{فلَمَّا دَخَلُواْ عَلَيْهِ قَالُواْ يَا أَيُّهَا الْعَزِيزُ مَسَّنَا وَأَهْلَنَا الضُّرُّ وَجِئْنَا بِبِضَاعَةٍ مُّزْجَاةٍ فَأَوْفِ لَنَا الْكَيْلَ وَتَصَدَّقْ عَلَيْنَا إِنَّ اللَّهَ يَجْزِي الْمُتَصَدِّقِينَ}.. لما رجعوا عند سيدنا يوسف زي ما قال لهم ابوهم.. دخلوا عليه وصاروا يعظموا فيه (يا ايها العزيز).. بعدين صاروا يستعطفوا فيه يشفق عليهم .. انه وضعهم صعب .. بضاعه مزجاه يعني قليله، رديئه ، كاسده.. كلمه يزجي تعني: يدفع..زي في الايه {أَلَمْ تَرَ أَنَّ اللَّهَ يُزْجِي سَحاباً} ٤٣ النور . والمعنى أنها بضاعة تُدفع، ولا يقبلها أي أحد.. وكمان في معنى ثاني انها خفيفه الوزن عشان هيك يسهل حملها ..عارفين انه بضاعتهم قليله وهو أكيد رح يوفي الكيل ويوزن صح بالعدل .. يعني ما رح يطلع لهم اشي كتير عشان هيك طلبوا منه الصدقه..
وصلوا لمرحله كتير صعبه لما صاروا يقولوا له : تصدق علينا ..ان الله يجزي المتصدقين.. عندها اعترف لهم سيدنا يوسف بحقيقته وما تحمل ضعفهم وعجزهم ..
