الفصل الخامس
مرايا الروح
قهقهات اطفال مدوية كانت تسمع من بعيد ..
منطقة الكاظمية كانت مكتظة باصواتهم النقية
باب الدرواز ,السوق القديمة
كانت رحاب تمشي ويركض اطفالها امامها يلعبون مع غيرهم
شعرها الاسود الطويل يلعب هو الاخر في هذا الهواء النقي
الشمس واضحة وساطعة لكن نسمات الهواء الممزوجة بعبق البيوت القديمة
جعلته اكثر انعاشا وربما طمانينة
منظر البيوت القديمة والطابوق الاثري يجعلك تعيش في عالم اخر
عالم من الف ليلة ولية
كل شي كان يبدوا مثاليا للغاية
يد فاضل تقودها الى الامام ممسكا يديها بقوة
يشيرعلى كل بيت ويركض نحو هذا وذاك المنزل
يتحدث بقصص مقتضبه عن كل عائلة فيها
عن ذكرياته وطفولته
يصرخ بضحك في كل مره انه كان يركض هنا ويقفز هناك
كان سعيد جدا بعودة ساقية
يحمل عمار على كتفه ويركض بشار متاخرا خلفهم بينما يتناول عباس الشعر البنات بلهفه وقد تركت الوانها اثارها على اصابعه الصغيرة
كان يبدوا اصغر سنا كما تره رحاب دائما
واخيرا وقف امام منزله وطرق الباب
جدته الحبيبة الغالية
تلك المراءة الحنينة الوفية استقبلته بنظارتها الواسعة ذات الاطارالاسود
بثغر باسم يخلو من الاسنان الاماية والخجل يعلو وجناتها النحيليتين
بثوب الاسود الي يعلوقليلا عن كاحلها و
الذي رفضت خلعه بعد عدة وفيات سرقت منها احباب الدار
مدت يدها المليئة بتجاعيد الزمن
تلك اليد الحنون التي لطالمها لثمها فاضل بالقبلات
مدت اليه وهي وتبتسم
حضنها ومثل كل مره
قبلته بقوة من رقبته وشمشمت بيه
وانحنى هو ليضمها بكل مااستطاع من قوة
تعال يمه تعال يمه تعال
صدقة للرويحات
يمه اشتقايتلك
تعالو يمه تعالوا بحضني
اشرت للاطفال
لكنهم تركوها وهم يضحكون هربوا بعيدا
دخل فاضل واندار على رحاب وابتسم
ابعدها بايده بهدوء
كللها بعدين مو هسه تجين ويايه
اني حدخل وحدي هسه
انقهرت رحاب من دخل للبيت وحضن بيبيته وراح سد الباب وراه
بقت هي واكفة متاملة هذا البيت العديم ال ملامح
ضباب كثيف اختفى بيه ظل الشخصين
وفتحت عينها وهي تحاول تركز على فاضل حاولت تصرخ لكن صوتها مكتوم
وماكدرت تركز زين
الا ان شافت نور
نور الهدي
تتعارك ويه الدكاترة والسسترات
حاولت توعى اكثر
كانت امل تمسح وجهها وبصفها كاعدة رقية على الكاع تدك وتلطم ورجلها
باعت زين وشافت امل هم تبجي
ماحست رحاب
هاي شكو
شبيها نوروليش رقية هيجي تسوي
واخيرا رجع الصوت لاذنه
نور تصرخ اخووويه
اريدن اخويه
ماتخذوه
انطويالي هذا اخويه حرام عليكم
كانت لابسة دشدادتها الكودري السمائية بالورد البنفسجي الناعم وتك شحاطة ومملخة روحها وشعرها طالع والفوطة نازلة للكاع باقي طربها مجلب بيها
ماتقبل تصدك فاضل مات
مصره الا ينطوهيا شلون محد يدري
جانت تصرخ بجنون ولكم هذا اخويه ماعندي غيرة شبيكم
بس هذا الي جان باقيلي سند
الحكيني يوم وينج حتى فاضل خذوه مني
ليييش ياربي
ليش ليش اخذت فاضل مني وانت تعرف ماعندي غيره بالدنيا
منو الي
كلهم اخذتهم شظال عندي
دخذ روحي هم فرد نوب مااريد بعد اعيش
