ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၅)ကျန်းရှောင်နူ

အပိုင်း(၅)ကျန်းရှောင်နူ

သူမ၏ နာမည်အပြည့်အစုံသည်ကား ကျန်းရှောင်နူ...

အကြီးအကဲချုပ်၏ ပြောပုံအရ ကျန်းရီ၏ အမေသည် သူတစ်နှစ်သားအရွယ်တွင် သူ့ဝေယျာဝစ္စများလုပ်ဆောင်ရန် သူမကို ဝယ်လာခဲ့ခြင်း ဖြစ်သည်။ အိမ်တော်တွင် သူမ၏ အဆင့်အတန်းသည် အစေခံမျှသာ ဖြစ်သော်ငြား သူမသည် အစေခံလိုမျိုး ဘယ်တုန်းကမှ ဆက်ဆံခြင်း မခံခဲ့ရပေ။ သူမသည် ကျန်းရီနှင့် မောင်နှမအရင်းလိုမျိုး အတူကြီးပြင်းလာခဲ့သည်။ အကြီးအကဲချုပ်ပျောက်ကွယ် သွားပြီးနောက်တွင် သူတို့နှစ်ဦးသည် အသက်ရှင်သန် နေထိုင်ရန်အတွက် တစ်ဦးအပေါ်တစ်ဦး မှီခိုခဲ့ကြရသည်။ ရှောင်နူ၏ အားပေးတိုက်တွန်းမှုများကြောင့်သာ မဟုတ်လျှင် ခက်ခဲသော အချိန်များကို တောင့်ခံရန် အမှန်ပင် ခက်ခဲခဲ့ပေလိမ့်မည်။

နဂါး၏ လည်ပင်းပေါ်ရှိ ပြောင်းပြန်အကြေးခွံကို ထိလိုက်မိသည်နှင့် သေစေနိုင်သကဲ့သို့ တစ်စုံတစ်ယောက်ကို မှားယွင်းသော နည်းလမ်းနှင့်ဆက်ဆံမိလျှင် ကိုယ့်သေတွင်းကိုယ်တူးနေသည်နှင့် မခြားပေ။ (တရုတ်အယူအဆများတွင် နဂါး၏ လည်ပင်းတွင် တစ်ခုတည်းရှိသော ပြောင်းပြန်အကြေးခွံကို ထိလိုက်လျှင် နဂါးကို ရန်စ စော်ကားလိုက်သည်နှင့် တူသောကြောင့် ချက်ချင်းအသတ်ခံရသည် ဆိုကြသည်။)

ကျန်းရီတွင်လည်း ထိုကဲ့သို့ အကြေးခွံလေးတစ်ခုရှိသည်၊ ၄င်းသည်ကား ရှောင်နူပင်....

ထို့ကြောင့် ရှောင်နူဒုက္ခရောက်နေသည်ဟု ကြားသည်နှင့် ကျန်းရီသည် ဒေါသစိတ်နှင့် ပေါက်ကွဲသွားခဲ့ခြင်း။ ခြံဝန်းရှေ့သို့​ပြေးထွက်လာချိန်တွင် သူ့မျက်နှာသည် ဒေါသများဖြင့် ဖုံးလွှမ်းနေခဲ့သည်။ သူ၏ ကြမ်းတမ်းသော အပြုအမူများသည် သတင်းပို့သူ မိန်းကလေးကိုပင် အကြီးအကျယ် ထိတ်လန့်သွားစေခဲ့သည်။

သူသည် ပြေးထွက်လာရင်းနဲ့ပင် အော်ဟစ်လာခဲ့သည်။

"ရှောင်နူ ဘာဖြစ်နေတာလဲ၊  ချွန်းယာ... ရှောင်နူ ဘာဖြစ်နေတယ်လို့ မင်းပြောခဲ့တာလဲ"

ကျန်းရီသည် သတင်းယူဆောင်လာသူ မိန်းကလေးကို မှတ်မိသွားခဲ့သည်၊ သူမသည် ဘေးဘက် ခြံဝန်းထဲတွင်နေသော ကျန်းမိသားစု အိမ်တော်ထိန်း၏ သမီးအကြီးဆုံး ဖြစ်သည်။ သူမနှင့် ရှောင်နူသည် သူငယ်ချင်းကောင်းများ ဖြစ်ကြပြီး တစ်ခါတစ်ရံ အပြင်လုပ်များလုပ်ရန် အတူတူ ခိုးထွက်တတ်ကြသည်။