طلعت لبيتي تسنيت حتى خرج سامي و انا نعيط لصاحبي قالي راه جابها للدار مي حالتها مكتبشرش بالخير قتلو يعيط لواحد طبيب كنعرفو وانا من هنا ساعة نكون عندو نضت دوشت لبست حوايجي و مشيت الشاب: اهلا توحشناك انا: حتى انا اصاحبي و الله وصل الطبيب الشاب: اه راه عندها فالبيت من بعد شوية خرج الطبيب انا: عفاك كيف بقات الطبيب: اش غادي نقوليك اريان راه البنت مريضة بزاف وزيد عليها لحمها كولو زرق و قلبها ضعيف ماقدش اتحمل ديك الابرة لي ضربتيلها من الاحسن تديها الكلينيك اتلقى الرعاية اللازمة انا: واخة شكرا مشا الطبيب و دخلت عندها كانت بحال الملاك و بااين عليها العيا و المرض بقيت جالس و انا نتفكر تيليفون ليعطاتني دونك اتكون نمرة دعائلتها فيه واخة هيا قاتلي بلي باعوها مي يمكن خاصني نعلمهوم هزيت لافيسط ديالي جبدتو حليتو مشيت بلاصة الكونطاك لقيت نمرة وحدة و ماشي ديال المغرب صونيت على ديك النمرة بقا كيصوني و والو حتى واحد مكيجاوب حطيتو فجيبي و انا نزل رغبت صاحبي يمشي يشري شي حويجات ل ليلى *عند ليلى* بديت كنحل عيني كنحس بجسمي مرخي لقيت راسي فواحد البيت فشكل زعمة بصاح خرجت من داك الحبس بقيت جالسة حتى تحل الباب لقيت ريان داخل و فيديه ميكات و كيبتسم ريان: صباح الخير ههه و على سلامتك انا: كنبتسم ريان: هانتي هاكي هاد الحوايج لبسي وهانا نمشي نجيبلك الماكلة انا: حركت راسي بالايجاب مشا نزل و انا بسيف باش كنلبس الجسم ديالي كامل كيعطيني الحريق ساليت جا و جاب معاه بلاطو فيه الماكلة بديت كناكل شوية سمعت تيليفون كيصوني شنو هادشي كنسمع هاد الصونيط ديال تيليفوني جبدو ريان و انا نخطفولو من يدو
