وصلنا للجردة وانا نحل فمي لقيت كلشي كاين مجموعين على طبلة كبيرة.. ريم، مروى، جاكلين، علاء، حازم وحتى من شيماء وكوثر جاو لعندي فرحت بزااف فاش شفتهوم عاد زيد عليهم عائلتي كاملة تمنيت كون كان مجد حتا هو كانت غادي تكمل فرحتي.. بديت كنعقهم واحد بواحد وصلت عند سامي وهو يغمزني ماكس زعما نعنقو حتا هو حليت يدي وهو ينزل لمستواي وعنقني زير عليا دمعات عيني فاش طلقت منو لقيت عينيه فيهم دموع وقررت نسامحو مكاين لاش نتعدبو كاملين جلست معاهم فالطبلة وبقينا عاطيينها للضحك انا: صدمتوني نتوما بجوجات متوقعتش انكم غاتجيو كوثر: علاش شحال عندنا من ليلى علاء: احم راه بسبابنا جاو بقينا عليهم راه صاحبتكوم الوحيدة نوضو وشحااال عاد باش قبلو يجيو شيماء: يااك اخويا محشمتيش حازم: شفتكم مدورينو بعدو منو وراه عندو الحق.. البنات كل وحدة خنزرات فحبيبها ضحكوني شيماء: فخبارك تقبلنا فنفس الماستر فرحت وتسجلنا انا: اه غايكون مشا الحال ميبغيوش يقيدوني ليليا: ههههه وشكون قالك متسجلتيش انا: وراه ميمكنش شي حد لي يسجلني ضاروري نمشي انا ليليا: لا يمككن فاش نمشي ندير الفولار وندير لونتي فالزرق غادي نولي بحالك انا: ههههه لا متقوليهاش واش بالصح ليليا: ههههه والله وراه مراد حل بالمعارف ديالو المشكل ديال سميتك فالديبلوم وكلشي تقاد خاصك غير تنزلي باش تقراي انا: ههههههه الله يخليكم ليا... بقينا مجمعين ديك العشية حتى حسيت بالعيا وناض ماكس داني نعس ماكس: سامحي خوك باش ترتاحي وكنظن بلي نادم بزااف متزيديش عليه حتى نتي انا: واخة مي دبا بغيت نعس عييت بزااف ماكس: اوكي ارتاحي دبا حتى الليل.. مشا ماكس بقيت كنفكر فهدرتو لقيت عندو الصح وحتى انا باغا نرتاح.... دازو 3شهور سامحت سامي مي علاقتنا مزال مقوية بحال خوتي كان بعد المرات كيتسناني نخرج من القراية ويجي نتغداو انا وياه كان كيحاول يقاد علاقتنا.. والخبر المفرح هو اليوم عرس معاذ وريم حنا دبا فالصالون كل وحدة ملاهية مع راسها الا انا لي متوترة زعما يكون مجد جا لعرس خويا.. سالينا وجاو الدراري عندنا ركبنا ومشينا للقاعة داز عرس وااعر ومراد خطب مروى بشكل رومانسي قدام والديها حيت هما صحاب والدين ريم وقررو من بعد يجلسو يتافقو على نهار العرس وداكشي ههه.. كنت عوالة نشوف مجد ونعاودلو كلشي مي مكانش قررت نبدا ننساه ونعيش حياتي... صبح الصباح مشيت قريت لقيت سامي كيتسناني ومشينا نتغداو سامي: البارح حيحتي فالعرس انا: ههههه وييه دبا راني مدكدكة مي شحال من مرة غيتزوج معاذ وريم.. العقبا نشطح فعرسك هههه سامي: ههههه اش بغيت بشي زواج انا: (شديتلو يديه) واش مزال كتكره العيالات زعما مكاينة حتى وحدة سامي: ماشي هكاك مي انا كبرت عندي 34 عام شكون غتقبل بشارف بحالي انا: ههههه مالك وليتي بنت.. نتا تبارك الله بوكوس والطولة والتجريدة خاصك غير تبغي وغتلقا البنات مجموعين عليك سامي: ههههههه ياك الالة انا: ومالي نكدب علييك راني زعما كنفهم فالزين ونتا بوكوس ما شاء الله سامي: ههههه يكون خير ان شاء الله.. مي راني مكانعرفش نتعامل مع البنات انا: خلي داكشي عليا انا غادي نعلمك كون هاني سامي: الله يخليك ليا ....: تبارك الله عليك.. درت نشوف بقيت مصدومة فداكشي لي كنشوف وشفت فسامي لقيتو مصدوم كثر مني
