ال ١٩ ✌✌👇👇
في صباح اليوم التالي كان الجميع مجتمعاً في
الحديقه قال آسر : بصوا يا جماعه ...انا هاخد شهد و تيته و جدو معايا في العربيه ...و كريم ياخد خالو مالك و طنط مروه و اسيل معاهم
و زياد ياخد خالو احمد و طنط حنان
و مازن ياخد سهيله و حازم و كنزي
ركض حازم الي كنزي قائلاً بسعاده : هكون معاكي يا كنزي
كنزي : اه يا حبيبي
مازن بحنق : هو الواد ده هيركب معايا
اخرج حازم لسانه قائلاً : اه هركب مع كنزي
اخرج له مازن لسانه قائلاً : لا انا هاخد كنزي و مش هركبك معايا
حازم بحزن : انتي هتسبيني يا كنزي
وضعت كنزي يدها في شعره قائله : لا يا حبيبي هفصل معاك
حازم : طب استني هنا ثواني اروح اسلم علي اسيل
كنزي بأبتسامه هادئه : حاضر
ركض حازم الي اسيل الواقفه مع مالك و زوجته و كريم و أحتضنها قائلاً : اسيل هتوحشيني اوي الشويه دول
ضحكت اسيل قائله : يا سلام هلحق اوحشك في الساعتين دول
حازم بثقه : طبعاً
كريم بحنق : يلا يا اسيل
اسيل : حاضر
مالك بأستغراب : يلا ايه يابني ما تسيبها واقفه مع الولد و روح جيب العربيه ادام البوابه
كريم بحنق : حاضر
تركهم كريم غاضباً متجهاً الي سيارته بينما ترك حازم و ركض الي كنزي الواقفه بجانب سهيله الشارده
بعد عدة دقائق وقف مازن بسيارته أمامهم قائلاً : يلا أركبوا
قررت كنزي أن تترك المقعد الأمامي لكن قالت سهيله : لا هقعد انا وره عشان انام براحتي
كنزي : ماشي
اتجهت كنزي للمقعد الامامي و جلست بجانب مازن و حازم علي قدميها و سهيله في الخلف
مازن بحنق : علي فكره في مكان فاضي وره ممكن الاستاذ حازم يقعد فيه
أحتضن حازم كنزي من رقبتها بشده قائلاً : لا انا هقعد مع كنزي
مازن بحنق : طب شيل أيدك
حازم : لا
ألتفت اليه مازن بكامل جسده قائلاً : بقولك شيل ايدك من عليها
حازم بعند : لا
ضحكت سهيله قائله : ما تسيبه يا رخم
حازم : ايوه انت رخم
كنزي بصوت خافت : عيب يا حازم ....ده اكبر منك
أعتدل مازن في جلسته بغضب و أنطلق بالسياره بسرعه
_ _ _ _ _ _ _ _ _ _ _ _
في سيارة آسر
كانت شهد تجلس بجانب آسر و عز و إيمان يجلسون في الخلف
قال آسر : هو الوقت من هنا لهناك قد ايه يا جدو
عز : حوالي ٣ او ٤ سعات
آسر : لا ده انتو تناموا بئي
إيمان : فعلا انا عايزه أنام
ألتفت آسر الي شهد قائلاً : مش عايزه تنامي
شهد بهدوء : لا ...انا نمت كويس امبارح
أومأ آسر برأسه ثم ألتفت يتابع الطريق مره اخري
_ _ _ _ _ _ _ _ _ _ _ _
في سيارة زياد كان يختلس النظر لسهيله كل فتره عندما تقترب السيارتين لبعضهما كانت نائمه في الائريكه الخلفيه و مازن و كنزي في الامام
لكن لم يري بعد ذلك لأبتعاد السيارات عن بعضهم
قال زياد : هي كنزي راكبه معاهم ليه
احمد : و ايه المشكله
زياد بغضب : ايه المشكله ؟ ....ازاي تركب مع اللي اسمه مازن ده لوحدها
احمد ببرود : هي مش لوحدها معاها سهيله و حازم كمان
زفر زياد بغضب و لم يعلق
_ _ _ _ _ _ _ _ _
