مرت عليها ام فاضل وصاحتها تسلم على اهل زوجها وبالاخص عماته الكبار
وسمعت صوت يصيحلها اندارت على ميز عمات فاضل اكبر وحدة واصغر وحدة
كاعدات على كتر يتفحصن بالحفلة ومنو جاي بيها
جانت حجية خديجة الكبيرة لابسة نظارات ام الجعب كوة تشوف وذاكرتها ضعفت حيل
نزيهه هذه جانت كلش حلوة ومتروسة
وكلش بيضة ومعروفة بجمالها بالعشيرة
ومع ذلك ماتزوجت جانت تخاف الرجال الي ياخذها يطمع بفلوسها وذهباتها
مرت ام فاضل عليهن
--- تعالي ام فاضل شلونج شو ماكو احد عايفينه بحالنا وحدنا كاعدات
---شلونج حجية خديجة شلونج نزيهه
شو ماتبينن
--شلونج ام فاضل شلونه بو فاضل
البنات شلونهم
---هلا عيني هلا انت ياهو منهم ؟؟
جاوبتها الحجية خديجة واندارت على اختها سالتها مرة لخ
---هذه ياهو منهم
----هذه ميادة مي طلاه حجية هذه ام فاضل
----هلا هلا بمي طلاه ابو فاضل شلونه
---غير هو اخوها وهسه ماتضكره !!!ههه
(نزيهه تلفط الذال ضاد )
شو اخوية مايسال علينا ميودة؟
مايمرعلينا يكول هذني الخوات ماعدهن احد وماكو على راسهن رجال !!
--يااا صدك تحجين نزيهه مو ذاك الاسبوع جان يمكم بالنجف ؟
----حبيبة هاض يروح لبو احمد بالفندق مايجي يمنا
----ياهو منهم ابو احمد
سالت الحجية مره لخ
----هو اخوج بو فاضل ماتضكرينه انوب ابو احمد
هذا رجل بتج حجية
----ياهو منهم
---بتج ام حسين خديجة عاد لاتلحين خلينا نكمل
عيني ميودة ديري بالج على رجلج مودزي منا ومناك وتصيحين يايمه لحكولي اخض عليه وحده ثانية
----ههههههه ومياخذ وحدة صانية عود اني شلون مهتمة وختمتها بضحكة صاعقة رنانة صفنتهم
----حقج عيني شو انت كل عام مودج ترجعين صغيرة
صايرة احلى من قبل
--والله عجزنا وانت بعدج شباب
---يمه قل اعوذ برب الفلق شيخلصني من عيونجن بنات نزيرة
---هههه عيوني عليج باردة عيوني شدعواتج
بس خوش حفلة مسويه والله خوش صارفة عليها هاي البر....ك وين لكته هه
--لا نزيهه الولد هم ماقصر شال وجاب واني سويتها بعتد طليكها هههه
سحبت ام فاضل رحاب حتى تسلم عليهم وتسد الموضوع مال رقية
واتلكتها نزيهه بالترحب والاحضان
---هلا بجنتنا مرة العزيز الغالي
شلونج فاضل شلونه
صارله زمن ما مار علينا
---شلونج عمة نزيهة شلون صحتج واقتربت من حجية خديجة سلمت عليها
والحجية تصيح هذه ياهو منهم
وشالت نزيهه عبوسي
---صدقة فدوة لعمرك هذا ابن الحبيب
شكد حلو صاير ماشا الله هذا ابيضاني على ابوه طالع هههه
وينهم التوأم
جرتهم نور وجابتهم اولهم اجى عمار فصاحت نزيهه اي هذه يشبهج اسمراني ومدعفس هههه بسدمه حلو ها مو تكولين عمة نزيهه تعيب
وصدقة هذا جنه يحيى الفخراني
هههه
شسمك ولك
بشار اسمه عمة جاوبتها نور
---منو هذه الخدامة مالتكم ؟
---اتبلعمت رحاب ودورت استنجاد جانت ام فاضل تسولف ويه النسوان الي كاعدين على الميز بصفهم
---لا عمة حشاها خدامة شنو لا عمة هذه نور ماتذكريها غمزتلها رحاب وهي تحجي
