#لمسات_بيانيه {ودخل معه السجن فَتَيان}.. فَتَيان : مثنى فتى .. وبعدين في آيه لاحقه في سوره يوسف {وقال لفِتْيانِه اجعلوا بضاعتهم في رحالهم}.. وذلك أنّ فِتيان جمع فتى .. أما في سوره الكهف .. جُمعت كلمه فتى بجمع آخر وهو (فِتيه)..{إنهم فتيه أمنوا بربهم}.. اعتمد القرآن الكريم جمع (فِتيان ) ومثناها (فَتَيان) عندما كان الحديث عن الخدم .. واعتمد جمع (فِتيه ) عندما كان الحديث عن الشباب المؤمن الصالح ..
#لمسات_بيانيه وصلنا في قصه سيدنا يوسف عليه السلام عند مقطع وجوده في السجن.. الواضح من الايات إنه سيدنا يوسف ما إكتأب وقلبها دراما عشان دخل السجن . كان مثل كل الانبياء صابر على قضاء الله ومثال يُقتدى به لكل المسجونين المظلومين .. ومن آيه {إنا نراك من المحسنين} منحس قديش كان إيجابي بالسجن وإنه مارس الدعوه براحته مع الموجودين سواء اللي فعلا أذنبوا فأستحقوا السجن (مثل الخباز) او كان مسجون وهو بريء (مثل الساقي).. الملاحظ انه لما طلبوا منه يفسر لهم أحلامهم .. ما فسرها على طول .. وإنما إستغل بذكاء الداعيه إنه الجماعه بدهم التفسير .. راح حكى معهم بالعقل ..ودعاهم لعباده إله واحد هو الله الواحد القهّار.. ولو جاوبهم وفسّر الاحلام بالأول كان ما استنّوا وسمعوا باقي حكيه عن التوحيد.. حتى وهو في السجن ما يئس ودعا أصعب فئات المجتمع .. بس كان حر .. وصاحَبهم عشان يوصل لقلوبهم ويسمعوه وقال لهم {يا صاحبي السجن}..بالنسبه لتفسير الحلمين ..واحد كان خادم عند الملك(ربه يعني سيده) بيشتغل ساقي. الثاني كان بيشتغل خباز عند الملك ..حكى لهم والاثنين قاعدين سوا .. واحد رح ينجو ويسقى الملك خمره والثاني رح يصلب..يموت وتأكل الطير من راسه...ما واجه اللي رح يموت وقال له انت!! تركها مبهمه شوي بقوله (احدكما) و(الاخر)..رحمه ورأفه منه لحكمه يعلمها الله ..☺️☺️☺️
