#لمسات_بيانيه {قال رب السجن أحب إليّ مما يدعونني إليه}حد بيتخلّى عن حريته وبيفضل يدخل السجن ؟؟ مقابل الحفاظ على عفته؟؟ هذا اللي عمله سيدنا يوسف عليه السلام .. هو شاف حريته الحقيقيه بوجوده بالسجن .. ولو بقي بره رح يكون بسجن غير مرئي.. مش دايما كل شي بيكون زي ما احنا شايفينه.. في كتير ناس بيفكروا الصبيه المحجبه او الشاب الملتزم .. انه الدين حد من حريتهم !! قيّدهم !! وإنه الله يعينهم !! مش عارفين قديش هالانسان بيكون عنده سعاده داخليه .. الحريه الحقيقيه انك تكون متصالح مع نفسك من جوا .. وربك راضي عنك !! ..الصبيه اللي شعرها مبيّن من تحت الحجاب او لابسه ملابس ضيقه .. هذه ..الحجاب قيدها وحد من حريتها لانها مش مقتنعه فيه .. ونفس الشي الشاب .. النظافه والحريه بتكون من جوا .. لما المجرمين بيدخلوا السجن عقابا لهم على جرائمهم .. بيكون عشان يبعدوهم ويعزلوهم عن المجتمع.. اما السجن الحقيقي لما يكون الشخص خارج القضبان ..بس معزول عن المجتمع ..هذا العقاب الاصعب.. بتتذكروا الثلاثه اللذين خُلفوا في غزوه تبوك. شو كان عقابهم ؟؟ انه ما حد يحكي ولا يتعامل معهم لحتى ما يحكم فيهم الله.. الكم يوم اللي الكل نبذهم فيهم كانوا من اصعب ايام حياتهم .. ضاقت بهم الارض بما رَحُبَت..حتى نزل قرآن بأن الله قبل توبتهم .. كنت افكر انه (القابض على دينه زي القابض على الجمر) عشان هذه الايام ..طلعت من ايام سيدنا يوسف !! بس هو اختار العفه .. رغم صعوبتها..العفه ما بتضيع عند الله .. ثوابها دنيا وآخره.. بالدنيا .. بالزوج الصالح والزوجه الصالحه .. والاولاد البارين .. وبالاخره.. بجنه عرضها السموات والارض .. أعدت للمتقين.. اللهم اجعلنا منهم ..
