سيدنا ابراهيم قال لإبنه سيدنا اسماعيل {إني أرى في المنام إني أذبحك }١.٢ الصافات. وأما سيدنا يوسف قال لأبيه سيدنا يعقوب عليهم السلام أجمعين {إني رأيت أحد عشر كوكبا }.. ليش بالاولى (أرى )وبالثانيه (رأيت) ؟؟؟ بالأولى مضارع .. أرى .. يعني عم أشوف الحلم أكتر من مره .. الحلم هذا مش سهل ! شو يذبح ابنه ؟؟ إبنه اسماعيل ! إبنه البكر (لسه كان سيدنا اسحق لم يولد ) اللي اجاه على كَبر!!. بس الحلم مش سهل وعم يتكرر دليل انه رؤيا .. وهو نبي ورؤيا الانبياء حق !! بعدين هيك بيروح بيقول لإبنه .. انا عم تيجيني رؤيا وأمر من الله اني أذبحك ! شو رأيك يا ابني ؟؟ هو ما كان عم يستشيره في كلام الله !! .. هو كان بده ابنه يأخذ الأجر في الانصياع لأمر الله معه !!.. مش رح اقول لكم لو أي صبي تاني سمع ابوه هيك بيقول له شو رح يكون جوابه !!! انما هذا مش صبي عادي كمان .. هذا نبي ابن نبي .. اللي ربته ستنا هاجر .. ربته انه أبوك بيسمع كلام ربنا اللي خلقنا كلنا مهما كان الامر صعب ! إمه هي الست اللي قالت لزوجها لما تركها وسط الصحراء : آالله أمرك بهذا ؟؟ أمه هي الست اللي أكرمها الله وخلانا نعمل بالعمره والحج زي ما عملت لما تركت ابنها يبكي وركضت بين الصفا والمروه !! هذا الصبي كان طبيعي منه إنه يقول لأبيه :{ إفعل ما تؤمر} !! لانه عارف انه الله اللي أمر ابوه بهيك أمر في له حكمه حتى لو ما فهمها المهم انه يطيع وقال لأبيه يهوّن عليه {ستجدني إن شاء الله من الصابرين}!! وذكره الله عز وجل في آيه مريم ٥٤{وأذكر في الكتب إسماعيل إنه كان صادق الوعد وكان رسولاً نبيا}!! تخيلوا ما أصعب هيك موقف عالاثنين .. امتحان صعب نجحوا فيه ..{وفديناه بذبح عظيم}..نرجع للفكره الرئيسيه ..شفتوا ليش (أرى)؟؟ لصعوبه الامر .. اما في حاله سيدنا يوسف .. شاف الرؤيا مره واحده فقط ولما حكاها لابوه .. فهم على طول سيدنا يعقوب انه ابنه هذا دوناً عن باقي اولاده رح يكون له شأن عظيم .. وانه ال١١ كوكب هم اخوته والشمس والقمر أمه وأبوه .. رح يسجدوا له .. سجود احترام طبعا مش سجود عباده .. وقال له ما تجيب سيرة هالرؤيا لحدا من اخوتك بلاش يعرفوا .. {فيكيدوا لك كيدا} .. وهذه قصه (أرى)و(رأيت)...☺️☺️☺️
