အပိုင်း ၁၄ ။ ဘေဘီအနားမှာရှိမယ်ဆို ကိုယ်ဘာမဆိုလုပ်မှာ ။
( Unicode )
မနက်ခင်းတစ်ခုရောက်လာခဲ့တဲ့နောက်တစ်စုံတစ်ယောက် က ရင်ခွင်ထဲတိုးဝင်နေတယ် ဆိုတဲ့ အသိနဲ့ ရှန်မီယောင်း ရဲ့ လေးလံနေဆဲမျက်ဝန်းတစ်စုံဖွင့်ကြည့်လိုက်သည်။မျက်လုံးဖွင့်ဖွင့်ချင်း ခံစားလိုက်ရတာက မျက်နှာပေါ်က နေထိုးတဲ့အပူချိန်လေး လိုက်ကာကြားကတိုးထွက်လာတဲ့ နေရောင်ခြည်ရဲ့ နွေးထွေးမှု့ ။
ရှန်မီယောင်း ရဲ့ မနက်ခင်းတိုင်းမှာနေရောင်ခြည်ရဲ့နွေးထွေးမှု့ကိုမခံစားခဲ့ရတာနှစ်တွေအတော်ကြာခဲ့ပြီ။ ဒါ့အပြင် နံဘေးမှာအိပ်နေတဲ့ကလေးပေါက်စ က ရှန်မီယောင်းလက်မောင်းကိုခေါင်းအုံးကာသူ့ပေါင်တစ်ဖက်နဲ့အတင်းတွေခွထားပြီး ခါးကိုလည်းလွတ်ထွက်သွားမှာစိုးသည့်အလားဖက်ထားတဲ့ပုံစံလေးကသိပ်ချစ်ဖို့ကောင်းနေတာမို့ရှန်မီယောင်းသဘောကျပြုံးမိသည် ။
ထူးဆန်းတယ် ရှန်မီယောင်းရဲ့အခန်းမှာအရင်ကလိုပဲ တိတ်ဆိတ်နေပေမယ့် အရင်ကလို ခြောက်ကပ်နေတယ်လို့မခံစားရဘူး။ အရင်တုန်းက ခြောက်ခြားမှု့နဲ့ပွင့်လာရတဲ့ မျက်လုံးတွေက အခုတော့အေးချမ်းမှု့နဲ့ ဖွင့်နိုင်ခဲ့ပြီ။ အရင်တုန်းက ကြောက်လန့်ပြီးနိူးလာခဲ့ရင် အပြင်ဘက်မှာမှောင်နေပေမယ့် အခုတော့ တစ်စုံတစ်ယောက်ကြောင့် ပထမဦးဆုံးအကြိမ် အကြာကြီးအိပ်စက်နိုင်ခဲ့ပြီ။ အေးချမ်းတဲ့ မနက်ခင်းရဲ့နေရောင်ခြည်ကိုပါ ရှန်မီယောင်းခံစားနိုင်ခဲ့ပြီ။
မနေ့ညက ပုလင်းကွဲနဲ့ Baby ဆိုပြီး ထွင်းထားတဲ့အနာက သွေးပူတုန်းမို့ နာကျင်မှု့ကမသိသာသော်လည်း အခုတော့ အနာကရောင်ပြီးအတော်လေးနာကျင်သည်။ သို့ပေမယ့် ရှန်မီယောင်း ဘယ်လောက်ပဲ နာကျင်နေပါစေ အခုချိန်မှာတော့ မမှုပါ။ ဘာလို့ဆို ရှန်မီယောင်းရင်ခွင်ထဲက နတ်သားလေး ကရှန်မီယောင်းရောဂါအားလုံးအတွက်ဆေးတစ်ခွက်မဟုတ်လား။
ရင်ခွင်ထဲမှာရှိတဲ့အနွေးဓာတ်လေးဆီကမွှေးပြန့်တဲ့ကိုယ်သင့်ရနံ့လေးကိုရှုရှိုက်ကာအိမ်မက်နဲ့လက်တွေ့ကိုခွဲခြား၍ခံစားနေမိသည်။ ဒီလိုသာအမြဲတမ်းနေရမယ်ဆိုရင် နေရောင်အောက်မှာရှိတဲ့တန်ဖိုးကြီးမားပါတယ်ဆိုတဲ့ ဘယ်လိုအရာမျိုးနဲ့မဆိုလဲလှယ်နိုင်သည်။
ŞİMDİ OKUDUĞUN
BABY IS MY LIFE
Romantizm# Fed - 3 - 2020 # moewathan #Cover - Melon mist 💞 #ယခုဇာတ်လမ်းတွင်ပါဝင်သော အကြောင်းအရာများနှင့် ဇာတ်လမ်း ဇာတ်ကွက်များဟာ စာရေးသူ၏စိတ်ကူးယဥ်ဇာတ်လမ်းသာဖြစ်သည်။