ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၁၆)သိုင်းခန်းမတွင် သိုင်းလေ့ကျင့်ဖက်အဖြစ်

အပိုင်း(၁၆)သိုင်းခန်းမတွင် သိုင်းလေ့ကျင့်ဖက်အဖြစ်

အကြီးအကဲလျှို သေဆုံးရခြင်း၏ အကြောင်းအရင်းသည် လျင်လျင်မြန်မြန်ပင်ပေါ်ပေါက်လာခဲ့သည်။ အကြီးအကဲလျှိုတွင် ကုသ၍ မရနိုင်သော ရောဂါရှိပြီးသားဟု သိရသောအခါတွင် ကျန်းရီ၏ အပြစ်ရှိသလို ခံစားရစိတ်များ လျော့ပါးသွားခဲ့သည်။ လွန်ခဲ့သော နှစ်အနည်းငယ်အတွင်း သူသည် ကိစ္စသုံးခုကို ကြုံတွေ့ခဲ့ပြီး အပြင်းဖျားသွားခဲ့သော်လည်း သေဆုံးခြင်းမှ လွတ်မြောက်သွားခဲ့သည်။ သို့သော်လည်း လွန်ခဲ့သော နေ့များညများတွင် ဆေးကို မရပ်မနား လေ့လာနေခဲ့မှုသည် သူ့ကို စောစီးစွာ သေဆုံးသွားစေခဲ့သည်။

အကြီးအကဲလျှိုနှင့် ပတ်သက်၍ ကျန်းရီတွင် မည်သည့် ခံစားချက်မျှ ရှိမနေခဲ့ပေ။ သို့ရာတွင် သူသည် ထိုလူကြီးကို တိုက်ရိုက်သတ်ဖြတ်လိုက်ခြင်း မဟုတ်သော်လည်း သူ၏ ရက်အနည်းငယ်ကို အပြစ်ရှိသလို ခံစား၍ ကုန်ဆုံးခဲ့ရသည်။ သူသည် အကြီးအကဲလျှို၏ အထိမ်းအမှတ် ကမ္ဗည်းတိုင်ဆီ ညလယ်ဘက်တွင် သွားကာ ကမ္ဗည်းတိုင်အရှေ့တွင် အဝါရောင် သေရည်နှစ်ခွက်ကို ငှဲ့ပြီး အကြိမ်များစွာ အရိုအသေပေးခဲ့သေးသည်။

ထို့အပြင် အကြီးအကဲလျှို၏ သေဆုံးမှုကြောင့် အဂ္ဂိရတ်ဌာနကို လုံးဝပိတ်ထားလိုက်သည့်အတွက် ကျန်းရီတွင် ဆေးဖော်စပ်ရန် အခွင့်အရေး လုံးဝဆုံးရှုံးသွားခဲ့ရသည်။ ဂိုဏ်း၏ တစ်ဦးတည်းသော အဂ္ဂိရတ်ပညာရှင် သေဆုံးသွားခြင်းကြောင့် ဆေးများကို လက်ရှိတွင် ဆေးများကို အပြင်မှသာ ဝယ်ယူသုံးစွဲရတော့ပေမည်။ ဆေးအားလုံးကို အချိုးကျ ခွဲဝေ သိမ်းဆည်းပြီးသည်နှင့် အဂ္ဂိရတ်ဌာနရှိ ဆေးများကို အရေးတကြီး လိုအပ်မှသာ သုံးနိုင်စေရန် ဌာနကို ချိတ်ပိတ်လိုက်တော့သည်။

အကြီးအကဲလျှို သေဆုံးသွားသည်မှာ သုံးရက်ကြာခဲ့ပြီဖြစ်သည်။ ကျန်းရီသည် သုံးရက်လုံးလုံး ရှောင်နူကို ခြံဝန်းရှေ့ကို စောင့်ကြည့်ခိုင်းထားကာ ခြံဝန်းအနောက်ဘက်တွင် သူ၏ စွမ်းရည်များကို လေ့ကျင့်ရင်း အိမ်တွင်သာ ပုန်းနေခဲ့သည်။

သူ၏ စိတ်သည် အလွန်စိုးရိမ်ပူပန်နေခဲ့သည်။ ယခု သူသည် အဂ္ဂိရတ်ဌာနတွင် အလုပ်လုပ်စရာ မလိုတော့သည့်အတွက် ဂိုဏ်းသည် သူ့အတွက် နိမ့်ကျသော အလုပ်များကို စီစဉ်ပေးနေလိမ့်မည်။ ခေါင်းဆောင်ရုန်သည်လည်း သူ့အိမ်ကို ရောက်လာကာ သူ့အိမ်ကို ရောက်လာကာ အနောက်ဘက်တောင်ကုန်းရှိ ဆေးစိုက်ခင်းများ၏ အမိန့်ပေးတံဆိပ်ပြားကို ပြန်ယူပေတော့မည်။