#لمسات_بيانيه.{تَزْرَعُونَ سَبْعَ سِنِينَ دَأَباً فَمَا حَصَدتُّمْ فَذَرُوهُ فِي سُنبُلِهِ إِلاَّ قَلِيلاً مِّمَّا تَأْكُلُونَ * ثُمَّ يَأْتِي مِن بَعْدِ ذَلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلاَّ قَلِيلاً مِّمَّا تُحْصِنُونَ * ثُمَّ يَأْتِي مِن بَعْدِ ذَلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ}..تفسير سيدنا يوسف عليه السلام لرؤيا الملك.. انه رح ييجي عليكم سبع سنين وراء بعض(دأبا) الموسم الزراعي (خصوصا القمح) رح يكون ممتاز ..بعدها رح ييجي سبع سنين صعبين ما رح تمطر ورح يصير في قحط وجوع بالبلد مش رح تلاقوا قمح تاكلوه..البقره شو بيكون فيها؟؟ مخزن حليب .. في الرؤيا كانت رمز لمخزن القمح ..سيدنا يوسف عليه السلام فسر الحلم اللي بيقول انه سبع بقرات سمينه رح ياكلوهم السبع بقرات النحيفه.. يعني الاكل الكتير اللي هو في سنين الخير لازم انتو تخبّوه وبس تأكلوا اللي انتم بحاجته لانه رح تلاقوا كل هالاكل اللي خزنتوه {الا قليلا منا تحصنون}لما يجوا سبع سنين القحط والجدب .. نصحهم نصيحه ما كانت بالحلم لما قال لهم {فذروه في سنبله}يعني اتركوا القمح في السنبله عشان ما يدخلها السوس .. علّمهم طريقه التخزين.. مصر معروفه من زمان انها بلد القمح .. يحصدوا وياكلوا ويبيعوا كل سنه .. ما كانوا يخزنوا .. سيدنا يوسف حتى لما قال لهم ياكلوا نبّههم انه ما ياكلوا الا حاجتهم {الا قليلا مما تأكلون}.. كمان لما قال لهم اتركوه بالسنبله عشان مش مشكله يستعملوا باقي النبته من سيقان واوراق فتكون أكل للحيوانات ..(كانت البقره رمز في الجزء الاول من الحلم وكانت السنبله واضحه في الجزء التاني بشكل مباشر)..بعدين حكى لهم عن العام اللي بده ييجي فيه شتاء كتير .. يُغاث من غيث وهو مطر الخير ..ورح ينقذ الناس بعد سبع سنين الشده..،هذه الإضافه عن عام الخير كانت وحي من الله عز وجل لسيدنا يوسف لإظهار فضل وكرامه سيدنا يوسف على الملك !!..ما كانت هالمعلومه بالحلم .. كمان كانت زي بشرى وتطمين للناس انه سنين الشده مش على طول .. وفيه يعصرون .. متى الواحد بيعصر الليمونه مثلا ؟؟ لما يكون فيها عصير وماء كتير .. ونفس الشي الزيتون رح يطلع زيت وهكذا .. هيك كان تفسير سيدنا يوسف لرؤيا الملك ..☺️☺️☺️
