انا: افف دبا هادا هو خيري حيت فكيتكم منهم ريان: وشكون قاليك الالة حنا واحلين انا: اسمعو مزيان راه انا لي غادي نزوجكم بالبنت لي عجباتني انا واهم من هادا تكون مغربية فهمتو معاذ: اجي ضربينا حسن هادشي لي بقا ريان: وي داكشي لي بقا اشنيولة انا: صافي صافي باركة وجيبوليا مناكل معاذ: اييه شي حاجة اخرى الالة انا: ممم مكرهتش نخرجو نتساراو شوية عاد نرجعو ريان: اوى الله يمسخك وصنطيحة عندك معاذ: هههههه عندك الحق.. نسيتي بقاتلينا يومين وغنمشيو للمغرب يعني خاصنا نجمعو حوايجنا ونقادو المسائل انا: الصمت معاذ: مالك دبا ياك نتي لي بغيتي تمشي للمغرب انا: الصمت ريان: شوفي حنا انكونو ديما معاك متخافيش وراه موجدين لكلشي انا: (تنهدت) واخة.. شدينا الطريق من بعد الفطور للدار وصلنا فليل خدينا العشا من الزنقة تعشينا وكل واحد مشا لبيتو انا طحت نعست... صبح الصباح فقت فطرنا وبديت كنجمع فحوايجي جاو عندي البنات جمعو معايا كلشي مروى: اتبقى بلاصتك الخايبة جاكلين: وي غادي نتوحشوك بزاااف انا: حتى انا انتوحشكوم بزاف هئ هئ ريم: غاادي نبقاو نطلو عليك راكي ختنا ونتي غادي تبقاي تجي عندنا وكل نهار غادي نهدرو معاك فسكايب الالة انا: الله اخليكم ليا (وتعانقنا بربعة).. عرفتو بغيت ناخد شي حويجات لختي تمشيو معايا جاكلين: ويي ضروري ريم: وي عرفتي شنو ياله نخرجو دبا نتغداو مجموعين وتشري داكشي لي بغيتي انا: وي صافي نلبس ونخرجو.. خرجنا ديك ساعات كانت 12 تغدينا عاد مشينا المول خديت لبيسات و شي سناسل وروايح وزيد عليها صبابط المهم خويت لكارط لي عطاني خويا ودزت خديت باليزة متوسطة... رجعت للدار ودخلت لبيتي حليت الباليزة و بديت كنستف داكشي لي شريت حتى دخل معاذ معاذ: ونااري شحال من باليزة وزدتي شريتي هادشي انا: ماشي ليا هاد الباليزة هادشي ديال ليليا فاش تمشي اتعطيها هادشي وتقوليها شريتهومليك معاذ: ويلا مجاوش قدها انا: حماقيتي ولا شنو نسيتي بلي حنا توام وشفتها فالتصاور عندنا نفس لاطاي معاذ: متديش عليا هههههه.. اوكي الالة و شريتي شي حاجة لمراد انا: خديتلو ساعة وريحة معارفاش لاطاي ديالو باش نشريلو شي حاجة خرى معاذ: اوكي.. وماما وبابا خديتلهوم انا: لا بغيتي تاخدليهم نتا خود انا معنديش والدين معاذ: اوكي بلا متعصبي
