نوصفليكم صحابتي جداد.. كوثر عندها 18عام كدير الحجاب سميمرة وعينيها قهويين.. شيماء عندها 18عام شعرها ماطويل ماقصير عينيها عسليين.. هما قدي فالطول تقريبا..رجعت للدار وانا فرحانة حيت لقيت صحابات زوينات وضريفات هدرت مع ريان ومعاذ عاودتليهم افرحو حيت لقيت صحابات.. صبح نهار جديد درت روتين ديالي الصباحي ومشيت لفاك تلاقيت البنات كوثر: اهلا سلمى لباس انا: وي حمد لله ونتوما شيماء: وي الحمد لله... قرينا وخرجنا مع 13 وداخلين مع جوج البنات قررو يبقاو حيت بعاد وقلت مع راسي حتا انا نبقا باش نزيد نتعرف عليهم مشينا لسناك وطلبنا اش بغينا شيماء: سلمى اينا ليسي قريتي فيه انا: ا.. مغاديش تعرفيه حيت مقريتش هنا فمكناس كوثر: اه وفين قريتي انا: فالرباط كوثر: علاش جيتي لمكناس انا: على حساب خدمة دبابا شيماء: اه مزيان انا: ونتوما من فوقاش ونتوما صحابات كوثر: حنا من الابتدائي انا: مزياان سعداتكوم شيماء: علاش نتي معندكش شي صاحبتك انا: لا كوثر: اوى الالة من دبا حنا صحابات بثلاثة انا: (بفرحة) شكرااا... رجعنا قرينا فالعشية فاش سالينا جينا خارجين حتا وقفوني البنات كوثر: ماقلتليناش فين كاتسكني انا: حمرية شيماء: وفين كتركبي واش طاكسي ولا طوبيس انا: انا مزال معارفا المدينة كيجي عندي غير بابا كوثر: اه اوكي حنا غنمشيو دبا ويلا بغيتي الويكاند نخرجو ونوريوك مكناس مرحبا انا: لا منقدرش نخرج فالويكاند بابا مكيبغيش شيماء: اوكي حتا نشوفو شي عشية خاوية ياله بسلامة انا: باي... مشاو شوية جا محمد رجعت دوشت صليت وكليت وطلعت لبيتي هدرت مع ريان ومع الكليكة ديالي لي توحشت ونعست
