انا: ماما بابا هدرو معاه و نتي مالكي كاتبكي عوتاني ليليا: هئ هئ انا خايفة لنسقط مراد: هههههههه ناري على هبيلة مالكم ادوزو الوطني بابا: اهداك بعد من اميراتي انا: غير خليه ابابا حتا نشوفو اش غايدير فالجهوي هههه الكل: ههههههههههه مراد: اوف وحلتيهالي بناقص من شي فطور انا خارج انا: هيهيهيهي ياله ها حنا مشينا باي باي... ركبنا فالطموبيل و فالطريق قاتلي ختي ليليا: ختي ياك غنبقاو ديما مجموعين و غندوزو الجهوي بجوج انا: ههههه هبيلة و علاش غنتفارقو ليليا: و انا غير هدرت حيت مانقدرش نتفارق عليك انا: ماتخافيش انا ديما معاك شوية تلفوني بدا كيصوني قطعت بالزربة وخبعتو على ليليا وصلنا خليت ختي مع صحاباتنا و مشيت كنجري للطواليط وانا نصوني معاذ: اميرتي صباح الخير علاش مجاوبتنيش انا: خويا حبيبي توحشتك بزاف هئ هئ راه كنت مع ليليا معاذ: ششش متبكيش حتا انا توحشتك كنت بغيت نقوليك الله اعونك و ركزي مزيان انا: واخة حبيبي ماتخافش عليا معاذ: ياله سيري حتا ليل و نهدرو كنبغيك انا: اوكي حتا انا اكيد كتساءلو شكون هدا و علاش كنهدر بتخبية هادا معاذ خويا عندو 22 عام كيقرا فكندا ومراد حتى هو خويا عندو 17 عام.. حنا 4 دالخوت جوج بنات وجوج ولاد.... بابا صعيب و مانعنا انا و ختي اكون عندنا تيليفون حيت زعما غادي يلهينا على قرايتنا و حيت حنا بنات صغار على التيليفون.. انا و معاذ علاقتنا قوية بزااف وكنتفاهمو واخة فرق السن لي بيناتنا وفاش مشا ماقدرتش نصبر واخا كنت كنهدر معاه فتيليفون دماما مي ماشي بحال نهدر معاه كل ليلة كيف كاندير دبا.. داكشي علاش فاش جا فالصيف شرالي تليفون بالتخبية و خبيت حتى على ليليا حيت غادي تفرشني
