💞
في صباح اليوم التالي استيقظت اسيل علي طرق يضرب الباب بشده فهبت جالسه بسرعه ثم نهضت مهروله الي الباب رغم ألم ساقيها الذي تشعر به لكن
فتحت الباب و ما إن فتحته أبتسمت بسعاده بينما أحتضنتها رؤي صديقتها قائله بسعاده : مبروك يا ايسو
ثم أطلقت زغروده عاليه و خلفها باقية أصدقائها
بينما أحتضنتها دعاء قائله : مبروك يا حبيبتي ربنا يتمملك علي خير
ياسمين بسعاده : اوعي يا دعاء بئي عايزه احضنها
تنحت دعاء جانباً بينما أحتضنتها ياسمبن بشده قائله : مبروك يا احلي و أحمل عروسه في الدنيا
اسيل بفرحه : الله يبارك فيكي يا ياسمين
جائت ايمان من خلفهم قائله : يلا يا بنات ادخلوا و شويه و كنزي و سهيله هيجوا
أومأت اسيل برأسها موافقه ثم قالت : ماشي يا تيته
هبطت إيمان الدرج بينما خرج كريم من غرفته يفرك عينيه بنعاس لكن ألتفتت ثلاث اجواز من العيون محدقه به
حينها أرتبكت اسيل بشده من نظرات صاديقتها المحدقه بكريم لكن ألتزمت الصمت و نظرت الي كريم الذي ما إن فتح عينيه تفاجأ قائلاً : ايه ده
لكن تدارج نفسه بسرعه قائلاً بأبتسامه صغيره : صباح الخير
صاديقات اسيل بأبسامه حالمه : صباح النور
نظر كريم الي اسيل قائلاً بأبتسامه جميله : صباح الخير يا اسيل
نقلوا أصدقاءها نظرهم من علي كريم و نظروا الي اسيل بأبتسامه غريبه بينما نظرت اليهم اسيل بأرتباك و عادت نظرت الي كريم قائله بتلعثم : صباح النور
أومأ كريم برأسه ضاحكاً بخفوت ثم أتجه للدرج قائلاً : انا هروح اشوف آسر فين
اطرقت اسيل رأسها للأسفل قائله : طيب
ثم نظرت الي اصدقائها قائله بأستغراب : ما تدخلوا انتو واقفين بتبصولي كده ليه
رفعت رؤي حاجبيها بسرعه عدة مرات قائله بضحك : بنتفرج
ضربتها اسيل قائله : ادخلي يا رخمه
دلفت رؤي و خلفها باقي الفتايات و خلفهم اسيل ثم كادت ان تتجه لتجلس معهم لكن أستمعت طرق علي الباب فعادت للباب مره اخري و ما إن فتحته قال كريم بسرعه : اسيل ....فين آسر
اسيل : معرفش ...بس هو اكيد صاحي
كريم بخفوت : طب ممكن تيجي معايا تشوفيه في الاوضه
أومأت اسيل برأسها موافقه بأرتباك ثم نظرت خلفها تنظر الي اصدقائها قائله : هروح اشوف آسر
رؤي ببراءه مصطنعه : اتفضلي اتفضلي
نظرت اليها اسيل شرزا ثم خرجت و أغلقت الباب خلفها
و ما إن رحلت قالت ياسمين : انتو عارفين
رؤي و دعاء : عارفين ايه
ياسمين بتفكير : مكنتش متوقعه ان اسيل تتجوز
دعاء بأستغراب : ليه يعني
رؤي : و انا كمان علي فكره مكنتش متوقعه ابداً
دعاء بحنق : ايوه ليه بعني
ياسمين : يعني ....عشان يزيد و كده
دعاء بجديه : علي فكره هي اتصرفت صح .....و إن جيتوا للحق يزيد كان بيحبها جداً و اسيل كمان بتحبه ....بس ده مات و هي لازم تشوف حياتها
رؤي : فعلا عندك حق ....دي كانت بترفض كل العرسان اللي بيتقدموا
ياسمين بخبث : بس وافقت علي كريم
ضحكت رؤي قائله : ده لازم يتوافق عليه
دعاء بحنان : بس شكلها فرحانه
رؤي بسعاده : ايوه ...حبيبتي بقالها كتير مفرحتش
نظرت ياسمين حولها قائله بدهشه : ايه ده دي شالت صورة يزيد
دعاء بحنق : انتي هبله يا بت انتي .....يعني كتب كتابها بليل ....و هتبقي متجوزه و عايزها تحط صورة خطيبها الاولاني
