*امام غرفة العمليات* الفرملية: المريضة محتاجا الدم شكون فصيلة دمو A+ معاذ: افف غلطنا مجبناش ليليا ريان: حتا واحد شنو خاصنا نديرو الفرملية: غادي نعلمو بنك الدم ونتسناو سامي: انا غادي نتبرع... كلشي دار شاف فيا ماما بقات كتبكي وحتا واحد مهدر معايا مشيت مع الفرملية تبرعت لختي لي حرمتها من كلشي ورجعت جلست بعيد عليهم كنتسنا حتا نعست شوية حسيت بشي يدين فوق وجهي حليت عيني لقيت ماما عنقتها وبقيت كنبكي ماما: ولديي هئ هئ انا: ماما توحشتك هئ هئ سمحيييلي على gاع داكشي لي درت ماما: مسامحاك اولدي وسمحلي حيت خليتك بوحدك سامي: (زيرت عليها) محتاجك اماما نتي لي عندي معاذ: (حابس البكية) وانا فين مشيت.. شاف فيه وهو ينوض عنقو وبقاو كيبكيو... الحمد لله عندي خويا كبير حتا انا سامي: هئ هئ الحمد لله عندي خوتي وماما... جا ريان عنقو ريان: توحشتكك سامي: حتا انا اخويا.. جا راجل ماما عنقني محمد: مرحبا بيك فعائلتنا اولدي سامي: سمحلي اعمي على داكشي لي درت محمد: خلينا نساو كلشي ماماك شحال وهي كتقلب عليك ومحرومة منك ودبا فاش لقيناك غادي نساو gاع المشاكل لي دازو ونبداو من جديد صافي اولدي سامي: (بقا فيا الحال بزاف ميستاهلوش داكشي لي درت فيهم) شكرا اعمي.. شوية خرج الطبيب مشينا كنجريو لعندو الطبيب: الحمد لله العملية دازت مزيان مي غانحطوها فالعناية المشددة ويلا دازت هاد الليلة مزيان غادي نحولوها لغرفة عادية معاذ: اوكي شكراا.. ماما عنقاتني ماما: الحمد لله ولادي غادي يتجمعو كاملين سامي: (بصوت مخنوق) ان شاء الله... مشيت للحمام غسلت وجهي وكنفكر كيفاش غادي نشوف فيها حتى تحطات يد على كتفي درت وانا نلقا ريان ريان: ليلى قلبها كبير وغادي تسامحك متخافش سامي: كيفاش غتسامحني وانا اصلا ممسامحش راسي ريان: علاش سامي: دبا انا مغتاصب ختي مقادرش نستوعبها ريان: (عاد تفكر) اه لا راك مغتاصبتيهاش انا وهمتك بلي اغتاصبتيها باش نقدر نهربها سامي: (بفرح) واش بالصح ريان: ويي.. عاودلو كلشيي كيفاش هربها وداها لكندا وعاشت تما سامي: (عنقتو) هئ شكرا اخويا حميتيها فالوقت لي انا خوها وكان خاصني نحميها ريان: هدا واجب.. وكيفما قتليك غادي تسمحليك وماحدها تنازلات على القضية يعني كاين امل كبير باش تسامحك سامي: ان شاء الله.. خرجنا ومشينا جلسنا حداهم وانا كنحمد الله حيت مغتاصبتهاش وخا عيشتها فالعداب مي غادي نسيها فداكشي لي درت... دازت ديك الليلة مزيانة الحمد لله ونقلوها لغرفة عادية مي كانت مزال ناعسة ليليا ومراد جاو.. هدرنا انا ومراد واعتاذرت منو والحمد لله تقبلني نكون خوه دبا بقاتلي غير ليلى.. *عند ليلى* بديت كنحل عيني كنشوف غير الضبابة شوية بدات كتوضحلي الصورة شفت لقيت ماما وبابا ومعاذ ريان ليليا ومراد وسامي واقف بعيد كيشوف فيا بابا: بنتي حبيبتي على سلامتك انا: الله يسلمك ابابا ماما: (عنقاتني) الحمد لله على سلامتك ابنتي ليليا: هئ هئ ختي الحمد لله رجعتي لينا معاذ ومراد: على سلامتك ختي ريان: راه غير كتفشش عليكم انا: (بابتسامة دبلانة) وي ماشي من حقي..
