ليلى: (كدق فالباب بجهد) سعااااد حلي خالتي: هانا جايا غير بشوية... حلات الباب شافتها وهي تصدم ليلى: (كتحاول تبرد) مالكي شفتي جن خالتي: لا ابنيتي دخلي مرحبا بيك.. دخلت كانت غير بوحدها انا: شنو الاصل ديالك غير قوليلي شنو درت ليك باش ديري فيا هادشي خالتي: بلاصة متحاسبيني حاسبي باباك لباعك وماماك لي وافقات وكانو عايشين مهنيين عنداك يصحابليك داك التمثيل لي دارو قدامك فالخطوبة زعما راه كيبغيوك هوما نساوك من شحاال هادي.. ودبا وخا تقولي منعرف شنو مغديش يتيقوك نتي غير *حبة ودايرة الحجاب زعما راني متاقية الله.. ف اينا بلاد كنتي كتمارسي الدعارة هههههه انا: ههههههه وي عندك الحق مي المهم كنبقا حسن من بنتك لي كتحل رجليها لاي واحد... وحسن منك نتي لي خنتي ختك سحابليك مغاديش نعرف الاتفاقية لي درتي نتي وهاداك خالتي: (توترت) اينا اتفاقية انا: ههههه كان خاصك تفهميها طايرة مي نشرحليك علاش شحال من سعاد عندي... الالة عندي سيدي فيه نتي وهداك وبابا فالمكتب فاش جا يسني الوراق ديال الشراكة وشفت الخطة لي درتو ونزيدك عندي السيدي فاش جيتي عندي للدار فين كنت جالسة صوت وصورة... لا لا مالك صفاريتي خالتي: بنتي سمحيلي انا: (محسيت براسي حتى نزلت عليها بتصرفيقة وبقيت كنضرب فيها كنخرج الغضب ديال 8سنين كنسمع الباب كيدق بجهد مي حتا حاجة مغتوقفني هي كتبكي وكتحاول دافع على راسها نسيت بلي هي خالتي انا بالنسبة لي هادي هي الشخص لي دمرلي حياتي) كنكرهك وغادي ندمك هادشي لي درت دبا غير شويية من داكشي لي جاي.. غير طلقت منها وهو يتحل الباب دخلات بنتها مريم كتجري وموراها مجد وريان مريم: ماما ماما اش درتي ليها الموسخة والله حتى نحبسك.. وهي تهز يديها بغات تصرفقني شديتهالها وعطيتلها وحدة حتى رعفات ريان: ليلى تكالماي خالتي: بنتي سمحيلي هئ هئ انا: مزال مشفتي والو... وخرجت كنجري... ليليا نزلي يوصلك ريان.. غير نزلات وانا نديماري قبل مايوصل ريان لعندي مشيت لدارنا وقفت قدام الباب بغيت ندخل نترمى فحضن ماما مي مقديتش هئ هئ شفت من المراية طموبيل دريان واقفة من مورايا فكرت ولقيت خاصني نتهدن عاد نمشي عند ماما... ديمارت شفتو حط ليليا وتابعني كان واحد السطوب شدو تما فين قدرت نهرب منو بقيت غادا مرة نبكي مرة نضحك المهم حماقيت حتى وصلت لمكناس تخيلو جايا من الرباط لمكناس بالبيجامة مشيت نيشان للدار سناء: ختي ليلى ماالك انا: والو هانا نطلع ندوش وجديلي شي حاجة ناكلها عفاك سناء: واخة اختي.. طلعت دوشت وصليت صلاتي دعيت ربي يعاوني بقيت كندعي حتى حسيت بالراحة.. نزلت كليت وعيطت لكوثر كوثر: الو انا: شوفي من هنا ساعة نتلقاو وقولي لشيماء غنجيو عندها للدار باش نقنعو والديها تسافر عاد نمشيو عندك نتي كوثر: اوكييي
