💞💞
في صباح اليوم التالي استيقظت اسيل تشعر بألم طفيف في ساقيها لكن نهضت و أتجهت للمرحاض و بعد عدة دقائق فتحت باب الغرفه لتتجه الي كريم و كادت ان تخرج اليه لكن سمعت صوت فتاه من الممرضات تقول لصديقتها : بصي اللي نايم هناك ده
الفتاه الاخري : اه ماله
الفتاه الاولي : أمور اوي ....و صعبان عليا ينام كده
الفتاه الثانيه : بقولك ايه ....اسكتي و بطلي تقولي الكلام ده كل لما تشوفي واحد حلو
الفتاه الاولي : يعني انا بكدب ....ده امور اوي
أحتدت عين اسيل بشده و كادت ان تتكلم الفتاه الثانيه لكنها صمتت تماماً ما إن رأت اسيل تخرج من الغرفه مندفعه الي كريم ثم وقفت أمام ركبتيه و نظرت اليهم بحده حينها أرتبكت الفتاتان و ألتفتوا يركضون بعيداً
زفرت اسيل بحنق ثم أخذت نفس عميق و أنحنت قائله بهدوء و خفوت : كريم ....كريم
كريم بنوم : همممم
اسيل بنبره أعلي : كريم
فتح كريم عينيه قائلاً بلهفه : مالك انتي كويسه
أطرقت اسيل رأسها قائله : انا كويسه .... بس ادخل جوه
أعتدل كريم و فرك في عينيه قائلاً بأستغراب : ليه في حاجه حصلت
اسيل بأرتباك : لا بس خلاص .....ادخل الاوضه
نهض كريم و وقف أمامها بينما هي عادت خطوه للخلف
كريم بأستغراب : مالك يا اسيل
اسيل بأرتباك : لا مفيش حاجه
كريم بشك : متأكده
أومأت اسيل برأسها و لم تعلق
كريم بأستسلام : طب اتفضلي
دلفت اسيل الغرفه و خلفها كريم و جلست علي الفراش بينما هو أتجه يجلس علي المقعد و قربه من الفراش و جلس
اسيل بأرتباك : ممكن تكلم آسر
كريم : حاضر
أخرج كريم هاتفه من جيب بنطاله و طلب رقم آسر و أعطاها الهاتف
أخذت اسيل الهاتف قائله : الو ....ازيك يا آسر صباح الخير
آسر : صباح النور يا حبيبتي
اسيل بخفوت : انت هتيجي امتي يا آسر
آسر : خلاص جاي اهو
اسيل : انت في الطريق
آسر : لا خارج من الڤيلا
اسيل بهدوء : طيب ماشي ....شهد عامله ايه
آسر : الحمد الله بئت احسن
اسيل : طيب ماشي .....يلا متتأخرش
آسر : حاضر مسافة السكه
اسيل : ماشي ...يلا سلام
آسر : سلام
أغلقت اسيل الخط و أعطت كريم هاتفه قائله : شكرا
كريم : العفو .....فين آسر
اسيل بخفوت : جاي
أومأ كريم برأسه بنعم بينما دلف الطبيب قائلاً بأبتسامه هادئه : صباح الخير
رد كريم قائلاً بجديه : صباح النور
أقترب الطبيب ثم قال موجهاً كلامه لاسيل : جاهزه ...عشان نعمل الاشاعه
أومأت اسيل برأسها موافقه بأرتباك و توتر بينما قال الطبيب : ماشي ....هبعتلك الممرضه عشان تجهزي
أومأت اسيل برأسها مره اخري موافقه بينما ألتفت الطبيب و خرج
فركت اسيل يدها بتوتر و أرتباك كانت ان تود ان يأتي آسر اولاً
كريم فجأه : مالك انتي تعبانه
نفت اسيل برأسها و لم تعلق
كريم بترقب : عايزه تستني لما آسر يجي
نظرت اليه اسيل بدهشه لكنها قالت بخفوت : اه ....هو انت ممكن تقول للدكتور
نهض كريم و أبتعد قائلاً : ماشي
خرج كريم من الغرفه بينما قالت اسيل بدهشه و أستغراب : هو عرف منين ؟
_ _ _ _ _ _ _ _ _ _ _
