ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၅၈)မင်းမှာ အဖေ မရှိဘူး!

အပိုင်း(၅၈)မင်းမှာ အဖေ မရှိဘူး!

နှစ်ရက်အတွင်းတွင် ကောင်းကင်တောင်ပံ မြို့တွင် မိုးသက်မုန်တိုင်း ကျရောက်လာခဲ့သည်။ မိုးသည် အဆက်မပြတ် ရွာသွန်းနေရာ ဝိဥာဏ်သားရဲသင်တန်းကျောင်းသည် လူသစ်လက်ခံပွဲ အခမ်းအနားကို ရွှေ့ဆိုင်းလိုက်ရသည်။ အပူချိန်သည်လည်း ပို၍ပင် ကျဆင်းလာခဲ့ပြီး ဆောင်ဦးရာသီသို့ မသိမသာ ရောက်ရှိလာခဲ့သည်။

အေးမြသော ရာသီဥတုနှင့် နှိုင်းယှဉ်ရသော် မာဂိုဏ်းသားများနှင့် ကျန်းဂိုဏ်းသားများ၏ နှလုံးသားများသည် ပို၍ အေးစိမ့်နေခဲ့ကြသည်။

အနောက်ဘက် မြို့စောင့်တပ်သည် မာအိမ်တော်နှင့် ကျန်းအိမ်တော်ကို ဝန်းရံထားခဲ့ကြသည်။ နှစ်ရက်ကြာပြီ ဖြစ်သော်လည်း စစ်တပ်သည် မည်သို့မှ လှုပ်ရှားမလာခဲ့ပေ။ ဖြူဖွေးနေသော ဓားရှည်များ ကိုင်ဆောင်ထားကြသော ထိုအနက်ရောင်သံချပ်ဝတ် စစ်သားတို့သည် ဂိုဏ်းနှစ်ဂိုဏ်းလုံးကို လေးလံသော ခံစားချက်များ ပေးစွမ်းလေသည်။

အနောက်ဘက်တောင်ကုန်းတွင် ကျန်းယွင်ဟိုင်သည် စကားတစ်ခွန်းနှင့်ပင် ကျန်းယွင်ရှစ် အပါအဝင် ဦးခေါင်းဆယ့်ကိုးခုကို ပြတ်သွားစေခဲ့သည်!...ကျန်းယွင်ဟိုင်၏ ဂုဏ်သတင်းသည် ကောင်းကင်တောင်ပံမြို့တစ်ခုလုံး ပျံ့နှံ့သွားခဲ့သည်။ သူ၏ သတ်ဖြတ်ရခြင်းကို နှစ်ခြိုက်သူ ဟူသော ဂုဏ်သတင်းသည် အမည်သက်သက်သာ မဟုတ်ကြောင်း သက်သေလည်း ဖြစ်သည်။

ထို့ပြင် ကျန်းရီဟူသော နာမည်တစ်ခုသည်လည်း ဂိုဏ်းအသီးသီးတွင် တောမီးပမာ ပျံ့နှံ့နေခဲ့သည်။

ကျန်းယွင်ရှဲနှင့် အခြားလူများ အနောက်ဘက်တောင်ကုန်းသို့ အမြန်သွားခဲ့စဉ်က ဂိုဏ်းအသီးသီးမှ ကင်းထောက်လူငယ်များ စေလွှတ်ခဲ့ကြသည်။ ထိုလူငယ်များသည် ကိုယ်တိုင် မမြင်ခဲ့ရသော်လည်း ကျန်းရီ ဖြစ်ခဲ့သမျှ အရာအားလုံးကို လူတိုင်း သိရှိသွားခဲ့ကြလေသည်။

မာဟေးချီနှင့် ကျန်းရုလုံတို့သည် ကျန်းရီကို ပြိုင်ပွဲမှ ထွက်ရစေရန် ကျန်းရီ၏ အစေခံမိန်းကလေးကို ပြန်ပေးဆွဲခဲ့သည်။ ကျန်းရီသည် တောင်ကုန်းသို့ တစ်ယောက်တည်း သွားကာ ခရမ်းရောင်နန်းတော်ရှင် ပထမအဆင့်ဖြသ်သော မာယင်းအပါအဝင် လူအမြောက်အများကို သတ်ဖြတ်ခဲ့သည်။ ထို့နောက် တောင်ကမ်းပါးတွင်လည်း ကျန်းယွင်ရှဲသည် ကျန်းရီ၏ ဒန်တျန်းကို ဖျက်ဆီးရန် ရည်ရွယ်ခဲ့သော်လည်း ဒန်တျန်းထဲမှ မီးနဂါးတစ်ကောင် ထွက်လာပြီး အသတ်ခံလိုက်ရသည်။