#لمسات_بيانيه خطر على بالي ..لما فرض الصلاه نزل قبل الهجره بثلاث سنين .. والصيام والزكاه والحج بعد الهجره.. يعني عشر سنين من لما نزل الوحي عالرسول عليه الصلاه والسلام والموضوع كان بس على ركن : لا إله الا الله !!! عشر سنين يا جماعه .. وكل اللي صار فيها من جهاد وكفاح ومعاناه ومعاداه الاهل .. بس علشان الكفار ما يقولوا : لا اله الا الله !! قصه بلال وعذابه .. ال ياسر .. ثلاث سنين في الشِعب لما نفوهم للمسلمين ما لقيوا ياكلوا ،. عشان قالوا لا اله الا الله !! هاجروا عالحبشه وقصتهم هناك عشان هذه الجمله !! تركوا بلدهم واهلهم!! ..قصه الطائف وكيف مشي عليه الصلاه والسلام كل المسافه على اجريه و و و وبعدين رجع وطلب يجيره كافر عشان ما يقتلوه الكفار .. كله هذا وأهل قريش رافضين يقولوا لا اله الا الله !!! أيام دار الارقم والدعوه السريه .. وعمر بن الخطاب لما ضرب اخته على وجهها نزّل لها الدم !! عشان ما يعترفوا بدين جديد ! قصص السيره النبويه قبل الهجره كلها !! ليش لما درسونا ما فهمونا انه كل هذا العذاب والشقاء كان عشان تثبيت فكره عدم وجود آلهه .. هو إله واحد !!! هالقد كان صعب يتقبلوا هيك فكره ؟؟! كافحوها بضراوه .. عشان بتخرّب على مصالحهم الشخصيه !! بدهم لكل قبيله إله وييجوا يعبدوه بالكعبه وينشطوا التجاره ؟؟ .. هي مكه شو فيها غير هالكعبه والجماعه رزقتهم منها !! .. ياااااااه يا حبيبي يا رسول الله .. قديش الصحابه الاوائل تعبوا وعانوا علشان يوصل لنا الاسلام جاهز !! .. واحنا بكل سهوله وأمان نقول :لا إله الا الله ...بس هي مش جمله .هي اساس ، ركن ، عقيده .. منهاج حياه ..تعبوا المسلمين الاوائل عشان توصل لنا .. هذول هم ..السابقون السابقون .. اللهم اجمعنا بهم في جنه عرضها السموات والارض..واجزِهم عنا وعن أمه الاسلام بما صبروا ..خير جزاء ..
