دخلت للبيت تصدمت لقيت واحد الشاب معمري شفتو.. وقف بابتسامة شريرة مد يدو يسلم عليا الشاب: انا.... كنسمع دقان بالجهد والباب غادي يتفرع مشات خالتي تحل الباب دخل واحد الرجل كيشبه لهادوك لي كانو جاو مع سامي ديك المرة جر داك الولد لبرا طليت بانلي سامي معصب وحمر.. تخبيت وبقيت كنسمع سامي: اش كتحاولي ديري نتي خالتي: (بخوف حيت كان كيخلع) نتا مبغيتيش وانا جبت لي ينفذ الخطة ديالي سامي: بعدي منها ومتقربيلهاش فهمتي خالتي: الى ديتي هدا انا غنجيب 10 غيرو سامي: انا لي غادي نكون صاحبها غير تهناي خالتي: اوى دبا مزيان ياله دخل ياا ربي اش هادشي واش هادي خالتي ولا شنو حاولت نكالمي راسي حيت خفت بزااف وكانت باينة عليا سامي: (سمحيلي) سلام انا: وعليكم السلام.. خالتي شنو واقع وشكون داك الولد لي كان هنا خالتي: هداك كان جايبلي غير شي سخرة وصافي مديريش فبالك ياله نخليكم تهدرو..مشات خالتي وهو جلس قبالتي بقا كيشوف فيا وساكت قررت نهدر انا انا: احم نقدر نعرف شكون نتا سامي: انا سميتي سامي فعمري 34 سنة وحنا مرتابطين انا: شحال وحنا مرتابطين سامي: عام دبا مي حتى واحد مكان عارف بعلاقتنا من غير خالتك انا: اه اوكي سامي: اجي نخرجو ونهدرو على خاطرنا انا: واخة.. خرجنا وركبت معاه فطموبيلتو وطموبيلتي ساgها واحد من رجالو مشينا لواحد الكافي زوينة وجلسنا سامي: مبغيتيش تسولي على علاقتنا كيفاش بدات انا: لا حيت طبيب قالي من الاحسن نعرف بوحدي مي بغيت نسولك غير كيفاش كانت علاقتنا سامي: كانت زوينة وكنا كنبغيو بعضياتنا وعوالين نتزوجو انا: (الله يمسخك) سمحلي حيت نسيت كلشي انا كنحاول نتذكر سامي: متجهديش راسك وانا غنبقا معاك حتى تذكري كلشي انا: اوكيي.. شوية وهو يصوني تيليفون كان مجد وانا نسيتو gاع سامي: شكون كيصوني عليك انا: (ونتا سوقك) هدا دكتور مجد لي متبعا معاه نسيت بلي عندنا حصة اليوم وخاصني نمشي سامي: انا نمشي معاك انا: لا راه كيجي عندي للدار سامي: اه اوكي ياله نوصلك لطموبيلتك..مشا معايا حتى للطموبيل.. تهلاي فراسك وها نمرتي حيت نتي مكنتيش مسجلها كنتي حافضها باش حتى واحد ميعيق بيك ودبا اتكوني نسيتها انا: اوكي ياله بسلامة... ركبت وانا نديماري قلبي بقالو شوية ويحبس وصلت للدار لقيت مجد فالجردة مع ماما شافني وهو يخنزر فيا ماما: بنتي فين كنتي تعطلتي انا: كنت غير عند خالتي.. نظرات مجد تحولو لخوف مجد: نخليك اخالتي دبا انمشي مع ليلى ماما: واخة اولدي وسمحلينا عدبناك معانا مجد: متقوليش هكا هدا واجب.. طلعنا غير دخلنا سديت الباب وعنقتو مجد: (بخوف) ليلى حبيبتي مالك انا: شفت سامي اليوم مجد: ياكما قاسك انا: لا دبا هو قالي بلي حنا مرتابطين هادي عام مجد: وكيفاش هدر معاك غير هكاك انا: لا راه خالتي لي قالتهالي مجد: لا حول ولا قوة الا بالله.. اوى اش درتي انا: جلسنا فكافي وبقا كيقولي كيفاش كانت علاقتنا مجد: ونتي كان عاجبك الحال انا: الله يهديك اشمن عاجبني الحال.. راني شرحتليك كلشي زعما مجد: اوووكي مي عدرني راني كنغير عندي غير حبيبة وحدة انا: حتى انا عندي غير واحد لي هو نتا مجد: عنداك يعجبك وتنسايني انا: علاش انا نقدر.. وفاش نتسطا ديك الساعات نشوف شي حد من غيرك..
