ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၈၂)ရှေ့မှာ ဝံပုလွေ၊ နောက်မှာကျား

အပိုင်း(၈၂)ရှေ့မှာ ဝံပုလွေ၊ နောက်မှာကျား

လူများသည် ဆယ့်သုံးယောက်ဖြစ်ပြီး တစ်ယောက်သည် ခရမ်းရောင် နန်းတော်ရှင် ပထမအဆင့် ဖြစ်ပြီး ငါးယောက်သည် သဏ္ဍာန်သုံးဆင့် အသွင်ပြောင်းခြင်း နဝမအဆင့်နှင့် ကျန်လူများသည် သဏ္ဍာန်သုံးဆင့် အသွင်ပြောင်းခြင်း အဋ္ဌမအဆင့်ဖြစ်သည်။

ကျန်းရီသည် နှစ်ယောက်ချင်း တိုက်ပွဲ ဖြစ်လျှင်မူ ကြောက်နေမည် မဟုတ်ပေ။ သူ့ကျင့်ကြံဆင့်သည် နိမ့်နေသည့်အပြင် သူ့တွင် လူဆယ့်သုံးယောက်ကို တိုက်ခိုက်ရန် အတွင်းအား အလုံအလောက် ရှိမနေခဲ့ပေ။ အတွင်းအား ပေါက်ကွဲလက်ဝါးကို ဆက်တိုက်အသုံးပြုလိုက်လျှင်လည်း သူ့ကိုယ်သည် အားနည်းလွန်း၍ သေရမည်ကိုသာ စောင့်ရပေမည်။

သူသည် အနက်ရောင်အတွင်းအား တစ်မျှင်ကို ခြေထောက်ဆီ ပို့ဆောင်လိုက်ကာ လေအလျင်နှင့် ပြေးသွားလိုက်သည်။ သူ့အမြန်နှုန်းသည် သဏ္ဍာန်သုံးဆင့် အသွင်ပြောင်းခြင်း နဝမအဆင့်လောက် ဖြစ်သွားသော်လည်း သူ့ နောက်မှ လူများသည် သူ့ကို မှီတော့ပေမည်။

ငါအခု ဘာလုပ်သင့်လဲ?

ကျန်းရီသည် တည်ငြိမ်နေကာ မကြောက်ဟန်ပေါ်နေသော်လည်း သူ့စိတ်ထဲတွင် အတော်လေး စိတ်လှုပ်ရှားနေပေသည်။ သူသည် အသက်လုပြေးနေရင် လွတ်မြောက်ရန် နည်းလမ်းကို ကြိုးစားတွေးကြည့်နေခဲ့သည်။ အဆုံးတွင် သူ့၌ တိုက်ခိုက်ရန် သို့မဟုတ် သေရန်မှတစ်ပါး ရွေးချယ်စရာ မရှိကြောင်း သိသွားခဲ့သည်။

တစ်ဖက်အဖွဲ့သည် ချမ်ဝမ်ကွမ်နှင့် ဆရာကျောက်ကို ပထုတ်နိုင်သည် စွမ်းရည် ရှိသည် သို့မဟုတ် ထိုနှစ်ယောက်သည် သူတို့နှင့် ပတ်သက်နေသည် ဟူ၍သာ ကောက်ချက်ချရပေမည်။ ဤလူများသည် သူ့ကို ဝိဥာဉ်သားရဲ သင်တန်းကျောင်း၏ မြေပေါ်၌ပင် သတ်ရဲသည် ဆိုသောအချက်အရ ကျန်းရီတွင် ထွက်ပြေးလွတ်မြောက်ရန် နေရာ မရှိပေ။ သူအများဆုံး လုပ်နိုင်သည်ကား သင်တန်းကျောင်းမှ အကူအချို့ရရန် တတ်နိုင်သလောက် အချိန်ဆွဲခြင်းသာ ဖြစ်သည်။

တိုက်ပွဲသည် ရှောင်လွဲ၍ မရတော့ကြောင်း သိလိုက်သည်နှင့် ကျန်းရီသည် ပတ်ဝန်းကျင်ကို အမြန်ကြည့်လိုက်ကာ တိုက်ခိုက်ရန် သင့်တော်သော နေရာကို ရှာဖွေလိုက်သည်။ သူ၏ ကိုယ်ပိုင်အင်အားကိုသာ အားကိုးနေပါလျှင် သူသည် မိနစ်ငါးဆယ်ပင် မခံလိုက်ပဲ အေးစက်တောင့်တင်းသော အလောင်းကောင် ဖြစ်သွားပေလိမ့်မည်။ ထို့ကြောင့် သူသည် ပြင်ပအကူအညီများ လိုအပ်နေသည်။