BABY IS MY LIFE

မေမေကဘာလို့မချစ်တာလဲဟင်

အပိုင်း ၂ ။ မေမေကဘာလို့မချစ်တာလဲဟင်

( Unicode )

*တီ * တီ *!

ရှန်းကူ တို့ မြေးအဖွား က ရှောင်အိမ်တော်ကိုညစာစားရန် ရောက်လာခဲ့တယ်။
ကားစင်ဝင်အောက်မှာရပ်ပြီးသည်နှင့် အိမ်ထဲမှာရှိတဲ့ သားဖြစ်သူ ချွေးမ နဲ့ မြေးတို့ သည် ရှောင်သခင်မကြီးကို ထွက်ကြိုဆိုကြသည်။ကောင်းဝေ နဲ့ ရို့ချန် သည်လည်း သူတို့အဖွားကိုထွက်ပြီးကြိုဆိုသော်လည်း.. ရှန်းကူတစ်ယောက်တည်းကိုသာဂရုစိုက်ပြီးသူတို့ကိုကျတော့ဂရုမစိုက်ဘူးအထင်မှားကာ လုံးဝဂါရဝတရားမရှိပေ ။

ရှောင်သခင်မကြီး သည် ရှောင်ဖုန်းဝေ ရဲ့ သားနှစ်ယောက်ရှေ့ရောက်နေသည့်တိုင် အဖွားဖြစ်သူကို ဂါရဝတရားမရှိတဲ့ မြေးနှစ်ယောက်ကို အတော် စိတ်ပျက်စွာတွေ့လိုက်ရသည်။

"အမေ ရောက်ပြီလား"

"အင်း "

ရှောင်သခင်ကြီး ရှောင်ဖုန်းဝေ သည်အမေ ဖြစ်သူကို ခရီးဦးကြိုပြုလိုက်သည်။
ရှောင်သခင်မလင်းနန် လည်း ယောက္ခမ ဖြစ်သူရဲ့ လက်ကိုကူတွဲကာအချိုသာဆုံးပြုံးထားရင်းခရီးဦးကြိုပြုသည်။

"အမေ လာမယ်ဆိုလို့ ကျွန်မအကောင်းဆုံး အစားအသောက်တွေပြင်ထားတယ် အထဲသွားရအောင်"

အိမ်တော်မှာရှိတဲ့လူတွေအားလုံးသည် ရှောင်သခင်မကြီးကိုသာ မျက်နှာလိုမျက်နှာရကပ်ဖားနေကြပြီးတဖက်တံခါးပေါက်ကဆင်းလာတဲ့ ရှန်းကူ ကိုတော့ ဘယ်သူမှဂရုမစိုက်ပဲ မသိချင်ယောင်ဆောင်ထားသည်။ရှောင်သခင်မကြီးသည် လင်းနန်တွဲထားတဲ့လက်ကိုညင်သာစွာပင်ဖြုတ်လိုက်ပြီး အားလုံးရဲ့နောက်မှာရပ်နေရတဲ့ သူ့ရဲ့ချစ်စရာကောင်းတဲ့မြေးငယ်လေး ကို လှမ်းခေါ်လိုက်သည်။

"ရှန်းအာ ဘာရပ်လုပ်နေတာလဲ ဖွားဖွားဆီလာပြီး မင်းအဖေနဲ့အမေ ကို ​မြန်​မြန်နှုတ်ဆက်လိုက်လေ"

ထိုအခါမှ ရှန်းကူ ကို အားလုံးကသတိထားပြီးကာ ကြည့်ကြသည်။အဖွား​ဖြစ်သူစကားကြောင့် ရှန်းကူ ပျော်သွားပြီးအဖွား အနားသွားကာ သူ့ အဖေနဲ့အမေ ကို နှုတ်ဆက်ဂါရဝပြုလိုက်သည်။