ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၉၅)အဖေကကျား၊ သားကခွေး

အပိုင်း(၉၅)အဖေကကျား၊ သားကခွေး

တာအိုသဘောတရားများသည် ဆန်းကြယ်သော တည်ရှိမှု တစ်ခုဖြစ်သည်။ နားလည်ရန်လည်း အလွန်ခက်ခဲလေသည်။ တာအိုသဘောတရားကို နားလည်ရန်မှာ လွန်ကဲသော အထုံပါရမီနှင့် ကံကောင်းရန်လည်း လိုအပ်လေသည်။ ကိုယ်ပိုင်တာအိုကို ဖန်တီးရန်အတွက်မူ ကောင်းကင်ကို ဆန်တက်ရသည်ထက်ပင် ပို၍ ခက်ခဲလေသည်။

ဝိဥာဉ်သားရဲ သင်တန်းကျောင်းတွင် ရှေးဟောင်းကျောက်စာကြီး ခုနှစ်ချပ်ကို ထားခဲ့သည်မှာ နှစ်ပေါင်းတစ်သောင်းကျော် ကြာမြင့်ခဲ့ပြီ ဖြစ်သည်။ သို့သော် တာအိုသဘောတရားများကို အမှန်တကယ် နားလည်သဘောပေါက်သွားသူများမှာ လူတစ်ဒါဇင်ခန့်သာ ရှိလေသည်။ ယခုအချိန်ထိတိုင်အောင် သတ်ဖြတ်ခြင်း ဧကရာဇ်ချန်ထားခဲ့သော သတ်ဖြတ်ခြင်းအရှိန်အဝါ သဘောတရားကို နားလည်သွားသူ တစ်ယောက်မှ မရှိသေးပေ။

စုလောရွှယ်သည် ကျန်းရီ၏ ပါရမီကောင်းမကောင်းကို မသိပေ။ သို့သော် ကောင်းကင်ဘုံက မျက်နှာသာပေးသောကြောင့် ဆိုလျှင်တောင် သူက ကံကောင်းလွန်းမနေဘူးလား? တစ်ကြိမ်တည်းနဲ့ တာအိုသဘောတရားကို နားလည်သွားတယ်?...လူတိုင်းသာ ကျန်းရီလို ဖြစ်နေပါလျှင် နယ်မြေအတွင်းတွင် ပါရမီရှင်များ မရေမတွက်နိုင်အောင် များပြားနေပေလိမ့်မည်။

သူ့မှာ လျှို့ဝှက်ချက်တစ်ခုခု ရှိကိုရှိရမယ်!

စုလောရွှယ်သည် သူမဟာသူမ ဆုံးဖြတ်လိုက်သည်။ ပုံမှန်မဟုတ်သော အင်အား၊ ကြောက်မက်ဖွယ် ကျင့်ကြံနှုန်းနှင့် သတ်ဖြတ်ခြင်း အရှိန်အဝါတို့သည် ကျန်းရီကို သာမန်လူတစ်ယောက် မဟုတ်ကြောင်း သက်သေပြနေခဲ့သည်။

"သေစမ်း!"

ကျန်းရီသည် ခြေလှမ်းကျဲကြီးများနှင့် ရှေ့သို့တိုးလာနေခဲ့ပြီး အပြာရောင်နှင့်အနက်ရောင် အလင်းများ တောက်ပနေသော ဘယ်ဘက်လက်ဖဝါးဖြင့် သားရဲကြီး၏ ဦးခေါင်းကို ရိုက်ချလိုက်သည်။  ရေခဲသားရဲကြီးသည် ကျဆင်းလာသော လက်ဝါးကို ခုခံရန်မကြိုးစားပဲ ကြည့်၍သာ နေခဲ့သည်မှာ ဘာကြောင့်မှန်း မသိနိုင်ပေ။ ပေါက်ကွဲမှု တစ်ခုဖြစ်သွားပြီးနောက် နတ်ဆိုးသားရဲကြီးသည် လွင့်စင်ထွက်သွားကာ ခေါင်းတစ်ခြမ်းသည် သွေးများဖြင့် ရွှဲရွှဲစိုနေခဲ့သည်။