الفرق بين الحيه والثعبان .. انه الحيه بتكون صغيره والثعبان بيكون كبير ..اما الافعى فهي السامه .. في قصه سيدنا موسى عليه السلام ذكرت الحيه والثعبان .. اول اشي لما تحولت العصا الى حيه {فإذا هي حيه تسعى}ما كان القصد انه موسى عليه السلام يخاف انما انه تبين له المعجزه .. ومع هيك هو خاف وهرب ! الله سبحانه وتعالى لطف فيه وما تحولت لثعبان .. بس لما راح عند فرعون وبده يثبت له انه نبي ومعاه معجزات .. ألقى العصا تحولت الى ثعبان ! {فألقى عصاه فإذا هي ثعبان مبين }..عشان فرعون يخاف ويستوعب !! .. لما اجى دور السحره وألقوا هم العصي تبعتهم .. سحروا اعين الناس وصاروا يشوفوا العصي حيات عم تتحرك! كيف ؟؟ كانت العصي مجوفه وحاطين فيها زئبق ..وشو عاملين كمان ؟؟ حاطينها على رمل في تحته مواسير مخفيه عشان لما يولعوا نار تسخن المواسير تأثر عالزئبق اللي بالعصي يصير يتمدد فتبين العصايه كإنها عم تتحرك زي الحيه!! طبعا السحره فاهمين شو عم يعملوا وانهم عم يضحكوا عالناس .. لما ألقى موسى عصاه {فإذا هي تلقف ما يأفكون }.. لم يذكر الله تعالى لا حيه ولا ثعبان .. لانه المهم هون انه يثبت للسحره انه العصا اللي معه عصا معجزه مش سحر هذا ! حقيقه ! بلعت كل العصي تبعتهم ! وفي دقيقه آمن السحره !! تحولوا من عبدة لفرعون الى عباد الله المكرمين .. اللهم اجعلنا منهم
