The Bulletproof Fan

Bulletproof 26

Napatingin kaming lahat kay Mr. Kim na tumawa ng malakas sabay hampas pa sa mesa. Tumingin ulit sila kay Yoongi.

"Hindi naman yan totoo."

Sabi ni Hoseok at tumawa ito na para bang imposible talaga ang sinasabi ni Yoongi.

"Minsan ang iniisip mo Hyung ay kabaliktaran. Kaya minsan di kami nakikinig sayo."

Sabi ni Namjoon at sumubo ulit. Napatingin sa kanya si Yoongi.

"Oo nga Hyung."

Tatango-tango pang sabi ni Jungkook. Uy nandiyan ka pa palang bata ka. Pero si Mr. Kim nagpipigil pa rin ng tawa. Langjo pinagtatawanan ako ! Siya lang naman may alam sa akin! Muntik na talaga Ava! Sumubo ulit ako ng pagkain. Akala ko mabubuking na talaga ako!

"Sabihin mo naman sa amin kung ano ang nakakatawa Manager-nim."

Seryosong sabi ni Taehyung. Nagpipigil pa rin si Mr. Kim.

"J-Hope paabot ng tubig itatapo-ibibigay pala kay Manager Kim."

Binigyan niya ako ng tubig. Tumayo ako para maabot ko kay Mr. Kim ang tubig at pinanlakihan ko siya ng mata. Kinuha niya ang tubig pagkatapos uminom ay ngumiti siya sa akin ng makahulugan. Umayos na ako ng upo.

"Yah! Bakit si Hobie lang tinatawag mo sa codename!?"

Biglang tanong ni Yoongi. Nagulat ako sa pagtanong niya. Minsan lang tong magsalita kaya nakakagulat pagnagtanong siya. Nakakunot ang noo nito at mukhang hindi masaya. Napatingin ako kay Hoseok na ngumingiti. J-Hope kasi nakasanayan ko kaya minsan nahihirapan akong tawagin siya sa pangalan niya at baka mahalata ako kung tatawagin ko siya sa code name kasi nga hindi nga ako fan DIBA. At mas gusto kong tawagin siyang J-Hope because he is Bangtan's HOPE.

"Kasi special ako!"

Masayang sabi ni Hoseok. Ngumiti ako sa kanya at ngumiti ito pabalik. These seven boys have the most precious smile that every fan anticipates.

"Special child kamo."

Sabi ni Jungkook na nagpasama ng mukha ni Hoseok.

"Yahh! Gumalang ka sa Hyung mo. Hyung mo ko! Respect meyn!"

Sabi ni Hoseok. Napatawa ako sa "man" niya naging "meyn".

"Oo nga Ava-chi. Bakit hindi mo kami tinatawag sa codename namin."

Sabi ni Jin na nagpakunot ng noo ko.

"Wow nagsalita ang may codename."

Sabi ni Namjoon na tumatawa. Alam niya talaga paano painisin si Jin. Wala naman kasing codename si Jin. Inirapan siya nito. Tong lalaking to mas babae pa yatang umarte sa akin. Hahahaha

"Pangalan ko pa lang kasi gwapo na kagaya ng mukha ko kaya hindi na kailangan ng codename."

Sabi nito at sumubo ulit ng napakalaking kanin. Okay yung pagsubo lang niya ng pagkain ang hindi feminine sa kanya. Ang lakas talaga niyang kumain nakakainsecure kasi hindi siya tumataba.

"Nagcodename pa kayo. Ang tinatawag rin naman ng mga fans niyo is yung real name niyo."

Iiling iling na sabi ko.

"Tsk. Ilang ulit ko na nga sinabihan yung mga fans na tawagin naman nila kami sa codename namin. Pero wala talaga. Atleast they know our real name."

Sabi ni Namjoon.Natawa ako ng maalala na ginagamit nila codename nila kapag on-cam, sabi pa nga ni Yoongi eh baka yung codename na daw makalimutan ng mga fans. Ngumiti si Hoseok sa akin. Nilagyan ko siya ng ulam sa bowl. Kumunot ang noo ko ng biglang inabot ni Taehyung ang bowl niya.