#نساءمخمليات
الفصل الخامس الجزء 66
التوليب الاصفر
رمز الياس في الحب
كلنا يعلم ان للزهور رموزا معنويه
فالقرنفل يرمز لعنفوان الحب
والجوري يرمز للصداقة
اما التوليب الاصفر فيرمز الى الياس في الحب
اندثرت عندنا ثقافة الزهور من زمن ليس بقليل
فماعدنا نملكها في بيوتنا كما كانت تفعل امهاتنا سابقا
وماصرنا نتهاداها او نحتويها او حتى نزرعها بشغف
اقصى مايمكننا الحصول عليه هو زهرة في الخفاء تحفظ متيبسة بين طيات الكتب القديمة والذكريات الماضية
ماعدنا نشعر بذلك الفيض من العبق
ماعدت تحرك فينا تلك الروائح العطرة شغاف قلوبنا
لقد تحجرنا عنما هجرنا الورود
واصبحنا كما الان في صراع فقطمن اجل البقاء
اصبحنا نفقد انسانيتنا شيئا فشيئا
اصبحنا نفقد الشعور بجمال الحياة
ةتحول لون الطبيعة الخضراءة المزينة بتلك الالوان الزاهية من انواه النباتات المختلفة
الى لوحة رمادية
يحيط بنا الخوف والخراب
يتلقفنا الموت وكانه لاغيرنا على هذه الارض
لقد ماتت مشاعرنا المتلهبة ومات ذلك الشوق الدفين والرغبة في الحياة
كهلنا قبل شبابنا
لانعرف كيف طردنا الدنيا من متاعها
ونعمت اخرين فيها
حرمنا حتى من تلك الطبيعة الخلابة
وتحولت اراضينا من ارض النخلات الباسقة
الى ارض كهلة تتشجا رائحة الموت العفن
منذ ان مات شغفنا بالغد
لم نعد نكترث لما قد يعيد تلك البسمة المفقودة
وتلك المشاعر التي تلمس شغاف قلوبنا
علينا ان نعيد ثقافة الاحساس والتمتع بجميل الحياة
علينا ان نعيد رسم الصور الكئيبة ونلونها بمشاعر دافئة حنينة علينا ان نبدا نحن ذلك
ان نزرع الورود في حدائقنا بدل من الاسيجة الطويلة
ان نغطي سقها بوارق العنب بدل الخرق الحاجبة للضوء والنضر
ان نعود كما كنا نضع ورد الجوري فيكوؤس ونوزعها على اركان المنزل
كما كنا يجب ان نعود
*ملاحظة الجمل بين قوسين هي باللغة الالمانية
كان يوم عيد الحب الي يصادف الرابع عشر من شهر شباط
عيد تجاري اكثر مما هو فعلا تخليد لذكرى معينه
معظم الناس لايعرف تاريخ هذا العيد
بعضهم يرجعها لليوم الذي اعدم فيه اول قس سمح لزواج المثليين
وبعضهم الاخر يرفض هذه الفكرة بل يؤكد انه اعدم من اجل العدالة وحرية المظلومين
ما يمهنا هو ذلك اليوم في مدينة اسن
ظهيرة ذلك اليوم امتلاء المتجر بكثير من المتسوقين
صفت مئات الانواع من باقات الورود
مختلفة الاشكل والاوان والروائح
بل حتى انه بعضها لايمتلك رائحة مميزة ايضا
كانت الباقات الحمراء هي التي طغت على الاجواء
وكذلك الدبب الحمراء وعلب الشوكولا المزينة قد نفذت من الرفوف
كانت اسما تستقبل الزبائن بابتسامة عريضة ونظرة مليئة بالحزن
مافرقناعن هولاء البشر؟
يعني ليش احنى مانكدر نصير مثلهم
نحب ونعيش بالحب ونتهادى الهدايا بالاعياد
ليش دائما عايشين بنكد
اسما صارلها فترة من بدت تحجي ويه عمر
يعني يمكن من شهرين من حادثة الرفوف الي وكعتها
وساعدها بيها
جان اول مرة يكون بهذا القرب منها
شعرت بخجل شديد واحمرت خدودها وهي واكفه كدام رفوف الثلاجة المفتوحة الي تعرض انواع الخضروات
انخبصت كلش
بالبداية حاول يهدائها بحركات ايمائية
لكن هي مافهمت عليه فتعمد يحجي وياها كردي
ردته بالالمانية المتكسرة انه مافهمت شيكول وظلت تعدل بربطتها الي لحت بذيج الساعة انه بس تتزحلك
كل ظنه عمر انه اسما كردية
كان بيها شبه كبير لبنات قريته الي هجرها من شي11 سنة
فسكت وماحجى
بعدها سالها وهمه يخلصون اخر رف
من شاف ملامحها انفرجت وارتاحت انه اتخلصت من الحرج الي خلت نفسها بيه
بدى يسالها بهدوء كعادته صوته هادئ جدا يبعث على الطمانينة
--(من وين انت لاني تصورتك كردية )
---(انا من العراق بغداد مو كردية من بغداد بغداد)
---ابتسم وكللها( اني اسمع زين صح ماشوف كلش زين بس سمعي قوي )
----ههههه خجلت اسما وكالتله انت من منين لكن هي عدها مشكلة بحرف الفي v تلفظه فاء
في حين انه السؤال كان بيه حرف الv
(اسفة مو اقصد الاساءة)
---( لاتقلقي بشان الموضوع ).
كان هذا الحادث بادرة اللقاء الاول والمحادثة الاولى بين اسما وعمر
بعدها بالاستراحه كعدوا سوا على الطاوله وهذه اول مرة يكعدون بيها سوى من اول مااشتغلت هنا
الاصح اول مة يشاركها احد باستراحتها
جانت حمرة الخجل والحرج الي صار بسبب الرفوف باقية اثارها على خدودها وهي تحاول ان تشرب كوبها بعيونها الناعسة الي بين عليها الارهاق
تاملها بسرية عمر وتمعن بجمالها
اجمل من كثير من البنات الالمانيات الي يشوفهم يكول لعابات مخلوقة بس بلا دم ولاحياة
عدهم جمود مو طبيعي
كان حديثهم عابر
مسالها عمر اي سؤال شخصي
كان حديث عام رادها هي تحجي عن نفسها
لكن هي ايضا تجنبت الحديث عن اي شي خاص بيها او عنه
صار معظم الموضوع عن اصدقائه الاتراك عوائل تركية مسلمة يختلط بيهم من زمان
معظم الاتراك هنا يمتهنون مهن حرفيه معتمدين على نفسهم بكل شي
بعضهم لايزال يحتفظ بالعادات الاسلامية الصلاة والصيام والحجاب
حبت اسما تتعرف عليهم بعد التشويق الي حجى بيه عنهم عمر وانه ممكن اخيرا يكون عدها صديقات
وبدت تتعرف على هذه العوائل
صار عمر يعرفها عليهم وعلى اهل اصدقائه والكل كانوا متحمسين ظنوا انه حيصير بينهم شي كون مو من عادة عمر ان يصطحب بنات وياه بطلعات عائلية
اتقوت علاقتهم لكن بنفس الوقت كانت رسمية جدا
اسما كانت ترفض اي نوع من التقارب العاطفي بينها وبين عمر وهو حس هذا الشي
عرف بانه هي عربية من بغداد
ومكان عنده مانع كان فات الوقت للاختيار او الرفض او القبول
كان عمر عاشق لاسما
في حين هي رفضت حتى الطلعة وياه لاي موعد عشا او غدا
اقتصرت كعداتهم على طاولة الاستراحة
او مرات كان يوصلها للبيت
هي نفسها كانت حابة هذا الشعور بالاهتمام الي فقدته من زمان من زمان كلش
من ايام حبها الاول لعبد الكريم
لكن كانت خايفة وخايفة كلش ان تنجرح مرة اخرى جانت تحس نفسها هشه ماتتحمل ضربه اخرى
مكانت تثق باي شخص اخر
بذاك اليوم في عيد الحب
وبالاستراحة حطلها عمر باقة من التوليب الاصفر وعلبة صغيرة من الشكولا السويسرية
وباكيت حلقوم عراقي
هي عافت كل هذا فتحت عينها على الحلقوم العراقي
وباعت هذا منين جابها!
فتحتها على السريع وخلت الولى وذابت روحها وياه
واكلت الثانية على السريع وكان التاثر باين على وجهها حلقوم ابو الفستق هذه احلى هدية ممكن واحد يحصلها
اجى بعدها عمر وهو يحمل الكوبين مالت الكهوة ويراقبها من بعيد من ورة نظارتها وابتسامة جبيرة على محياه
--( تركت الشوكولا السةيسرية وعشقت الحلقوم العراقي!! اتوفقعت هذا )
-- (تعرف انه مكنت اكل الحلقوم من جنت بالعراق اتذكر يمكن اخر مرة اكلته من جنت بالاعدادية) هههههههه
(اشكرك كلش هذه احلى هدية )
(بس اني مجبتلك اي شي )
ورفعت الورود وظلت تتاملها
جانت باقة كلش حيويه وحلوة حيل
كالت بسرها هذا ليش مجايبلي حمرة
يمكن فهم قصدي انه صداقتنا اخوية مااقبل بالحب
شكرته مرة ثانية واتعذرت منه ماجابتله هدية
فهو مامانع وطلب منها مرة لخ انه يعزمها على غدا في مطعم حلال تركي
ماقبلت وكالت عدها شغلة ضرورية
من دتطله شافها السوبر فايزر مالتهم فسالها منو التعيس الي مقدملها هذه الباقة
مافهمت عليه واستغربت من كلمة تعيس
سالته مة ثانية كاللها( عزيزتي هذه الباقة تدل على ان من يحبك يائس وتعيس في حبه )
اتفاجات اسما
خلت الباقة على الكاونتر وعدلت ربطتها ودورت على عمر بعيونها مشافته
شالتها وراحت للبيت
كانت خطوات المارين هذه المرة كانه وقعها اقوى من كل مرة
خيبة امل مرة اخرى مع انه هو محسسها من جاب الكهوة
جانت تحب يسويلها الكهوة ممتازباختباراته ويعرف بالضبط شتحب هي نفسها ماتعرف تسوي مثلها
كانه ريحتها بقت بخشمها
اتصلت عليه على المحمول
وكللها انه بعده بالماركت بس جوة بالستور حقيقة كان رده مذعور لانه من عوايدها تتصل بيه فظن اكو شي
لكن رجعة اسما عليها كانت بدافع شي غريب
مشاعر صغيرة بدت تدعب داخلها
وخز خفيف دفعها انه ترجع عليه بذاك اليوم وتقبل دعوة العشا
وانتظرته شي ربع ساعة برة
من طلعوا جانت بعدها شايلة الورد وعلب الشكولا
جانت ساعة ستة ونص والدنيا ظلمت
فكرت ترجع تبدل وتطلع وياه
لكن هو ماقبل جان خايف تغير رايها
كمللها المطعم نوعا ما شعبي مايحتاج تبدلين
عشى على السريع
المطعم كان في زاوية من الشوارع العريضة المكتضة بالمهاجرين الاجانب
اتراك ومصريين ولبنايين وعراقيين اكراد
الشارع كان يحتوي على مطاعم هندية همين
ودخلوا وكان تصميمه كتصميم بيت او حانة تركيه قاعة عريضة ومنتشرة بيه الكراسي الخشبية العريضة المغطاة بالشجاد التركي الصغير
واغاني تركية قديمة وريحة الاركيلة والصور وكل شي يوحي الك انك في قلب اسطنبول القديمة
كان المطعم على شكل قاعة في المنتصف ومنصة على الوانب للعوائل معزولة كانها كبب صغيرة
تشبه بشكل كبير الخانات العتيكة
وطلبلها اكله مانتي التركية لانه اكثر من مرة تسمع اسمها بين التركيات ومماكلة منها
وكانت هذه اول مرة تضوكها
ريحتها جانت كلش طيبة اما طعهمها فجان شي ثاني
اسما جانت تاكل بنهم وكلش فرحانه
من زمن ماحاسة بهذه الفرحة بداخلها
بعد العشا طلب عمربيرة
عقجت شكلها عليه وكلتله (تشرب بيرة؟)
---ههههه ( لاتقلقي هذه بيرة خالية من الكحول )
وظل يشرحلها يله زصلتها الفكرة كان المنتوج جديد نازل بالاسواق لمساعدة مدمني الكحول للتخلص من الكحول
وخصوصا معروف عن الالمان يشربون البيرة اكثر من المي نفسه
وبعدها صدحت اغنية مشهورة وصار بعض السكارى يصيحون وياها
ركض عليهم صاحب المطعم يحاول يهداهم خصوصا وانه المكان بيه عوائل
جانت اسما تتلفت تشوف الموضوع ومن اندارت
شافت عين عمر عليه محدق
ورافع ايديه وشابكهم
ووابتسامة صغيرة على ثغره
انحرجت وهي تحاول تهرب منه
كالته اي!
كللها اي
---ليش ورد اصفر يعني كالتها وهس تسالها بغنج ودلع
---كللها بقوة وثقة عالية عاليه وهو يشرب كاس ثانية
لاني ياست منك
---ليش كنت تتوقع مني شي ثاني
----لا الدا مامتوقع شي
ردت بس اثير انتباهك باني احبك
احبك واعشقك واعشق كل تفاصيلك
كان الرد كالصاعقة على راس اسما
اتفاجات واتبلعمت
منين جاب هالجراءة
عمر!!
الي جانت تشوفه شخص يسط وطيب وخجول للغاية!!
مجانت تتوقع منه هذا القروي ان يكون صريح وقوي لهذا الحد
التفتوا على صياح الرجلين السكارى وهمه يعاندون على دفع الفاتورة وساد صمت رقيق بيناتهم
كان عمر ينتظر ردة فعل اسما
ردها بالقبول او الرفض
لكن بدل هذا الشي غاصت هي بمكانها
وعلقت انه المكان كلش حلو وانه الكراسي تذكرها بكهاوي بغداد القديمة
خصوصا الاضاءة الخافتة والروايح وصوت استكاين الجاي تتراقص يالصواني النحاسية
كلتله تعرف عدنا سوق كامل اسمه سوق الصفافير
كله بيه من هذه الشغلات القديمة
سكت وماحجى طلب بطل ثاني بحركة ايده السريعة وظل يحملق بيها وعلى البطل والاضاءة المنكسرة عليه
صاد الصمت مرة ثانية
فسالها بشكل جدي (ليش في بغداد البنات تروح للكهاوي)
---ههههه ( لا طبعا هذا الحجي من جنت صغيرة جنت اروح ويه بابا حبيي ياخذني وياه مرات للكهوة جان عمري ست سنين )
جانوا يشغلون ام كلثوم وناظم الغزالي و..
قاطعها ( هل السبب في الرفض هو عيني )
رفعت راسها واتفاجات مرة لخ من سؤاله ومجاوبت ظلت تداعب بانامله الناعمة الرقيقة استكان الجاي المزخرف بالورد والاغصان الناعمة
هزت راسها وضمت شفايفها بلا سريعه
وماتعرف ليش دمعت عينها
اتنهد عمر وبد يسحب نفسه وكللها يمكن لانه اني من القرية وانت من بغداد
طبعا انيسمعت بنات بغداد مايقبلون بالمحافظات يعتبروهم اقل منهم
ويمكن واكيد لانه انت صيدلانية والج مكانتج بالمجتمع وبين اهلج
واني ماعندي شهادة
والاهم بسبب عيني
اني محجيتلج انه هذا مو وراثي اني من حلبجة اسما
واذا ماتعرفين قصة حلبجة اني احجيها الج
احنى انضربنا كيمياوي
جان عمري 17 سنة
ارعى بغنمي....
وحجالها كل الموضوع
واسما لاول مرة تسمع بهذه الفاجهة هو يحجي عن معاناته والمه والي شافه ودموعها جانت تجري
كان يتامل السقوف وهو يحجي او يتامل الوجوه المرة المهم مكان يخلي عينه بعينها حتى لاتنزل دموعه
حتى لايشعر هو هم بالضعف
وظل يتكلم عن نفسه وشلون اجى هنا درس اللغة الالمانية واخذ شهادة دبلوم بالادارة العامة وعدة شهادات مهارة وشلون حاول يرتبط باكثر من بنية خلال الخمس سنوات الي مضت وفشل بهذا الشي
كان يحس ماكو اي تقارب بينه وبين اي وحده
عكسها تماما
حجالها عن امكانيته وهنا قاطعته اسما
كالتله قطعا الماده هي اخر ماافكر
وسكتت شويه كالتله عمر انت ماتعرف انه اني مطلقة مطلقة حديثا
اشر بايده وكللها مايهمني
واني اكبر منك عمر باربع سنوات !!
هز براسه وكللها هم مايهمني
سكتت وغوركت عينها
وكالتلها عمر مافكرت بعينك ابدا ولافكرت بوضعك ولا اي شي
بس اني انسانة مجروحة
اني
احتمال واحتمال كبير مايصير عندي اطفال!
سكت عمر ورجع ل\انتجى على الكرسي
وثارت عينه بعينها ودموعها تجري
اقترب منها مرة ثانية وبنفس وتيرة صوته الي يبعث على الطكانينة
كللها مايهمني يكفي انه اكون وياج
المشكلة في اسما انه فقدت ثقتها بالرجال فقدت ثقتها بكلامهم ووعودهم الوردية
وكانت متعبة ومرهقة جدا من قبول اي شخص اخر في حياتها
رجعت للبيت وحدها بعد مارفضت عمر يوصلها للبيت حمد الله انه باجر وبعده هو ايام العطلة الها
كانت تحاول تهرب قدر المستطاع من مواجهته مرة ثانية
مجانت تريد تنطي اي جواب اخاف تتندم عليه بعدين
عرفها عمر على عائلتين من اصدقاءه واحده منهم اكراد زوج وزوجته و3 اطفال عدهم وعائلة تركية كلش مقرب منهم عمر كون صديقه جيهان بعمره تقريبا متزوج وعنده بنات 2 وامه وياه واخته يلدزعمرها 17 سنة من متوفي والدهم جايين لالمانيا ووهمه ايضا كانوا من كرد تركيا
ارتاحت اسما لعائلة يلدز وامها وزوجة اخوها
وصارت تقضي وقت اكثر وياهم
وتشاركهم معظم مناسباتهم
وهمه اتقبلوها على انها خطيبة عمر!!
وكذلك في مثل هكذا ايام كان عيد ميلاد رحاب ...من وفاة فاضل الى الان رفضت ان تحتفل بيه...
بيومها اشترت ميلاد كيكة صغيرة واخذتها ويه امها وقيم لبيت رحاب ...
جانت ساعتها رحاب برة تفاكك عركة بين ولدها وبين جم ولد بالمنطقة...
الحياة صعبت اكثر عليها بعد وفاة ابو فاضل جد جاهلها
تربية تلاث ولد في مرحلة المراهقة بدون اب او رجل كبير على راسهم خلى المسالة صعبة المراس عليها
كانت الحياة عبارة عن معارك وحرب يومية
حرب نفسية واستنزاف اعصاب ...
عباس كان بعمر ال١٥ سنة والتوأم بعمر ال١١
تمردوا وكانت صعوبة السيطرة عليهم بدت بعد اسابيع من وفاة والدهم
يمكن تدخل هادي بالبداية واحتواءه الهم
وتدخل جدهم وعمهم كان اله تاثير قوي همين
لكن هسه وخصوصا عباس يشوف نفسه اكبر من عمره وانه رجل البيت مصار يسمع حجاية لاحد لا امه ولا خاله ولا حتى هادي الي سحب نفسه بشكل كبير بعد رفض رحاب الغير مباشر اله
تغيرت التربية ومصارت مثل قبل مصار الاهل الهم السيطرة والكلمة العليا على الاولاد ...
خصوصا عباس من بدى يشتغل ويه عمه بالمحل وشاف المصروف والفلوس بيده
حسه نفسه هو المسؤل المطلق ولاراد لكلمته احد
في حين قبل مجان يطلع للسوك يشتري شي لنفسه الا امه وياه
هسه يروح ويطب ويطلع بلا حتى مايكللها من تحاسبه يبدي الصياح والعياط وتبدي المشاكل
ومو عباس عمار الي جان يقلد اخوه الجبير بكل شي
الا بشار
بشار كانت مشاكله من نوع اخر عنده مشكلة الاكل
باليل شكو اكل موجود بالثلاجة يختفي
كلشي ممكن مضغه يختفي
تكعد الصبح رحاب تفتح الثلاجة كانه هجوم بري ناسفها نسف
مايعرف شنو حصته وحصته اخوانه ماكو
الى ان اضطرت امه تخلي قفل للثلاجة علمود صحته لانه بدى فعلا يعاني من فرط السمنة
من شاف ميلاد جايبة الكارتونة مال الكيك
عاف العركة وركض عليها اخذ الكارتونة وطب جوه لحكته قيم لانه هوسة ولد وشباب واكفين استحت
بقت فخرية تصيح وتعيط على الولد كلمن يروح لاهله بس محد يسمعلها
بقت ميلاد تجر عمار تكله شكو وهو يدفعها يكلها اخذي امي وطبي
ومن جهة عباس لزم ايد امه حيل من كامت تصيح على الولد الي كسرلها الجامة مالت السايق مالت سيارتها
كللها يوم دااكلج اخذي بيبي وكبي جوة
بس امه مجانت تباوعله جانت تحاول تطلع ولدها من المشكلة الي اصلا ماتعرف شنو هي عدلت ربطتها ورادت تفلت ايدها من ايد ابنها مكدرت خزرلها وكللها يوم طبي جوة لاتخليني اكفر وانزلهم كلهم
باعت عليه امه ولاكانه ذاك عباس الحمل المطيع الوديع الي جان يركض جوة ايدين ابوه
مو عباس الي جان ماينام الا بصفها
كبر يارحاب وماعدت تكدرين تسيطرين عليه
جانت خايفة حيل لاتكبر المشكلة وخصوصا هذولة الشباب مو من اهل المنطقة القدامى
من الجدد الي جايين غير شكل مومن نفسه ذبتهم
وهي يومية تسمع مشكله صايرة وفوكاها كلهم يشيلون مطوى وسجين
جانت ترجف لاعلى غفل يبعجون سجينة بخاصرة واحد من الولد وينهزمون مثل ماسوو قبل جم يوم
ولد المنطقة كلهم جانوا يحبون عباس وكلهم يعرفون امه خالة ام عباس
الي اذا مو همه فلابد واحد من اخوانهم مدرسته رحاب انكليزي او عربي او تاريخ
مجانت تاخذ فلوس من امهاتهم لكن من ينجحون ياخذولهها صوغة او هدية في حين هي جانت تسويه ثواب لرجلها وابوها وخوالها
ارتعشت رحاب من شافت امها تلازمت ويه الشباب وهمه يتدافعون يريدون يجيتون على عباس وهو يغلط عليهم
اخلوا الولد
وجروها كالولها خالة ام عباس طبي انت واخذي بيبي ولايظل بالج مانعوف عبوسي
عمار كام يكمز يكللها ليش تكفرينا مو دنكلج طبي جوة
بس انت واكفه بالنص
ميلاد جرتهن الثنيتين وطبن للبيت
وخطية فخرية راسا احمرت وكفت بالباب صارت تدعي على اهاليتهم شلون عايفين ولدهم بالشارع
ورحاب جرتها قيم للمطبخ حلكها صار ابيض من الصياح والعصبية وحركة الدم
شمرت الربطة وظلت مادة ركبتها تدردم على عمار واكف بنص الممر
بس لو اعرف شبيكم تتعاركون وليش همام كسرلي الجامة شصاير
مايجواب بس يصيح على بيبته بيبي طبي جوة
فضت العركة ورياجيل كبار من المنطقة ادخلوا وطردوا الشباب الاربعة الي جان يتعارك وياهم عباس
صاحت ام منة من طرف الحايط
شكو رحاب شنو هالهوسة بباب البيت خوما صاير شي
طمنتها ماكو شي عادي مثل كل كرة واحد من ولدها هم متلازم ويه شباب بالمنطقة
كعدت رحاب على الدجة ولفت تنورتها جوة رجليها جانت مغربية دتليل
صاحت ميلاد ورة ماانكطعت الكهرباء انه يطبون جوة ترة الجو بارد
ماقبلت رحابصاح عليها عمار من راح ويه اصدقاءها طبي جوة يوم عباس راح ويه الولد للكاظمية
---شفتي بله بهاليل يروح للكاظمية يعني شلون اني بيه شلون وياه املخ روحي من وراه
صاحت فخرية وهي تدخل جوة على عمار بيبي روح ورة اخوك لاتخليه وحده
جيبه وتعال يمه اليل غدار
اشرلها عمار وهو يسحلبشحاطة رجليه بحساب هو رجال ومامهتم
ضربت ميلاد حيل على ظهر بشار كالتله دكافي عاد فكر بغيرك
----عاشت ايدج خالة الكيكة تخبل
---ابو نفس الدنيا عايف اخونك يتعاركون وجاي تاكل
عوافي على كرشك
باسته فخرية شفايتلنا لو اخوانه مثله طالعين
طبت رحاب جوة وتوها دتسد الباب جتي ام منة هي وروبها تركض
شبيج رحاب هاي شنو العركة والله جنت اصلي
فاتت جوة وعلكن الصوبة الصغيرة وخلت ميلاد قوري الجاي عليه
كعدت على القنفة الصغيرة ام منة ولفت روحها حيل بالروب
باعت عليها فخرية من فوك ليجوة شو هاي صابغة شعرها ومتمكيجة ولابسة روب وردي
ظلت تباوع من جوة عينها بس ماحجت
ظلت تضرب رحاب على رجليها وهي منتجية على البوفية
يعني والله مااعرف منين اجيبها واوديها من الجهال لو من عماتهم لو من هالدنيا الطايح حظها
ابتسمت ام منة وكالت ذاك اليوم دتحجيلي ودك التلفون وماكملنا
--شمدريني شصاير بهالدنيا والله العظيم ماحجيت شي جنت كاعدة منا ويمي نزيرة عمة فاضل وظهر رقية عليه وعلى القنفة كاعدة عيني خطيبة حيدر المصون
اصلا والله ولااعرفها ولا شايفتها محد حتى كايلي حيدر خاطب
كلت لعمة نزيرة خطية عمتي هواية صارفة على الفاتحة
شو هاي من يمها اندارت
اي مو طالع من جيس ابوج والخلفوج!!
كتلها هاي شبيج رقية مو عيب هالحجي عمي توه مدفون وجاية تتعاركين بفاتحته
شو هاي كومي وشكي هدومج ولج يابت الشوارع انت تعلميني العيب
اخر وكت احنى الي لفيناج وعيشناج احسن عيشة انت تعلميني العيب
---هاي شبيها !!
---اي والله اني ظليت صافنة هاي شبيها
النسوان جروني وعمة نزيرة كالتلي طلعي من الغرفة هاي اعصابها تعبانة من ورة ابوها
بس والله ماسكتت صح طلعت من الغرفة بس ظليت احجي
كتلها ليش بت شوارع شفتوني على الرصيف واخذتوني شو امج حفت علينه يل قبلنا على اقلها مايومية مجلبة بواحد واتزوجه
ماذبيت جهالي بالشارع واتعارك عليهم بالمحاكم
هاي كامت حيل حيل دك وتلطم على راسها تكول شفتوها شلون تسب ابويه واخوية
واني واكفة حيل فاطمة جرتني من ورة تكولي ولج عليمن لسانج طويله اني هم دفعت وظلينا نتلاسن
---ونور وينها؟
---مااخذتها ويايه غير جانوا اكلوها بلا كلشي متحلفيلها
عاد حيدر اخذني ورجعني للبيت الحقيرة تكول هاي جاية للفاتحة تشوف شكد تاخذ ورث وتصيح لو تموتين ماتورثين
وخطية عمتي كوة تفاككنا باستني وكالتلي بعد لاتجي
ادري هو حظ لو نعل
يعني ويه خطيبة حيدر ماحد حجى هي بيدها تروح توديلها مي
لابسة بنطلون وبلوز اسود وكاعدة على كتر هي وامها وشعرها الميس حتى ربطة مذابة عليه دمعة مانزلت منها
ويجن يتعاركن ويايه
والله لومافاضل مكرم وكامت تبجي وتضرب على وجهه رحاب
لو مو هو هيجي جانن اصلا مااخذوني الا
عاد بجت امها واختها عليها وهي ظلت تدفع ميلادد كانه تريد تطلع القهرة كلها
هاي شافوني فقيرة على كد ايدهم كالو هاي نقشمرها بهالجم فلس هاي ماتعوف ابنها
يعرفون لو وحدة من كرايبهم ماتقبل بيه تكول على شنو اخذ معوق واني اكدر اخذ احسنها رجال مو هياتهن كل وحدة اخذت 2
يحبن ويعشكن ويتزوجن ووكفنلي سجينة خاطر من اجى خطبني غازي
كامتتبجي حيل صاحت الله يسامحك يابه كسرتني كسرة ماكول غير الله يسامحك
صدك لو كالو الاب لو يصعد قامتج لو يكسرها بالنص
كامت تبجي فخرية حيل
حست بذنب عظيم وهي الي جانت تقشمر نفسها طول هالسنين انه رحاب فرحانه ويه فاضل جانت
اتاريها تعرف همه ليش اخذوها
جان حسها مايطلع عرفوها صبورة وشياله اسية وتتحمل
كامت ام منه هي تبجي وحظنت رحاب وكالتلها الله يرحمه بس الله عوض بيج والله جان خوش رجال واندارت على فخرية والله خالة 12 سنة ماسمعناله نفس مافي يوم صيح وعيط عليها لو جتي تشكيمنه
سكتت رحاب وكالت بحزم الله يرحمه
مسحت دموعها وصبت الجاي بس ميلاد بقت تبجي
راحت للغرفة وظلت تبجي وحدها
جانت تعرف شلون جانت عايشة اختها جانت تعرف شلون جانت تتبهاى بصورته الشخصية بدون الكاملة
محد جان يعرف رجلها معوق
حتى صديقاتها من جانوا يزوروها اذا هو مود بالبيت تكللهم مموجودة
جانت تنقهر من نظرة العطف الي يغمروها بيه
مسحت دموعها رحاب وراحت جابت العصرونية ولو متاخرة وكعدن
رفعت حاجبها وتغير منظرها تاملتها فخرية
هاي مورحاب القديمة
صارت ملامحها الي جانت مرتخية وناعسة الى جدية وحازمة
وحتى نظرتها صارت ثاقبة وحادة
كملت وهي تشرب من جايها ماكلتي نادية شوستي انت
ركزت فخرية على هاي الحجاية وابتسمت ابتسامة شكر لذكائها الي عرف انه اكو شي عدها ام منة وضامته
ابتسمت بخجل وهي صايرة كلما تكبر اكثر كلما تشبه وردة الجزائرية
بشعرها الاحمر الشعشاع وانفها المعقوب وشفتها الكرزية
وبشرتها الخمرية الحمرة اللماعة
كالت ان شاء الله ورة صفر نعقد
بالمحكمة مراح اسوي زفه ..
---يا على الخير جاوبت فخرية وهي تتطلع تريد تعرف اكثر
---اي والله خالة ام سعد موظف ويانه صارله فترة يريدني واني جنت مترددة
---متزوج
---اي طبعا خالة وعنده جهال بطوله
بس مرته متوفية الله يرحمها قبل سنتين
---على الخير ياعيوني الله يوفقج يمه
---الله يسلمج خالة
ومنة شتكول قابلة
--- اي والله خطية تكول ماما هواية شيعتي من عمرج على ابويه
وهي هم ماشا الله جاييها خطابة مااعرف اريدها تخلص يله اقبل
رحاب مايجي من قلبي شو ازوجها احس مااتحمل اذا تعوف البيت وتروح اريدها تتزوج وتكعد يمي
مو احسن خالة
----والله يمه هاي ظلت يمج
رجعت ميلاد وجانت عيونها وارمات غسلت وسالت رحاب هاي نور وينها
جاوبها بشار من المطبخ راحت للسوك شفتها قبل ماارجع كالت شويه وراجعه تروح للعيادة الشعبية
وهمه يسولفون طبت نور شايله علاكتين مسواك
سلمت عليهم وفرحت للكعدة بس شافت رحاب خدودها حمر ودموعها مناشفه
كالت ها هم عمار وبشار اتعاركوا
---وين جنتي شدعوة اتاخرتي
والله رحاب شفت السرة قليل بالعيادة الشعبية كلت خلي اروح اشوف شنو هالطنة باذني ضوجتني
--اي وشطلعت
---يكول التهاب بالاذن
وانطاني الراجيته بس ماظلن عندي فلوس اروح للصيدلية كلت بلكت باجر تجيبيهن الي
--سكتت وماحجت وكامت فرغت العلاليك ويه نور
وسالت على اختها عهود شلونها
ضربت جف على جف امها وكالتله اختج هذه مخبلة مااعرف هالرجال شلون متحملها
----هم شبيها كومي ميلاد ودي الخيار والطماطة بالسنك يتنكعن
هي وينها ليش ماجتي وياكم
---بالمستشفى
---سترك ياربي ليش
--خلت ايدها جوة حلكها وباعت على ام منة وسكتت
ام منة اترخصت حست الموضوع حساس
كدتها فخرية كالتلها كعدي هو انت غريبة
عيني هاي اختج 1اربة رجلها بالنفاضة
---عزة يوم كولي غيرها
----هههههه ضحكت ميلاد ولج متعاركة وياه جلاليق
---هاي صدك تحجون
كملت ميلاد من يمها كالت جاي البارحة راجع متاخر سكران نايم جوة بالصالة
نازله عليه مكعدته مقابل شامته ريحة الشرب تكتب مصيحة عليه ومرزلته وجذاب وكلاوجي وعمرك ماتصير ادمي
ومن هالسوالف مجاوبها
عمتي كاعدة حاجيه عليها كايلتلها عوفي هسه خليه نايم الصبح اتعاركي وياه عمج نايم
هي هم عايفته وصاعدة
هو وراها بساعة يله متذكر عهود مرزلته ومتعاركة وياه صاعدلها متعارك وياها دافعته كوم انزع الحزام ويريد يظربها هي هم دافعته ومخرمشة وجهه ضاربها جلاف
---عزة عزة هاي صدك تحجين
---اي والله شبيج
علقت من يمها نور عفيه عليها والله ادكه كتل
---اي وشصار بعدين شوست
---هو متخبل ضاربها حيل على خاصرتها متخبله هي تكله فوك اتزرفت ومجكجكيني من وراك تضربني
شايلة النفاضة وراكعته براسه
تكول هو داخ ووكع بالكاع
صحت على عمتي لحكي نزار ضرب راسه بالنفاضة
---وصدكوها هو ضارب نفسه
--تكول قبل بفترة متعارك ويه ابوه وضارب الباب بيده طامسه جوة
وقبلها هم متعاركين هو وياها نازل ضارب راسه بالحايط مدميها
---يا هذه شبيه يمه ليش هيجي يسوي؟
---كولي اختج ليش تلحين وياه سكران عوفيه نايم وصعدي لو هي ادور طلايب
---تالي شسوت
كملت ميلاد
ماخذيه اهله للمستشفى وخابرتنا حجتلنا على كلشي كالت اذا صحى واتذكر اني جايتكم
و خابرناها نورية كالت بالمستشفى يمه
يكول هي ضاربتني وهي تكله انت جنت سكران انت ضربت روحك
----هههههه والله سوالف عليها عهود
---مخبله مودااكلج مخبلة اختج
علقت فخرية على الموضوع
على الليل رجعت ام منة لبيتها وبقت فخرية وميلاد وقيم الي ظلت ساكتى ماحجت طول كعدتها
بس جانت ضايجة لانه تاخر الوكت ومارجعت للبيت وفخرية ماتقبل ترجع الا يرجعون عباس وعمار
جانوا كاعدين يتفرجون فلم على تلفزيون الشباب ورحاب خالة ايدها على خدها وصافنة
جتي ميلاد تنحنحت من سمعت امها تشوخر على القنفة وطلعت صورة صغيرة من جنطتها
وشوفتها لرحاب
---كالت ولج هذا عمران
---اشرت براسها وابتسامة جبيرة على وجهها
جانت قيم تسمع ركضت هي هم باوعت
كالتلها لج هذا يخبل
---مو بله صدقة لعمره
---تحبيه ميلاد
سالتها قيم بكل براءة
---ولج اموت عليه
---بس ها يجنن ولج مبين عليه كلش راقي
شلون حصلت صورته سالتها رحاب والاثارة على وجهها
--اني طلبتها منه
---اجى بشار يفرك ببكرشه كومي نور سويلنا عشى
وينها نور
---بالحمام اشرت لقيم كومي قيم سويله عشى فدوة لعمرج اكو تمن ومركة احميها وصبيله
ركضت قييم وكالتله روح للمطبخ اكل خلينا وحدنا
ادنت وكعدت ميلاد بصفها
--شنو اجاج اليوم
---اي اجى وانطيته هديته
---شخذتيله شاخله على كد فلوس اخذتله تيبل لامب
---صدك عود ليش تيل لامب
---شاخذه لعد؟
---ساعة ريحة
---منين اجيب رحاب هو يلبس كله اصليات
الساعة الاصلية ب3600 الف ارخص شي
والعطور بععشرين فوك ها مو الاصلية
---لعد هذا بيش اخذتيها اله
ب6 الالف ههه
----هههه ولج صدك؟
مازعل لا شسويله
هو يعرف ماعندي
هو يعرف كلشي عني ويعرف ظروفي
---مكال شوكت يخطبج
---والله حلف يمين ورة العسكرية
اليوم رحنا سوى لقاعة الانترنيت
طبعا مايكدريفتح شي اثنين مراقبين كاعدين بالقاعة يباعون شوف شيفتح ياموضوع
---يافتحوا عدكم
---اي حتى اكو مال بيوت على التلفون بس هم مراقبل مايفتح كلشي
----غالي
----مااعرف بس سامي كال لعمتي نورية حيشتريلهم حاسبة يمكن باربعمية وخمسين الف
ويشدلهم انترنيت
بس هوايه هواية يكلف
كامت رحاب غطت امها وانت تصدكين يجيج ورة العسكرية شو متخوفه منه شكله مو راحة ههههههههه
هاي البنات كتل عليه
---والله حلف يمين واتكفر
تعرفين رحوبه بنية ويانه اليوم خلتني اجرب عدساتها اللاصقة طلعت تخبل عليه هسه الم فلوس واشتري
----ليش ابيش
---اكو من عشرين لستين واكو بمية وعشرين
---عزة صدك ولج غالية
---بس كلش حلوات رحاب
---انفتحت الباب الخارجية باوعت من الشباك واذا بولدها رجعوا
ميلاد كعدت امها على كيف
حتى عباس يوصلهم
---لا خابري على سعد يجيكم دنيا ليل ميلاد
--- خوش خابرت ميلاد على سعد ربع ساعة واجاهم ظلت فخرية ونص النوم بعينه تبوس بعبوسي وتجره من ركبته وهو يجر روحه منه
تكله فدوة اروحلك لاتسوي مشاكل وتتعارك امك ماعدها احد غيركم
فدوة اروح لطولك اسمع كلامها ولاتحركون دمها والله خطية امكم
وهو يكللها بلا مبالاة صار بيبي صار
بقت رحاب زعلانة على ابنها وماعرفت شنو سبب العركة هيجي الي خلت الولد يكسر الجامة
لاهو الي حجى ولاصندوق اسرارة عمار
لكن مشاكلها مابقت لهذا الحد
بعدها بشي اسبوع ظهرية توهم الولد اتغدوا وطلعوا
جانت نور واكفه على السنك تغسل مواعين ورحاب كاعدة تباوع تلفزيون جانت تحب التقارير الثقافية اوالتريخية تطلع هيجي وكت خصوصا احداث قرن العشرين
اندكت باب الكراج مدت راسها نور من الشباك تشوف منو
ركضت على رحاب وهي تلطم
--- لج لحكيلي رحاب
---شكو شبيج
---هذا خالي هو رجلي جايين هذولة جايين ياخذوني رحاب ابوس رجلج مااروح
---شبيج شبيج منو ياخذج ليش هي هيته
---والله رحاب هذوله جايين ياخذوني يسحلوني سحل اذا مارحت وياهم هذوله مايخافون بعد عمي ومات الله يرحمه
ليش ليش ياربي
شسوي شسوي وين انهزم
---شبيج باب شنو تنهزمين
محد يكدر ياخذج منا افتهمت
---لا رحاب لا انت ماتعرفين كامت تفتر مثل الطير المذبوح
كالتها راح اختل راح اختل
كوليليلهم تعرفين شنو
باعي رحاب يمه على حظي الاسود
سودة بوجهج نور
ظل الباب يندك حيل
ووياه الجرس
---بابا شبيج انخبصتي لاتخافين
---كوليلهم نور مو هنا راحت لبيت عمة نزيرة راحت للنجــــف زين للنجف بعيد هناك
يبو عليه وركضت صعدت للطابق الثاني ورة مالبست بجامتها على السريع وتوها دتفتح الباب الخشب رحاب دفعها ابن خال نور
وهو يصيح ويتنها نور
وخاله يجر رجليه بالكيوة والكجارة لازكة بحلكة واليشماخ الملفوف على راسه ونايم اعوج
---وينها نور بسرعة كوليله تلم غراضها وتجي
---وانت شنو هيجي تدفع الباب وتفوت تايهه هي خوما تايهه
مو عيب عليك
واندارت على خاله نور كالتله عود انت الجبير زابن العشاير هيجي تدخلون على حرمة
---مجاوب خالها مد رجليه وكعد على الكرسي مال ميز الطعام
---لادوخيني وينها نور
لج نووور طلعي اليوم اسحلج سحل والله اريد اعرف منو يطلع من ورة ظهرج
--نور مو هنا لاتصيح وتعيط
نور بيت عمة نزيرة بالنجف
---لج نور
وهذا كام يفتر بالبيت غرفة غرفة
كامت تصيح وتعيط رحاب
ساقط دايح اطلعوا برة حرامية
من شافت الشر يطفر من عيونهم كامت تعيط
من شافها مموجودة صعد للطابق الثاني
خافت رحاب لايكون يلكف نور وصدك يسحلها لبيتهم
---كالتله اطلع برة والله اخابر الشرطة انت دتعتدي علينا
كام يغلط ويفشر عليه
وابوه كاعد كلمة مانطق
وشويه سمعت صوته كسرة الاب مال السطح لانه جان مقفول بس مفتاح والقفل مرتخي عرف بيها خاتلة بالسطح
ركضت رحاب وكامت تصيح
الحكولي حرامية
عباااااس
عمار بشار ولكم وينكم
وركضت طبت جوة شافته نزل بدون نور
---كاللها لج نور وينها وراد يقترب منها يضربها كامت تصيح فاااضل فاضل الحكلي عباس
عباس وينك
وكامت تبجي وهي تنهزم منهم اقترب منها
وكللها تهدديني بالمزاعيط
واذا بانها الجبير طب جوة بيده سجينه
كله ولك منو زعطوط
ووراه جوي كومة شباب وولد
جيتوا عليهم بباب المطبخ بره بالكراج
عود ابوه اتحرك
جيت عليه عمار
عمار اسمراني طويل وكلش ضعيف
يضرب بي جلاليق ودفرات لزمه خال نور وبدى يخنك بيه ورحاب لازمه السجينة من ابنها لايحطها بخاصرة الولد
وانتبهت على خال نور خانك عمار وذاك يرفس جوة ايدة
كامت تعيط
وجيت علييه وكمزت كمزت وكعته حيل تبجي وتصحصح بابنها كالتله الله لاينطيك الولد بيه قلب ابن الكذا وكذل
وحيل بالصوندة مالت الحديقة تركض بيها وهو يلاويها عاد اثنين ولد فشخو خال نور بحجارة فتحت راسه بالنص اتخربط وساح بدمه
خافوتا وانهزموا ورجل نور كام يصيح ولكم ابويه
ابويه
واخذ السجينة من عباس وكام يركض وراه
عباس نزع نعاله وكام يركض بالدرابين وهو يركض زراه
ورحاب صافنة على الرجال الجبير
هاي صار ثاني مرة يسوون مشكله ومايجوزون
جتي الشرطة وشافتهم رحاب الي جانت تلوب تتراكض منا ومناك على عباس
لاتلوحه السجينه
لاكضت على السيارة النجدة و جيتت عليهم تكللهم يركض ورة ابني بسجينة
والشرطة حركت تفتر بالافرع والجهال يركضون وراها ويدلوهم فاتوا منا لا مناك
الى ان وصلولهم اثنين رياجيل كبار واثانين شباب لازمين طليقها لنور وماخذين من السجينة
وسلموه للشرطة شالوا الخال ذبوه ليوره اخذوههم للمركز وتخذوا عمار وواحد من جيران رحاب راح وياهم وجماعة هم ركبوا سيارتهم وراحوا ويه الولد
الشرطة كالت لازم يجي عباس يقدم الافادة
بس الكل شهدوا انه لاعباس ولا عمار ضربوا خال نور بالحجارة جانوا اثنين شباب كالوا مايعرفوهم جايين من الكاظمية
رجعت رحاب للبيت تبجي ومنهارة
شافت نور تلطم بنص الحوش
مملخه وجهها وشاكه هدومه
تصيح رحاب خلي يهدون الولد وياخذوني من كبر طمني
مو كتلج رحاب كتلج اني تطوة ماكو واحد لزمني وتولاني اذا الله مابتلاه
الله يكرهني رحاااب الله يكرهني
اخذ مني اهلي واني لحيمة
وفاضل اوووف سودة بوجهج نور
اخذ فاضل مني من دك صدر وكال اني حاميها
وهسه شفتي كدامج
جانوا يخافون من عمي ابو فاضل
هم الله خذاه
شيريد مني
شمسويتله اني كوليلي
--سكتت رحاب بس دموعها جانت تحرك كلشي
طبي جوة كالتلها روحي غطي نفسج
وااتذكرت واحد من اصدقاء ابنه شمر عليها ربطة وعباية لانه طلعت مفرعة تتعارك ويه خال نور
كعدت على القنفة وكامت تبجي بحركة
شوي واجى سعد وعيونه نار وشرار
صيح من باب الكراج ليا مركز راحوا
جابوته ام منه الي جانت واكفه بالباب وبشار يمها
مصفرة ودترجف
ودتحجي لسعد المقتل الي صار
سعد صعدت عنده واتحلفله لطليق نور
وصدك سواها راح هو علاء بعد مافضت شغلة الشرطة
ورغم اخذوا منهم عدم تعرض ولانه دفعوا رشاوي طلعوهم
مع انه كان عدهم عدم تعرض سابق بس عاديكلشي يمشي
هالمرة سعد وعلاء ماسكتوا
كله لاعبالك نور ماعدها ظهر احنى ظهرها واحنى الي نطلع من وراه
وضرب طلقا=تين بالهوا وطلع
بوكتها الي يضرب طلقات هاي مصيبة مو هينه بس معناها جان قوي لخال نور وابنه
الي هالمرة صدك انكسرت عينهم
بس هم مجازوا
لكن نور بالفعل من خوفتها راحت بقت بيت نزيرة ششي شهر شهر ونص يله رجعت
وحتى للسوك مكامت تطلع تخاف يشوفوها صدفة وياخذوها
على نهاية الامتحانات جان عرس روان
العرس جان كلش بسيط مجرد زفة وحتى امل هي الي دهزت الفرش مال غرفة روان بالطابق الثاني بيت زوج روان
جان نزال بالطول الواجهه كلش ضيقة وطابقين بوحده من فروع البيوت القريبة من الجامعة التكنلوجية
بيت قديم وبابه حديد لونها اخضر فاتح على سمائي
حديقة صغيرة مابيها الا شويه زرع على اليمين والكراج او الصبة مربعة متعرجة صاعدة نازله ماتكفي غير لبايسكلات 2
ومجرى مي مسوي حتى من يشرون هدوم المي يروح كبل للبالوعة
وباب البيت حديد بيها زجاج مقطع مثلثين كبار وحديدة صفح
من ندخا ممر مربع صغير خالين بيه كيشوانه صغيرة للنعالات
وبعدها الباب مالت الهول بالطول بيه تلفزيون على ميز خشبي ومغطى بجرجف ابيض
وصورة جبيرة لابوهم من زمن السبعينات على ورد صناعي وردي وبنفسجي
والحايط حديد صبغوها ابيض وسمائي من جوة
سمائي فاتح جلش
وقنفات اثنين هم مغطيات بجرجف والكاشي من القطع الكلش جبيرة وبالنص بيها فطر صاعد ناز
وقريب على الباب فتحة المبردة المسدودة بكارتونه
وليكدام ممر صغير ياخذنا للمطبخ الي جان عبارة عن متر بمتر رغم صغره لكنه جان نظيف
كلشي بيه قديم
مال منهاية السبعينات
والسكف مكشط ووشويه واكع من الصبغ مالته مسواه اخر مرة
امل جانت تعرف بتها روان غير كل البنات تفكيرها مختلف
مجانت تهتم كلش لمظهرها الخارجي
مجانت تهتم شيكول الناس عنها او رايهم بيها
وصح جانت تعرف بتها مو كلش حلوة يعني قياسا لمواصفات الجمال مجانت جميلة جانت عادية كلش ويمكن اقل هم
بس مجانت تتوقع انه بتها تقبل تعيش بهيجي مستوى مع ذلك محجت ولاعارضت
لكن بداخلها جانت مقهورة
الغرفتين مالت المعيشة ليفوك غرفة ام زوجها واخته بيها وهو واخوه انوا بالثانية لكن من اتزوج اخو نزل كام ينام يفرش على الكاع بالهول
غرفة روان جانت الجبيرة
زوجها اشرى غرفة مستعملة وخاله رتبها وصبغها اله
وامل اشترتلها كل لوازم العرس حتى البردات
المريح بالموضوع انه اهله كلش خوش ناس وطيبين حتى هو هم
جان كلش طاير بروان
ويعاملها على انه بته الصغيرة
وبالفعل جانت هي هم فرحانه بيه
اجرت بدلة وحدة للحنة والثانية ابوها انطاها فلوس تشتري بيها بس هي هم اجرتتها وضمت الفلوس الفرق اشترت بيهم الحذاء وغراض لزوجها
جانت الحنة بيت امل كلش حلوة
على كد مابسيطة على كد مانفس امل الطيب بيها
جانت تفتر على ضيوفها مثل الفراشه بنفس تسريحتها
ولبست بنطلون كيلود وعليه قميص تون قطعتين بنفسجي ورصصاي بيه خيوط فضية لماعة
وروان لبست بدلاتها الاثنين على شكل كصة السمجة
وحجزوا بفندق الشيراتون ليللة
امل من قبل اسوع من عرس روان منايمة
جانت ممصدكة هاي روان الي اخذتها من ابوها عمرها اشهر ربتها وكبرتها هيجي بسرعة
بسرعة ركض الوكت حتزوجها
بتها الي ماخلفتها بس ربتها بدمع عينها
جانت على طول تشكر ربها الي ماحرمها من كلمة ماما
وبالمقابل روان هم هواية بجت على امها جانت تكللها لومية ام ربتني ولو ترجع نرجس مابدلج باي وحده
انت وبس امي
وثاني يوم العرش اخذتلها صينية جبيرة كيمر وكاهي وعسل وجبن انواع اشكال وحتى جرك هماتين اخذتلها
خافت لاتستحي بتها تنزل تاكل وتجوع تاكل بغرفتها
وخلتلها خمسين الف كله ارباعه عود بالجنطة الي نستها
جانت تمسد على جتفها وتتامل وجه بتها
بعيونها جانت احلى عروسة بالدنيا
محد جان يشك ابدا انه امل مو امها
بوستها وحضنتها بالفتدق وعلاء جان ينتظرها جوة
ركض عليها من شاف امل طلعت من المصعد
بلهفة الاب الحنون كللها ها شلونها
خوما تعبانة
كلتله لا اطمن بخير الحمد لله الظهرية يطلعون
بعدها بفترة يجي اكثر من شهرين بدى زوج روان يلزم المحل ويه سمير من يسافر علاء للصين
لكن سمير كان بعده يخدم عسكرية
فصار يكعد وياه بس بايام الاجازة واغلب الاحيان هو وحده وبالعطل وايام الجمع يجي كريم هم وياهم
