💜💜💜
بعد مرورو اربع ايام
كانت سهيله جالسه في غرفتها تتفحص هاتفها لكن أتصلت بها صديقتها ريهام ففتحت الخط بسرعه قائله : ازيك يا ريهام
ريهام : الحمد الله ازيك انتي ؟
سهيله : الحمد الله ....مال صوتك
ريهام بحزن : اصل احنا متقبلناش في حفلة الكليه
سهيله بعدم فهم : مش فهمه
ريهام : خسرنا يا سهيله السنادي
ضحكت سهيله عالياً قائله بتشفي : احسن
ريهام بحزن : احسن ليه يا سهيله ....انتي عارفه ان كل اللي داخل الحفله كان نفسه يكسب
سهيله بشر : انا مقصدكوش انتو ....انا شمتانه في ادهم
ريهام بغضب : ما انتي لو كنتي دخلتي تاني كنا زمنا كسبنا
سهيله بغضب : بس انا مش شغاله عنده يا ريهام عشان يدخلني و يخرجني وقت ما هو عايز .....و بعدين مش هو اختار هنا .....يبقي يشرب بئي اللي عمله في نفسه
ريهام بحنق : مهو رجعك يا بنت الحلال و عرف غلطه
سهيله بغضب : في ايه يا ريهام....انتي معايا ولا معاه
ريهام بقرف : انا ولا معاكي ولا معاه ...سلام
سهيله بلامبلاه : سلام
أغلقت سهيله الخط و ألقت الهاتف علي الفراش ثم عادت تضع الالوان علي اظافرها مره اخري بلا مبلاه
_ _ _ _ _ _ _ _ _ _ _
استيقظ مازن من نومه علي رنين هاتفه
أعتدل جالساً و أخذه و لم ينظر للأسم و فتح الخط قائلاً بنعاس : الو
كنزي بخجل : انت نايم
فتح مازن عينيه بسرعه و نظر للهاتف ثم وضعه علي أذنيه مره اخري قائلاً بلهفه : لا لا انا صاحي
كنزي بحزن : طيب ....مازن انت هتوديني عند زياد ولا اروح لوحدي .....عشان بسألك بقالي ثلاث ايام و انت بتقولي سيبيه لما يهدي
مازن بلؤم : هتروحي لوحدك ازاي ......مش باباكي قالك متروحيش
كنزي بحزن : ايوه ...بس ده اخويا بردو مينفعش اسيبه كده
مازن بأستسلام : طب ألبسي و أجهزي ....و انا هعدي عليكي اوديكي
كنزي : طب هقول لبابا ايه
نهض مازن من الفراش قائلاً : ملكيش دعوه ....اجهزي انتي بس و انا هقوله
كنزي : ماشي حاضر ...يلا سلام
مازن : سلام
نهض مازن يرتدي ملابسه و كنزي أيضاً اتجهت الي خزانة الملابس و أرتدت ملابسها و ظلت منتظره في غرفتها حتي رأت حازم يدلف من بوابة البيت خرجت بسرعه من غرفتها و وقفت اعلي الدرج تراقبهم
دلف مازن و أحتضنه احمد قائلاً : ازيك يا مازن
مازن : الحمد الله
احمد : ادخل اقعد
مازن : لالا انا مستعجل كنت جاي اقول لحضرتك حاجه بس
احمد بترقب : قول
مازن : انا عرفت ان زياد ساب البيت عشان مش موافق ....
قاطعه احمد قائلاً بهدوء : كنزي اللي قالتلك صح
مازن : مش بظبط ....انا لما سألتها هو فين حكتلي اللي حصل
احمد بهدوء : مممم ....طب و انت عايز ايه دلوقتي
مازن : انا عايز اخد كنزي و اوديها لزياد و تخليه يرجع البيت لأن ده اخوها بردو .....و بصراحه يعني احنا لو معملناش كده هيحصل مشاكل بعدين
اطرق احمد برأسه مفكراً ثم رفعها قائلاً علي مضض : هناديلك كنزي
أبتسم مازن قائلاً : ماشي
صعد احمد قائلاً بصوت : كنزي كنزي
ركضت اليه كنزي اليه قائله بسرعه : نعم يا بابا
احمد بدهشه و لؤم : ده انتي لابسه كمان ...ده انتو ظبطوها بئي
اخفضت كنزي رأسها بحرج بينما نظر مازن الي الاتجاه الاخر كأنه شئ لا يخصه و يضحك
نظر اليهم احمد الاثنين قائلاً : اتفضلوا
ضحكت كنزي بخفوت و خجل و تخطت والدها و هبطت الدرج متجه الي مازن
قال مازن : سلام
ضحك احمد قائلاً : سلام يا مازن
خرج مازن خلف كنزى مغلقاً الباب خلفه ضاحكاً بأحراج
_ _ _ _ _ _ _ _ _ _ _ _
