#لمسات_بيانيه في سوره يوسف .. سيدنا يعقوب عليه السلام .. لما أجوا اولاده وقالوا له تركنا اخونا ورجعنا لقينا الذئب أكله .. وبيّن كذبهم من القميص اللي مش ممزوع وعليه شويه دم... ما عصّب فيهم؟؟؟ ما راح يدوّر على ابنه زي كل الاباء؟؟ ما عاقبهم لاولاده ؟؟ كان عارف انهم كذابين وقال لهم {بَلْ سَوَّلَتْ لَكُمْ أَنفُسُكُمْ أمراً}وضل عنده أمل ابنه يرجع له..،ولما طلبوا ياخذوا اخوهم الثاني رضي يعطيهم اياه مع انهم كانوا مضيعين يوسف من قبل؟؟؟وحتى سيدنا يوسف عليه السلام لما كبر شويه ما حاول يرجع عند اهله؟؟ لما شاف اخوانه وعرفهم ما تفاجأ ونرفز وعصّب ؟؟ !! كان ممكن بكل سهوله ينتقم ويحبسهم لانه موقفهم كان ذل ! جايين يطلبوا منه حصه من القمح!! بس هو كان صابر طوووول الوقت على كل اللي صار فيه .. زي سيدنا يعقوب اللي قال {فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ }. والصبر الجميل هو الصبر اللي لا شكوى فيه .. طول الوقت كان متأمل يرجع يوسف وبعدين أخوه ..{عَسَى اللَّهُ أَن يَأْتِيَنِي بِهِمْ جَمِيعًا ۚ إِنَّهُ هُوَ الْعَلِيمُ الْحَكِيمُ} عارفين ليش ؟؟ والله اعلم .. مزبوط هم أنبياء وطاقه تحملهم غير وابتلاءهم اكتر من باقي البشر .. بس بيضلوا بشر .. عشان هيك سبحانه الله رحمهم وبدأ السوره يعني بدأ القصه من اولها بالرؤيا اللي شافها سيدنا يوسف وبس حكاها لابوه.. يعني الاثنين كانوا عارفين انه رح ييجي اليوم اللي اخوته وامه وابوه يسجدوا سجود تكريم لسيدنا يوسف ... عشان هيك كان عارف سيدنا يعقوب انه الذئب ما أكل ابنه وكان عارف انه في يوم من الايام رح يظهر ..فعلا الانبياء غير عن كل البشر .. الله عز وجل إصطفاهم ..حتى سيدنا يوسف لما شاف اخوته وتعرفوا على بعض حط الحق عالشيطان وقال {مِن بَعْدِ أَن نَّزَغَ الشَّيْطَانُ بَيْنِي وَبَيْنَ إِخْوَتِي ۚ إِنَّ رَبِّي لَطِيفٌ لِّمَا يَشَاءُ ۚ إِنَّهُ هُوَ الْعَلِيمُ الْحَكِيمُ } هذا هو الرضى بأقدار الله .. والثقه ان الله لن يضيّع المؤمن الصابر ..اللي يستمد القوه من ايمانه بالله.. .. سبحان الله
