ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၉၇)အလှလေးတစ်ယောက် မင်းကိုလာရှာတယ်

အပိုင်း(၉၇)အလှလေးတစ်ယောက် မင်းကိုလာရှာတယ်

ရေခဲသားရဲ၏ ကိစ္စသည် အတော်လေး အုတ်အော်သောင်းတင်း ဖြစ်သွားစေခဲ့သည်။ အပြင်ဆောင်ကျောင်းသားများသည် မြောက်များစွာ ရှိနေခဲ့ပြီး နတ်ဆိုးသားရဲများကို နေ့စဉ်အမဲလိုက်ရလေသည်။ သူတို့၏ အသက်အတွက် ဘေးကင်းမှု အာမခံချက်မရှိဘဲ ဘယ်သူက ကိုယ့်အသက်ကို လွှတ်ပစ်နိုင်ပါမည်နည်း?

ကျောင်းအုပ်ကျူးကော့သည် ဒေါသထွက်နေကာ သေသေချာချာ စုံစမ်းစစ်ဆေးရန် အမိန့်ချလိုက်သည်။ သို့သော် မမျှော်လင့်စွာပင် အဖွဲ့ခေါင်းဆောင်တစ်ယောက်နှင့် အနားကှိ ကင်းလှည့်အဖွဲ့သားတို့သည် အပြစ်ပေးမှုကို ရှောင်ရှားရန် ကိုယ့်ကိုယ်ကို သတ်သေခဲ့ကြသည်။ ကျောင်းအုပ်ကျူးကော့ စုံစမ်းစေချင်လျှင်တောင် စုံစမ်းစရာ နည်းလမ်းမရှိတော့ပေ။ ကျောင်းအုပ်ကျူးကော့သည် ကင်းလှည့်အဖွဲ့၏ ခေါင်းဆောင်ဟူသော ရာထူးမှ ကူရှန်းဟယ်ကို ဖြုတ်ချလိုက်ပြီး ဒုကျောင်းအုပ်တစ်ယောက်ကို ထိုတာဝန် ယူစေလိုက်သည်။ သူသည် သေဆုံးသွားသော ကျောင်းသားများကို ခမ်းခမ်းနားနား မြှုပ်နှံပေးမည်ဖြစ်ပြီး ငွေကြေးအမြောက်အများနှင့်လည်း ကျန်ရစ်သူမိသားစုကို တောင်းပန်ဦးမည်ဟု ဆိုကြသည်။ သို့နှင့် ကျောင်းသားများသည် ဒေါသထွက်သော်လည်း စိတ်ကို ချိုးနှိမ်ထားကြရသည်။

ကျန်းရီသည် နောက်တစ်နေ့ နံနက်တွင် နိုးလာခဲ့သည်။ သူ့တွင် ဒဏ်ရာအများကြီးမရှိသော်လည်း သူသည် တော်တော်လေး မောပန်းနွမ်းနယ်နေခဲ့သည်။ သူသည် ခဏနိုးလာခဲ့ပြီး နှစ်နှစ်ခြိုက်ခြိုက် ပြန်အိပ်ပျော်သွားခဲ့လေသည်။

သူထပ်နိုးလာသော် ညရောက်နေခဲ့ပြီ ဖြစ်သည်။ သူသည် မျက်တောင်များကို ပုတ်ခတ်ပုတ်ခတ် လုပ်လိုက်ပြီး သူ့ကိုယ်သည် အတော်လေး ပြန်ကောင်းနေပြီဖြစ်ကြောင်း သိလိုက်သည်။ သို့သော် သူ့ဗိုက်သည် ဆာလောင်လွန်း၍ တဂွီဂွီမြည်နေခဲ့ပြီ ဖြစ်သည်။ သူသည် ထထိုင်လိုက်ပြီး ပတ်ဝန်းကျင်ကို ကြည့်လိုက်သော် မရင်းနှီးသော အခန်းတစ်ခုထဲသို့ ရောက်နေသည်ကို တွေ့လိုက်ရသည်။ အခန်းသည် အတော်လေးခမ်းနားပြီး လူတစ်ယောက်မှ ရှိမနေခဲ့ပေ။