(دمج بارتين )
النعوش الطائرة
النعوش الطائرة مصطلح عرفه العراقييون عندما اثارت زوبعة من الصحفيين المصريين والخليج العربي حول النعوش التي كانت تنقلها الطائرات العراقية لجثامين المصريين العاملين فيه حيث ازدادت اعداد القتلى والمفقودين المصرين في العراق بعد احداث عام 1990
عنما وقفت مصر ضد حكومة بغداد السابقة في مشروعها لضم الكويت
كان المصريون في العراق احيانا يقتلون هكذا بدون سبب مجرد حادثة انتقام واحيانا اخرى كانت باسباب اخرى تعددت فهم غيرهم من العمال الاجانب في دولة اخرى ...
لكن الموضوع ااثير كورقة اخرى رفعت بوجه العراق في تلك الفترة بحجة انتهاك حقوق الانسان وعلى الرغم ان بغدادكانت تقوم بدفع تعويضات لعوائل المغدورين الا ان الاعلام استغل هذه النقطة كابشع استغلال
وها قد امتلات سماء بغداد بالنعوش الطائرة الى يومنا هذا
فكم من سرب طائرات حمل نعوشا قد غدر فيها بحرب الخليج الثانية وماتلاه
وان كانت الطائرات قد حملت نعوشا فلدينا الكثير من النعوش المغيبة التي لانعرف لها اثارا الى الان
طار سرب الطائرات من بغداد يحمل نعوشنا واحدا تلو الاخر دون توقف
ولازالت تلك النعوش تحوم في سمائنا تنتظر يومها الذي تعود فيه لترقد بسلام
ولازلت سمائنا تقطر دما نازحا منها
بين الفينة والاخرى وبين يوم واخر نرفع نعشا علنا يوما نرفع المهاد بمولايد جديدة تزرع الارض حياة بدلا من الموت
نعم انه مشروع الموت الذي تم افتتاحه ولم ينتهي بعد
حرب الخليج الثالثة
سقوط حكومة بغداد
بعد ان كثرت الشائعات عن الحرب ضد العراق باواخر شهر شباط
استعد العراقيين كلهم
كحكومة وجيش وشعب ان يستقبلوا الحرب الجديدة التي كما اسميها حربا مفتوحه لم تنتهي الى الان
صادفت اجواء محرم قبل اسبوعين من الحرب
حينها حاولت بغدادكسف ود وتعاطف الشعب فاطلقت الحرية للمرة الاولى ومنذ عام 1979 ان تنتشر شعائر عاشورا محرم
كان ذلك مصدر غبطة للكثير وظنوا لوهلة ان اباب الانفراج قد فتحت اخير
على الرغم انه في السنوات قبيل الحرب لم يكن التشديد السابق خصوصا في الالفينات
16 اذار 2003 قبيل الحرب ب ب3 ايام
الكل كان خائف من هذه الحرب خصوصا بعدما انتشرت الشائعات باحتمال الهجوم الكيمياوي والاسلحة البايولوجيه
بدا الجيش وجيش القدس وغيرها من تشكيلات عسكرية وحزبية باستحداث نقاط الها وعمل سواتر
والناس كلها مترقبه
تعطل الدوام نوعا ما الا من المراكز الحيويه
ذلك اليوم كان اخر يوم راحت بيه ميلاد للدوام
مع انه اكو من زميلاتها داوموا حتى بعد الضربة بيوم ويومين
لكن هي من النوع الجبان استلمت الراتب مقدما اخذته من الحسابات كسلفة من يوزعون الراتب ترجعه لرغد ام الحسابات للصندوق مره لخ
دائما الموظفات جانوا هيجي يسوون
وقبلها بيوم قيم هم مراحت للكلية
جانت بدرية لابسة دشداتها السوده وجابت الكدورة الكبيرة وكريم وعلاء راحوا جابوا حطب
جانت بدرية تحب تطبخ بهذا الطريقة بس ذكرى لامها
جانت تخوط وتبجي تتذكر ذيج الايام من جانت تنشتر الجدورة بالشوارع والناس تكعد للصبح وامها ماتبقي بيت ماتروح تطبخ وياهم لو تغسل مواعين وتساعدهم بالطبخ والتظيف والتوزيع وحتى تنوم الجهال
طفت الجكارة من اجى علاء مبتسم وهو يشوفها دتخوط بالهريسة
وروان جانت تعبانة من الحمل متمددة على الكرسي بين باب المطبخ وباب الصالة
وبصفها كاعدة على الكاع امل
وميلاد تمسح المواعين الي غسلتها حتى يوزعون بيها
وفخرية ونور يكطعون الخشب بالفاسة قطع صغار ويذبوه جوة الجدرية
جانت الشباب تفتر بين الافرع
ويلتقوون ملتمين قريب على بيت واحد من اصدقائهم
سلم عليهم علاء وطلع هو هم يروح يم جماعته
وراحت امل يم بدرية تساعدها ويسولفون
صاحت بدرية على اختها لو مسويته بصبة بيتنا مو احسن
هسه الحديقة تنترس مي والصبة مو عدلة يبقى باقي الجدر بين الحواف
لفت فخرية فوطتها السودة وجانت دشداتها طافرة بالغسل تركض تلحك تشجر النار
كلتلها عهود خالة بيش هيجي خطية دشداشتها كصيرة
---اني شعليه خالة هي امج رادتها كصيرة فوك الحجل اصبعين وخشت بالغسل يمكن
طلعتي فخرية مثل هذولة الجماعة ههههه
كعدت وسلمت الجدرية لامل تخوط بمكانها كالتها لميلاد تعالي اطلبي مراد
صاحت عهود من يمها هو شتريد مراد غير زواج
كاتلة روحها
---عيب قابل لو حرام دطلبي بلكت الله يخف علينا لسانج ويرزقج بجاهل يشلع قلبج
---يا واني عندي هيجي حظ يصير عندي جاهل انوبة اخاف يطلع مخبل مثل ابوه
هه
جان صوت اللطميات القديمة ينسمع من بعيد وحتى رحاب هم شغلت مسجل بس حطوه بالصالة مو برة
وتوها مدت رجلها بدرية دتورث جكارة كبت العيطة من باب المطبخ
رحاب جانت تتعارك ويه ابنها
وطلعت تصيح وهو يوخرها عنه
الكل اتفاجا بالصياح
---كتلك ماتروح يعني ماتروح جانت لازمته من ردنه وتجره من ايده
وهو يكللها يمه عوفيني جوزي مني زعطوط اني قابل!!
---كلتلك ماتروح
لف اليجماغ على ركبته وجر ايده حيل ومشى يجر نفسه ويقلد مشية الشباب الاكبر منه
جيتت عليه رحاب وجرته من ياخته وصيحت عليه كالتله
مايروح يعني مايروح
ركضت فخرية ونور عليهم
ويريدن يعرفن شبيها رحاب
---شبيج وياه هيجي تضربيه
---كوليله كوليله الافندي مايسمع حجاية لاحد
---واني كتلج اروح اروح اريد اشوف منو يمشي حجايته عليه
---شفتي
شفتي الادبسز شلون يجاوبني
لك بالنعال افرك راسك والله
---اصبري رحاب هو وين يريد يروح ؟
---يريد يروح للكاظمية ويه اصدقائه
صاح عباس من يمه وطلع عمار وراه يجر امه يكللها خليه يروح انت شعليج بيج
دفعته وكلتله انت معليك
عباس كللها والله اكول لاصدقائي اني اسف امي ماترضى اجي وياكم!! جاهل اني!
---شعندك يمه رايح هناك وانت تعرف الوضع يخوف بيبي حبيبي اسمع كلام امك يمه
--بعدك مصاير وتريد تطلع عن طوعي باجر شلون افندي!!!
والله العظيم تطلع منا احركك واحرك روحي
حلفت يمين ياعباس اذا رحت للكاظمية اسويك بيك سوايه ممسويتها ام من قبل
تريد تحرك قلبي ها
تريدبموتني بحسرتي
شمدريني هناك شيصير
يجون يلمون الشباب وياخذوك وياهم منو عندي بله يركض وراك مراكز وحجز
منو بله يطلعك
---بابا انت شبييييج
كام يصيح واتعصب حتى دماراته طلعت
انت شبيج ومنو كلج ديلمون الشباب
شو كلها راحت
---ولك كافي عاد شو انت فد نوب شايف روحك امك تكول ماتروح ماتروح شنو العين الكوية
ادري عليمن طالع
صاحت عليه بدرية وهي تلوح بالجفجير الجبير مال الطبخ
