دازت 4ايام وانا غير فالدار ومجد كيجي كل عشية عندي.. كنت جالسة فالجردة وليليا حدايا ليليا: خالتي جيتي مرحبا بيك انا: (درت نشوف لقيتها معلوم تجي راني فقدت الذاكرة وهي فرحانة) شكون هادي خالتي: (عنقتني) انا خالتك سعاد خت ماماك كيبقيتي ابنتي شوية انا: مزيان حمد لله.. سمحيلي اخالتي حيت معرفتكش خالتي: حاشا ابنتي دبا ترجعليك الذاكرة ان شاء الله انا: (وااو ممثلة وااعرة) ان شاء الله.. بقينا جالسين انا وليليا وماما وخالتي كنهدرو وباينة عليها الفرحة حتى ناضت ماما تهدر فتليفون وهدرت مع ليليا بشوية مي تعمدت انها تسمعني انا: ليليا واش انا كنت مرتابطة ليليا: على حساب معارفة لا مي الى كنتي مخبية عليا منعرف ههههه انا: ههههه واخا.. درت شفت فيها وهي تبتاسم ليا وبادلتها بالمثل شوية وهو يجي مجد مع ماما ماما: بنتي هاهو مجد طلعو لبيتك خالتي: شكون هدا ماما: هدا طبيب النفسي ديال ليلى كيحاول معاها ترجع ذاكرتها خالتي: (خاصني نزرب) اه مزيان انا: اوكي ماما.. طلعنا لبيتي وجلسنا مجد: اوى اش كتعاود حبيبتي انا: ههه والو.. توحشتك مجد: حتى انا توحشتك.. اجي نخرجو اليوم منين جيتي للدار معاودتي خرجتي انا: ممم اوكي مي ديني عند ريان مجد: علاش انا: توحشتو هو ومعاذ ديني للشركة عندهم مجد: وااخة الالة.. هانا نزل لتحت نتسناك انا: اوكيي.. لبست حوايجي وخرجت مشينا للشركة وانا ندخل للمكتب ديال معاذ انا: هاناااا معاذ: ختي اجي مرحبا بييك انا: اش هاد ختي عوتاني فين هي حبيبتي وحياتي ولا جات ريم خداتهم معاذ: (مصدوم) واش رجعات ليك الذاكرة وهو يعنقني مجد: علاش هي مشات بعدا هههه معاذ: (حطني وهو يخنزر) كيفاااش انا: احم معاذ صبر هانا غنشرح ليك معاذ: هانا كنسمعك.. عاودتلو كلشي.. ساليتي اوى سيري جمعي حوايجك غدا غاتمشي مع ماكس لكندا انا: (بديت كندمع) لا عفاااك انا عاودتليك باش توقف معايا معاذ: اففف منك افف... شوية دخل ريان ريان: معااذ.. ا ليلى نتي هنا انا: مالك داخل بعجاجتك ريان: لا متقوليش بلي رجعات ليك الذاكرة معاذ: علاش واش فقداتها بعدا ريان: كيفاش.. عاودلو معاذ كلشي.. واش حماقيتي انا: انا غير علمتكم مجد عفاك وصلني للدار ريان: اجي لهنا فين غادة.. شدوني وحطوني وسطهم انا: مالكم اش بغيتو.. بقاو يهدرو والنصائح فرعولي راسي ومخاصني ندير حتى حاجة قبل مانقولهالوم انا: شفتو علاش مكانعاود لحد من غير ماكس.. خنزرو فيا بتلاتة.. هههه غير كنضحك ياله بسلامة معاذ: ليلى ديري عقلك انا: اوكي حبيبي.. بستو فحنكو وجيت نمشي ريان: واناا فين ديالي انا: (مشيت عندو وبستو حتى هو) ياله هانا مشيت معاذ: اوكي.. مشينا انا ومجد ركبنا فالطموبيل وهو مخنزر انا: مجد مالك مجد: (من تحت سنانو) والو انا: حبيبييي مااالك مجد: علاش بستيهم انا: راه خوتي هادوك مجد: (بالغوات) ريااان ماشي خوووك فهمتي انا: (بديت كنبكي) هئ هئ مجد: (افف يا ربي صبرني) دبا علاش كتبكي..
