ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၉၁)တန်လို့လား?

အပိုင်း(၉၁)တန်လို့လား?

"ဝိုး!"

ကျန်းရီ၏ စကားဆုံးသည်နှင့် အာမေဋိတ်သံများ ထွက်ပေါ်လာခဲ့သည်။ ကျန်းရိလျှိုက ဘယ်သူမို့လဲ?...သူသည် ရှန်ဝူနိုင်ငံတော်၏ မင်းသားလေးဖြစ်ပြီး သူ့အဖေသည် ရှန်ဝူနိုင်ငံတော်၏ နံပါတ်တစ် စစ်သည်တော်၊ နိုင်ငံတော်ကို ကာကွယ်သူ၊ အနောက်ဘက်နယ်စပ်မြို့စား လော့ကဲအရှင်ဖြစ်သည်။

သူ၏ အဆင့်အတန်းကို ထည့်မပြောလျှင်တောင် စွမ်းရည်တို့သည် အတိုင်းအဆမဲ့သည်။ အသက်ဆယ်ကိုးနှစ်နှင့် ခရမ်းရောင် နန်းတော်ရှင် ပဉ္စမအဆင့်ဖြစ်သည်။ သူသင်တန်းကျောင်းကို စတင်ဝင်ရောက်သောအခါက သုံးလအတွင်းတွင် ပါရမီရှင် ကျောင်းသားတစ်ယောက် ဖြစ်လာခဲ့သည်။ သူ့ကို ကျောင်းအုပ်ကျူးကော့က ချီးမြှင့်မြောက်စားကာ ကျောင်းအုပ်လက်ခံထားသော နောက်ဆုံးတပည့်အဖြစ် လက်ခံထားခဲ့သည်။

ကျူးကော့လျှိူယွင်၏ အဆင့်အတန်းသည် အမြင့်မားဆုံးဖြစ်ရာ ကျန်းရိလျှိုသည် သူ၏ နောက်ဆုံးတပည့် ဖြစ်လာချိန်၌ ဒုကျောင်းအုပ်များပင် ကျန်းရိလျှိုကို အထက်စီးမှ ဆက်ဆံနေ၍ မရပေ။ ထို့ကြောင့်ပင် ကျန်းရိလျှိုသည် အကြောက်အလန့်မရှိစွာ စုလောရွှယ်ကို လူမြင်ကွင်းတွင် သွေးဆောင်ရန် ကြိုးစားရဲခြင်းလည်း ဖြစ်သည်။

သို့သော် ယခုမူ အမည်မသိ တရားမဝင်အပြင်ဆောင် ကျောင်းသားလေးသည် သူ့ကို လူမြင်ကွင်းတွင် ရန်စနေခဲ့သည်။ သူသည် ကျန်းရိလျှို  စုလောရွှယ်ကို သွေးဆောင်နေသော အချိန်ကိုက်တွင် ဝင်ပါလိုက်ပေသည်။ သူသုံးလိုက်သော စကားလုံးတို့သည်ပင် နားထဲတွင် ကြားရဆိုးနေလေသည်။ အရှက်မဲ့တယ်တဲ့လား?

လူတိုင်း၏ ပထမဆုံးအတွေးသည် ကျန်းရီသည် အသက်ရှင်ရသည်ကို ငြီးငွေ့နေ၍ သို့ မဟုတ် သူသည် စိတ်ပုံမှန် မဟုတ်၍ ဟု ဖြစ်ပေသည်။ စိတ်ပုံမှန်ဖြစ်နေတဲ့လူတွေက ဒါမျိုးကို လုပ်မတဲ့လား?...နောက်ခံအဆင့်အတန်း ကောင်းသော ချမ်ဝမ်ကွမ်သည်ပင် ကျန်းရိလျှိုကို ချိုချို သာသာ ယဉ်ယဉ်ကျေးကျေး ပြောရလေသည်။

အိုး...မဟုတ်ဘူး!!

ချမ်ဝမ်ကွမ်သည် မျက်နှာပျက်သွားခဲ့ပြီး တိတ်တဆိတ် ကျိန်ဆဲလိုက်သည်။ သူ့မျက်လုံးများသည် ချက်ချင်း ကျန်းရိလျှိုထံ ရောက်ရှိသွားလေသည်။