{يا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللَّهِ إِنَّهُ لاَ يَيْأَسُ مِن رَّوْحِ اللَّهِ إِلاَّ الْقَوْمُ الْكَافِرُونَ}
تحسسوا .. الكلمه جاي من الحس .. يعني شغلوا كل الحواس اللي عندكم عشان تعرفوا اخبار اخوتكم ..اللي بيتجسس بيكون يتنصت ويستعمل حاسه السمع والبصر .. حتى الجاسوس بيسموه (عين) !! ولما بدك حد يعرف لك اخبار حدا بتقول له (روح شم شم لنا شو الاخبار ؟؟!!).. انما سيدنا يعقوب ما قال لهم الا عن يوسف (اللي هو مصرّ انه لسه عايش) وبنيامين.. ما جاب سيره الاخ الاكبر اللي ما رضي يرجع معهم !! صح؟؟ يمكن لانه كبير وقد حاله !! بيدبر حاله !! ويمكن لانه هو باقي بإرادته .. ما حد غصبه يضل وما يرجع مع اخوته!!
وقال لهم ما تيأسوا من رَوْح الله .. يعني من رحمته .. اللي بييأس من رحمه الله هم الناس اللي بيكفروا ولا يؤمنوا بوجوده .. كلمه (رَوْح) ذكرت في الايه (رَوْح وريحان وجنه نعيم).. رحمه الله بتيجي زي نسمه الهوا العليل لما تكون مشوّب!! بترُد فيك الروح !! .. الله يرزقنا برَوْح وريحان وجنه نعيم..
لمسات_بيانيه {وَلَمَّا دَخَلُواْ مِنْ حَيْثُ أَمَرَهُمْ أَبُوهُم مَّا كَانَ يُغْنِي عَنْهُم مِّنَ اللّهِ مِن شَيْءٍ إِلاَّ حَاجَةً فِي نَفْسِ يَعْقُوبَ قَضَاهَا وَإِنَّهُ لَذُو عِلْمٍ لِّمَا عَلَّمْنَاهُ وَلَكِنَّ أَكْثَرَ النَّاسِ لاَ يَعْلَمُونَ } ليش سيدنا يعقوب طلب من أولاده يدخلوا من أبواب متفرقه وما يدخلوا مع بعض ؟؟ لما سمع شو حكوا له اولاده عن كيف استقبلهم سيدنا يوسف عليه السلام بالحفاوه والتكريم.. خاف عليهم .. لانهم صاروا مهمين ..أي واحد بيصير مهم بيطلع له ناس يحسدوه أو يكرهوه .. مش عشان اشي وإنما عشان هو إنسان ناجح مثلا .. كانوا عشره وهيك احترمهم هلق رح يروحوا احداعشر اخ مع بعض.. قال لهم يروحوا كل اتنين ثلاثه يدخلوا العاصمه من اكتر من باب .. زمان كانت العواصم لها سور وابواب تفتح وتغلق في اوقات معينه .. باختصار خاف عليهم من الحسد .. والحسد مذكور بالقران وهو حقيقه على أرض الواقع .. في ناس عينها بتصيب.. الحسد هو تمني زوال النعمه عن الغير (أما الغِبطه فهو تمني أن يصير عندك زي ما عند الغير من غير تمني زوال النعمه عنه).. هذه هي الفكره العامه اللي فسرها معظم علماء التفسير .. هذا لا يمنع انه أي وقت يطلع حد يطرح تفسير نحس إنه منطقي.. آخر اشي قرأته بخصوص هذا الموضوع قلت عليه : ممكن فعلا .. وهو فكره انه سيدنا يعقوب ما كان متطمن لأولاده ولا مأمنهم على ابنه .. جربهم من قبل مع سيدنا يوسف! بالاضافه الى انه كان عارف انه سيدنا يوسف ما مات وانه رح ييجي يوم تتحقق فيه الرؤيا اللي شافها سيدنا يوسف في اول السوره.. اخوه يوسف كانوا عصبه يعني مع بعضهم طول الوقت .. لو حد فيهم عنده فكره شريره عم يقوى مع باقي الاخوه وبيدعموه.. هيك فرّقهم لما يدخلوا .. بتضعف شوكتهم (اتحادهم).. على كل الاحوال هي حاجه في نفس يعقوب .. الله سترها كما ستر على كل انبياؤه ..
