#لمسات_بيانيه {وَدَاوُودَ وَسُلَيْمَانَ إِذْ يَحْكُمَانِ فِي الْحَرْثِ إِذْ نَفَشَتْ فِيهِ غَنَمُ الْقَوْمِ وَكُنَّا لِحُكْمِهِمْ شَاهِدِينَ .فَفَهَّمْنَاهَا سُلَيْمَانَ ۚ وَكُلًّا آتَيْنَا حُكْمًا وَعِلْمًا ۚ}الانبياء.. النَفَش هو الرعي ليلا .. وهذه القصه كما يلي ..كان سيدنا داوود هو الحاكم وابنه سليمان لسه صغير قاعد معه في مجلس الحكم .. عليهما السلام .. دخلوا عليهم هالجماعه مختلفين 😡وبدهم حُكم بموضوع الخلاف😤 .. (على رِسلك يا هذا ) !! دخَلْت بالجو !! 😳☺️.. نرجع الى مسرح الاحداث .. سيدنا داوود : شو القصه؟ .. غنمات هالراعي دخلوا حديقتي بالليل وخربوها وأكلوا ثمار الحديقه كلها !! وأنا بدي تعويض !! بدي حقي!! 😡.. سيدنا داوود : مزبوط هالكلام يا راعي الغنم ؟؟؟ .. مزبوط يا نبي الله 😔 كنت غفيان وما صحيت عالقصه الا بعد ما خرّبوا لجاري حديقته!! 😔.. امممم سيدنا داوود عليه السلام حكم على صاحب الحديقه انه ياخذ غنمات الراعي تعويض عن الخسائر اللي صارت عنده .. بس سيدنا سليمان كان عنده رأي آخر ..بمنتهى الذوق والاخلاق !! انبياء وقدوه !!.. تسمح لي يا مولاي عندي رأي ..؟؟ ومع إنه كان لسه صغير بس من حُلم سيدنا داوود على ابنه وتشجيع له وإعداده للحكم وسعه صدره .. قال له : إنت شو شايف يا ابني؟؟ شو ممكن تحكم ؟؟ .. سيدنا سليمان اقترح :صاحب الحديقه ياخذ الغنمات يستفيد من ألبانها وأصوافها ونسلها .. مده بسيطه اللي تتيح لصاحب الغنم ياخذ الحديقه ويرجع يزبطها زي ما كانت قبل ما تخربها غنماته!! ولما يرجعها زي الفل بيرجع ياخذ غنماته وصاحب الحديقه بترجع له حديقته ويا داااار ما دخلك شر !!!☺️☺️☺️ حُكم فعلا عادل .. وسيدنا داوود رضي وما كان عنده مشكله بأنه يمشي على الاقتراح اللي حكاه ابنه ☺️.. سبحان الله .. ذكر في القران الكريم (ففهمناها سليمان) .. ومن روعه كلام الله المعجز انه قال {وكلاً أتينا حكماً وعلما} يعني الله عز وجل أثنى على اجتهاد سيدنا داوود كما أثنى على علم سيدنا سليمان ...عليهما السلام ..
