دازت سيمانة ومجد هدر مع سامي لي فرح وقبل.. دبا حنا فالطيارة غاديين للمغرب توحشت ماما وبابا وجوري حتى هي.. ماما: (عنقاتني) مرحبا ببنتي توحشتك انا: حتى انا اماما.. سلمنا عليهم ودخلنا للدار لقيت بنوتي كتلعب شافتني وهي تجي عندي كبرات الخيبة ورجعات كتمشى واخة طاحت هزيتها وعنقاتني... حبيبتي توحشتك بزاااف ريم: يااه مزال عاقلة عليك انا: علاش كاين شي حد كينسى ماماه... بقينا مجمعين وسامي لي تكلف يقوليهم بلي مجد من هنا يوماين غيجي يخطبني كلشي فرح حيت كيعرفو مجد مزيان.. دازو دوك اليوماين بالزربة وحبيبي جا بقيت فبيتي شفتو من البالكون كنت غنسخف جا بوكوص شوية جات ليليا كرشها وصلات لفمها ليليا: ياله اختي اجي نزلي راه بغاوك انا: (مخلوعة) افف صافي غير سيري نتي انا مافيا مانزل ليليا: اويلي واش انا لي غادي نتخطب زيدي قدامي انا: لا سيري نتي.. عيات وهي تمشي جات ماجدة ماجدة: ليلى واش تسطيتي زيدي نزلي راه كيتسناو انا: اففف فيا الخلعة حاسا براسي غنسخف ماجدة: ههههه مسكيينة علاش واش اول مرة غتشوفيه انا: ياااك ماشي حشومة عليك دبا ماجدة: عقلتي فاش كنت هاكا ونتي كضحكي عليا ودبا جات الفرصة بين يديا ميمكنش نفلتها انا: هئ هئ حرام عليك ماجدة: اويلي ماتبكيش غادي تخسري الماكياج.. غير كنضحك معاك راه كلشي غيدوز بخيير وهانا معاك ياله شدي فيدي واجي نزلو انا: اوف اوف واخة.. شديتها ويدي كيترعدو هبطنا لتحت سلمت على كلشي وصلت لعند حبيبي وهو يغمزني حشمني جلسوني حداه اسماعيل (الاب): سي محمد حنا عائلة مي بغينا نزيدو نوطدو علاقتنا.. ودبا جينا طالبين راغبين يد بنتك ليلى لولدي مجد بابا: وحنا منلقاوش ماحسن من مجد مي القرار كيبقى دليلى.. كلشي بدا كيشوف فيا انا نزلت راسي وتزنكت ماجدة: السكوت علامة الرضا ههههه.. شفت فيها عرفتها كتردلي الصرف تافقو من بعد 2سيمانات نديرو العرس مجد: نقدر نهدر مع ليلى واحد الدقيقة ماما: وي ولدي ليلى طلعو لبيتك انا: (تصدمت) اه واخة.. سبقتو وهو بقا غادي من مورايا حتى وصلنا لبيتي دخلنا وهو يسد الباب بالساروت مجد: حبيبتي جيتي كتحمقي انا: (تزنكت) حتى نتا جيتي زوين مجد: (قربلي وشد يدي) اوف 2سيمانات بزاف اجي نزلو نقولوليهم غدا نتزوجو انا: اويلي تسطيتي مالك زربان مجد: مبقيتش قادر تبعدي عليا نهار واحد انا: غير صبر 2سيمانات غادوز بالزربة مجد: (عنقني) انا فرحااان حيت نتي ديالي انا بووحدي انا: حتى انا فرحانة بزااف.. عنداك تمشي تعاود وتخليني مجد: انا واعدتك وكيفما عطتيني فرصة انا غادي نكون عند حسن الظن ديالك انا: بغيتك فاش تشك فشي حاجة اجي قولهالي ونحلو المشكل حيت منقدرش نعاود نعيش نفس الحاجة مجد: كنواعدك احياتي عمرني نخليك وغادي نحميك ومن اليوم غاتبدا سعادتنا انا: (عنقتو) الله يخليك ليا دازت 2سيمانات غير فالتوجاد شريت حوايج جداد ولي شوميز دونوي لي كريم الروايح المهم كلشي وصل نهار الحنة مشيت درت لاصيغ لجسمي كامل ومشيت للحمام تحممت مزيااان ومشيت للدار لقيت الكوافورة هي والنكافة قاديت ولبست قفطان دالحنا فالخضر الملكي خرجت درت الحنة غير صبيعات مكترتش وجا حبيبي لابس جبادور جا كيحمق جلس حدايا وكل مرة يقولي كنبغيك حسيت براسي طايرة بالفرحة.. داز داك نهار بخير ووصل نهار العرس درناه فقاعة داز واااعر واخة كانت شادني الخلعة شوية وحتى البنات مقصروش ردو gاع داكشي لي درت فيهوم... فالاخير لبست كسوة البيضة وقطعنا لاطارط وبقينا كنضحكو حتى بدات ليليا كتغوت ليليا: اف اف عتقوني كنولد ريان: (تخلع) متخافيش احبيبة صبري ليليا: (كتغوت) ديني دبا وسكت.. مشينا كااملين معاها وانا بكسوتي دالعرس بقينا كنتسناو حتى خرج ريان هاز وليد فنييون انا: (دموعي نازلين) وينو حبيب خالتو.. ريان كيدايرة ليليا ريان: متخافيش راها بخير الحمد لله الكل: الحمد لله ومبروك عليكم ريان: الله يبارك فيكم.. جات الفرملية خدات الولد وبقينا كنتسناو حتى حولو ختي لغرفة عادية ومشينا طليينا عليها كان باين عليها العيا مبقيناش بزاف وخرجنا خليناها ترتاح انا مشيت للحمام بدلت حوايجي جيت خارجة وانا نسمع هدرة صدماتني..
