#لمسات_بيانيه {وقَالَ الْمَلِكُ ائْتُونِي بِهِ فَلَمَّا جَاءَهُ الرَّسُولُ قَالَ ارْجِعْ إِلَى رَبِّكَ فَاسْأَلْهُ مَا بَالُ النِّسْوَةِ الَّلاتِي قَطَّعْنَ أَيْدِيَهُنَّ إِنَّ رَبِّي بِكَيْدِهِنَّ عَلِيمٌ}.. وصلنا في قصه سيدنا يوسف لما أجى عنده الساقي وطلب تفسير رؤيا الملك....سيدنا يوسف ما قال له مش رح أفسر إلاّ لما تطلعوني من السجن!! خُلُق نبي.. ما إستغل الموقف !! بعدين الملك لما شاف انه الشخص اللي فسر الرؤيا انسان مش عادي لانه فسّر ...ونصح ...وبشّر..!! قال:لازم يكون ضمن حاشيتي المقرّبه!! . أمر يجيبوا له سيدنا يوسف ورجع الساقي للسجن فرحاااان ..كان مفكر انه سيدنا يوسف عليه السلام رح ينبسط ويطلع على طول .. إنما لااااااا .. سيدنا يوسف ما رضي يطلع !! كيف بده يطلع ولسه براءته ما ظهرت ؟؟ كيف بده يكون من حاشيه الملك وفي احتمال أي وقت حدا يوشوش الملك ويقول له بخبث: يا مولاي! حضرتك مش عارف قصه يوسف اللي خلته دخل السجن؟؟ ..سيدنا يوسف بكل ثقه ..قال للساقي : روح قول لربك (اللي هو الملك) شو قصه الستات اللي قطعوا ايديهم ؟؟ وقل له انه ربي انا (الله عز وجل) عارف بالقصه وفاهم الحقيقه!! .. جمله زي هيك لما وصلت للملك إستفزّته!!! في اشي بمملكته هو مش عارف عنه!!؟؟؟؟ جمع الستات اللي قطعوا ايديهم ومعهم امرأه العزيز وقال لهم شو القصه؟؟؟.. كل هذا وسيدنا يوسف بالسجن!! .. لما تم استدعاء الستات اعترفوا بالحقيقه وقالوا ما شفنا عليه اشي غلط .. بس وين الحلو بالموضوع؟؟؟ ذوق وأخلاق نبينا يوسف عليه السلام !! ما قال خلّي الملك يسأل امرأه العزيز عن شو عملت معي؟؟ وهي راودتني؟؟ ما قال هيك انما حط الموضوع بالستات كلهم !! ما بال النسوه؟؟ عشان يستر عليها .. ما بده يفضحها ولا بده يفضح العزيز .. اللي دار باله عليه من وهو صغير .. مش سيدنا يوسف اللي يعمل هيك!! وهو الكريم ابن الكريم ابن الكريم ابن الكريم ..عليهم جميعا افضل التسليم..
