#لمسات_بيانيه إخوة يوسف عليه السلام.. مع انهم عملوا فيه عَمله رهيبه!! اتفقوا عليه وخططوا يخلصوا منه .. شروع في القتل !! بس بصراحه ما قدرت أكرههم ! أخوهم نفسه سامحهم !!.. وحط اللوم عالشيطان إنه فسّد بينهم !! كله من تحت راس الغيره !! بتعمل عمايل !! .. يعني هم الله يسامحهم من كل عقلهم بيغاروا من اخوهم الصغير؟؟ !! اخوهم يوسف واخوه بنيامين من زوجه ابوهم راحيل اللي ماتت.. الولدين صغار وايتام .. وهم ما شاء الله عليهم بشهادتهم {نحن عصبه} كبار وقد حالهم ..مش بحاجه لعطف وحنان ابوهم زي هالولدين الصغار!!! سيدنا يعقوب عليه السلام كان يعطف عليهم للصغار ومش منتبه انه اولاده الكبار عقلهم صغير وبيغاروا... بس لدرجه يفكروا يخلصوا من يوسف؟؟ اه لهالدرجه .. بالاول كانوا بدهم يقتلوه .. هم مزبوط اشرار بس مش اشرار كتير .. واحد فيهم حنون شوي قال بلاش نقتله خلينا نرميه بالبير ..ونخلص منه !! سبحان الله .. الايه {قال قائل منهم } مين فيهم ؟ الله ما حدد لنا اسمه لهالاخ الحنون .. يمكن كمان عشان ما نكرههم ؟؟ ما نعرف مين هو ..نقوم نحبه هو ونحقد عليهم هم ؟؟ الله اعلم .. بس بتحس انهم كمان كانوا ضحيه لشعور الغيره .. لازم الاهل ينتبهوا على حالهم كيف بيعاملوا اولادهم .. ما يميزوا بينهم لانه هذا بيأثر على نفسيتهم وبيعمل حقد وضغينه بين الاولاد ..{ لَقَدْ كَانَ فِي قَصَصِهِمْ عِبْرَةٌ لِأُولِي الْأَلْبَابِ}١١١يوسف.
