اجي نشرحليكم بعدا.. فاش سامي خطف ليلى كان كايطلق واحد الاغنية فاش كيبغي يضربها باش ميتسمعش صوتها على برا وفاش كتسمعها كتفكر فاش كانت كتضرب والتعرض للاغتصاب... فاش كانت فكندا واحد النهار سمعتها وجاتها نوبة عصبية ديك ساعات عرف ريان ومعاذ بالقصة ديال الاغنية وقالوها لgاع صحابها باش ميمشيوش يطلقوها حداها.... هزني وخرج البرا فالجردة انا كنترعد خرج كولشي معايا معاذ: ليليا سيري نتي ومريم دبا للدار هاكي سوارت ياله مريم: ولكن.. معاذ: سيرو دبا ليليا: واخة اخويا معاذ: مراد سير حتا نتا مراد: واخة.. مشا وقف بعيد بلا مايشفوه معاذ: ليلى حاولي تنفسي حليها العقدة ديال الشال وحيدليها الماسك... بقيت كنبكي حيدت لي لونتي ضروني شربت كاس دالما وبديت كنتهدن حتى كنهز راسي كنلقا مراد واقف من موراهم وعينيه ايخرجو من بلاصتهم انا: م..م..مراااد.. دارو كلهم لعندو مراد: اش هادشي كنشوف انا: هئ هئ خويا (ونضت جيهتو) مراد: انا ختي ماتت ودفعني جيت طايحة شوية كنحس بشي حاجة سخونة على كرشي درت يدي وانا نلقا الدم معاذ: ليلى اش واقعلييك اش هااادشي ريان: ليلى حلي عينيييك نوض نهزوها... مراد تصدم ممتيقش بلي ختو مزال عايشة وتبعهم مشاو لكلينيك دخلوها نيشان.. من بعد مرور ساعتين وهما مخلوعين مفاهمين وااالو معاذ: كيدايرة شنو عندها الطبيب: دبا تجاوزت مرحلة الخطر بمعجزة كون تعطلتو شوية كون فقدناها ريان: شنو عندها الطبيب: المريضة قلبها اصلا عيان ومفهمتش كيفاش حتى خليتوها دير ديك العملية معاذ: اينا عملية الطبيب: عملية تبرع بالكلية راه نفدات من الموت باعجوبة المهم خاصها الراحة حيت الجرح مزال جديد.. مشا وخلاهم مزال مصدومين معاذ: رياان نتا عارف شي حاجة على هادشي لي كيقول الطبيب ريان: والله معارف شي حاجة حتى انا بحالك معاذ: زيد نمشيو عند هداك الطبيب بااينة هيا لي تبرعت ل ليليا مشا معاذ وريان ومراد تابعهم مصدوم وخلاو البنات وماكس حداها معاذ: واش ليلى هي لي تبرعت لختي بالكلية الطبيب: شكون ليلى ريان: ختها التوام جاوب حنا عرفنا الحقيقة الطبيب: اه وهي لي طلباتني منقولها لحتى واحد ريان: نتا عارف بلي الحالة ديالها متسمحش دير هاد العملية و وافقتي الطبيب: عييت مانشرح ليها و والو كانت ففمها انا نتبرع لدرجة انها وقعات على واحد الورقة مفادها انها الى ماتت فهي لي كتحمل المسؤولية وكانت خلاتلي رسالة باش الى ماتت نعطيها لواحد سميتو ريان ريان: مزال عندك الرسالة الطبيب: اه مزالة ريان: انا هو ريان عطيهالي الطبيب: هاك.. خداوها وخرجو حل ريان الورقة وبدا كيقرى
