#لمسات_بيانيه {يا ايها الذين آمنوا اصبروا وصابروا}ال عمران ٢٠٠. {فاعبده واصطبر لعبادته}مريم ٦٤.الصبر بيكون انك تمنع نفسك عن ارتكاب معصيه أو انك تصبر على فعل الطاعه.. وهالايام صار سهل كتير ارتكاب المعصيه !! الوسائل متاحه .. وفعل الطاعه صار بدها صبر اكتر .. رغبهً فيما عند الله من ثواب وخوفاً فيما عنده من عقاب.. وهيك كانت كلمه (اصبروا) . ..الصبر بيكون بهدوء واطمئنان وبدون شكوى.. .. أما (صابروا ) فهي من الفعل (مصابره ) وهذه بدها مجاهده على الصبر .. درجتها اعلى من الصبر لانه بدها تصبُّر يعني تحمّل على الصبر والاستمرار عليه ..التصبر يعني بيتمرن وبيعوّد حاله وبيجاهد (زي لما نقول انما العلم بالتعلم ) .. أما الاصطبار فهو درجه أعلى من الاثنين لانه فيه الشِّدّه!! .. فهو عباره عن تكرار التصبر لحد ما يصير إصطبار ..وذكرت في الصلاه لانها مستمره الحدوث وبدها ثبات وعزيمه ..بالاول بالتصبر والمواظبه والاستمرار منصلي بس في أهم من هيك .. نوصل لمرحله الاصطبار بالصلاه يعني نحقق {ان الصلاه تنهى عن الفحشاء والمنكر }. نُقيم الصلاه بكل معانيها اللي بتتعلق بكل حياتنا ..نوصل لمرحله التقوى .. وآيه {استعينوا بالصبر والصلاه }...يعني نفس الصلاه اللي عم نصطبر عليها عم بتصبّر فينا عالحياه .. أبلغ كلام ما قاله الذي لا ينطق عن الهوى : أرحنا بها يا بلال ..عليه افضل الصلاه والتسليم..
