوجه العزيز..المشهد الثاني .. لما شاع الخبر في البلد .. والكل يحكي عن امرأه العزيز انه يا عيب عليها شو هالعمله!! .. إنغاظت هي.. وقالت في عقلها : طيييييييب !!!! قاعدين يحكوا عني؟؟؟ انا بأفرجيهم !!.. راحت عزمت شله ستات من اللي كانوا يحكوا عنها .. والظاهر انه سيدنا يوسف كان من الخدم اللي جوا القصر ما كان يطلع بره .. ما كانوا شايفينه من قبل..وزي ما هو واضح بالايات .. إستنّت عليهم وانتهزت لحظه وهم بيقطعوا تفاح بالسكاكين ..قالت له ادخل !! لما شافوا جماله .. انبهروا فيه وما حسوا على حالهم وصاروا يقطعوا التفاح ويوصل السكين لايديهم وهم بيبحلقوا فيه.!!. الله ذكر سبحانه وتعالى (قطّعن).. مش مره إنما مرات .. إحساس الالم وهم بيقطعوا ما حسوا فيه !!! وهي امرأه العزيز .. من وقاحتها .. قالت لهم : شفتوا؟؟ !! هذا اللي قاعدين تحكوا عني شغفني حباً.(الشغف: جلده رقيقه عالقلب.. يعني دخل قلبها واستحوذ على تفكيرها)..صدقتوا هلق وشفتوا كيف اني معذوره!! .. طلعوا صاحباتها مش أهون منها !! صحبه سيئه زيها!! ولا كان ما تمادت قدامهم وقالت : مزبوط هو بريء وانا اتحركشت فيه.. وهو استعصم!! ..هذه كلمه مش سهله انها تقولها ..يعني طلب العصمه (من الله)..بدها تقول انه هو طبيعي مثل أي رجل بس مسك حاله وعفّ نفسه انه يغلط معها.. المشكله وين ؟؟ مش بس هي وقحه ومجاهره بالاثم !! صاحباتها هيك كمان! لانهم قالوا له : الله يسامحك يازلمه!! كان تجاوبت معها وعملت زي ما بدها!!! مجتمع فاسد من كبيرهم لصغيرهم !! وهو نفسه سيدنا يوسف اللي كان متربي في بيئه نبوه مع نبينا يعقوب .. خاف على حاله !! واستنجد بالله يعينه على هيك ناس وإلاّ يصبُ اليهن .. يعني يميل لهم ويتجاوب معهم ويكون من الجاهلين !! .. في هذا المشهد التاني برضه ظهرت براءته.. بس فرق اشي؟؟؟ ابدا!! هذول جماعه ما بيخافوا الله!! المهم عندهم يداروا الفضيحه!! والعزيز قال خلص خلينا نحبسه كم سنه على بال الناس تنسى القصه!! ما همهم انه يحطوا بريء بالسجن !! وحتى هالايام في ناس من هذه الشاكله بيننا .. الظلم موجود .. بس اللي بيكون مع الله .. الله بيكون معه .. وبيرفع عنه الظلم ولو بعد حين ....
