#لمسات_بيانيه خلينا نشوف موقف الفتنه اللي تعرض له سيدنا يوسف.. تخيلوا القصه هذه صايره من حوالي اربع الاف سنه !! والله سبحانه وتعالى ذكرها بالقران .. ونحن بحاجه لها في كل الازمان .. الفتنه موجوده والعفه مطلوبه .. الله سبحانه وتعالى ضرب لنا حاله استثنائيه صعبه الحصول .. ومع هيك حصلت .. الست هذه اللي بالقصه .. هي بمثابه امه لسيدنا يوسف .. اجى على بيتها صغير وهي ربته زي ابنها .. وبعدين فجأه مخها ضرب لما ظهرت عالشاب معالم الرجوله والحلاوه؟؟؟ في حاله مستحيله أكتر من هيك حاله !؟! فرق عمر كبير بينهم .. وأمضوا مع بعض سنين في بيت واحد .. يخدمها بعيونه وتعوضه حنان الام اللي ما شافه .. الست اكيد مش فجأه لقيت حالها متيّمه بالشاب!! بده يكون في مقدمات .. عشان هيك الله قال في كتابه العزيز .. {لا تقربوا الزنا }.. ما حرّم الزنا بس .. وإنما نبّه على كل خطوات الشيطان اللي تؤدي اليه .. قال انتبهوا على الخلوه .. وغض النظر واجب للشاب والبنت .. لا وكمان اكتر من هيك ! الست متزوجه!! ومش أي زوج ؟ عزيز مصر يعني وزير الماليه وعندها قصر وخدم وحشم !! يعني شو ناقصها؟؟ مش عيب عليها !! والشاب لسه بأول عمره .. مش متزوج .. وبلغ اشده يعني في عز عنفوانه وهرموناته!! وفوق هذا خادم عندها !! لازم يطيعها .. توفرت له كل الاعذار علشان يتجاوب معها .. ومع هيك !! قال معاذ الله .. استعاذ من الشيطان !! سيدنا يوسف فعلا مثال للعفه .. هددته بالسجن وفضّل السجن على ارتكاب اي معصيه.. عارفين شو؟؟ الامتحان هذا اللي مر فيه سيدنا يوسف .. هو امتحان أصعب من الامتحان اللي مر فيه وصبر على أذى اخوته .. لانه هذاك الصبر كان صبر اضطراري .. استحمل وثبت .. إنما صبره على عدم ارتكاب المعصيه هنا .. هو صبر إختياري أجره عليه أكبر .. لانه اختار مرضاه الله على كل غرائزه اللي الله أصلا خلقه فيها .. بس قال له تحكّم فيها لهذه الغرائز وما تعبّر عنها الا في المواقف الحلال .. المثال هذا اللي شفناه بالقصه موجود بيننا وممكن يصير حوالينا .. هذا .. ووقتها .. لا كان عندهم موبايلات ولا نت ولا اختلاط تجاوز كل الحدود .. ولا هذه زي اختي وهذه زي ابنتي ويييييي انتَ زي اخوي ..،ويييي معلش .. وعادي ... وشو فيها ؟؟ وما تعقدوهااااش .. الخ الخ الخ .. من مقدمات ما لا يحمد عقباه .. القصه هذه منقرأها كتير .. وكلنا منحبها .. بس لازم تسمعوا لها لانه هي بتقول لنا : يا جماعه .!! .. يا جماعه الخير .!! . انتبهوااااااا...!!
