هبطت وعطيت السوارت ديال طموبيلتي لماكس ومشيت ركبت مع مجد بقينا غاديين كنهدرو ونضحكو وخدينا بزاف ديال سيلفي.. وصلنا لمدينة شفشاون اقل كلمة نقدر نقول انها روعة مشينا شدينا اوطيل دخلت لبيتي انا وليليا دوشنا ونعسنا حتى سمعنا الدقان درت الفولار ديالي وحليت الباب لقيت ريان ريان: نااري على نعاسات نوضو واش جينا نعسو انا: مالك داخل بعجاجتك ريان: ههههههه فين ديك النعاسة دليليا انا: راها سير فيقها انا ندخل نغسل وجهي ريان: اوكييي... دخلت غسلت وجهي وخرجت لقيت ريان كيبوس يد ليليا وهي سادا عنيها وكتبتاسم انا: هههههه الله يقلل حياكم... راني حداكم زعما ريان: دوري وجهك ومتشوفيش انا: ياااك والله متنوض تخرج حتى نوريك يالله ريان: اوكي صافي غير تهدني.. مشا خرج وانا ندور عند لالة ليليا انا: تبارك الله على ختي وصاافي ليليا: هههه وصافي اختي راه باس غير يدي انا: علاش فين بغيتيه يبوسك بالسلامة... (الله يستر لي يسمعني يقول هنا نبات الله يسمحلي) ليليا: (شيرات عليا بمخدة) بعدي مني.. وناضت دخلات للحمام انا لبست حوايجي وتسنيت ليليا حتى لبسات وخرجنا دوزنا داك النهار زوين بزااف وهكا دازت 4 ايام فشفشاون كلها ضحك ونشاط وكل نهار كنزيد نتعلق بمجد كثر.. اليوم راجعين للرباط وكيف العادة انا مع مجد فالطموبيل وكل واحد معاه حبيبتو وراجعين دوزنا يامات زوينة وصلنا للدار انا ومجد لدار دريان اما ريان مشا يوصل ليليا وكوثر وشيماء هبطوهوم الدراري لمكناس حيت عوالين يسافرو مع عائلتهم عوتاني اما مروى مشات مع ريم لدارها وجاكلين وماكس عرض عليهم معاذ يبقاو معاه فالدار مجد: سيري طلعي دوشي ورتاحي باينة عليك عييتي انا: وي بصح انا غنمشي ندوش ونعس مجد: اوكي.. طلعت دوشت خرجت لبست حوايجي وصليت وانا نعس دازو 3 ايام واليوم عوالين يمشيو يتعشاو فدارنا كلهم حتى من مجد وخا مبغاش يخليني بوحدي مي بقيت عليه حتى قبل اما انا فكانت عندي خطة اخرى.... لبست حوايجي وهزيت طموبيلتي ومشيت للشركة ديال بابا دخلت وانا نلقا سكرتيرة سكرتيرة: اهلا انسة ليليا انا: لا انا ليلى كاين بابا سكرتيرة: (باستغراب) اه مي شكون نقولو انا: قوليلو بنتك ليلى سكرتيرة: وخا.. دخلت شوية وهي تخرج وحتا بابا خارج معاها شافني وحل يديه ماحسيت براسي حتى تلاحيت بين يديه وعنقتو بقينا كنبكيو بابا: هئ بنتييي توحشتك بزاف سمحيلي سمحيلي انا: هئ هئ انا لي سمحلي ابابا بابا: الله شحال توحشت كلمة بابا منك.. دخلي انا: كيداير ابابا لباس عليك بابا: حيت نتي معايا انا بخير.. حتى ماماك توحشتك بزااف ابنتي منين عرفتك حية وهي كتسنا تعنقك وتشم ريحتك.. مزال ابنتي مابغيتي ترجعي لدارك وسط عائلتك انا: غادي نرجع ابابا وداكشي علاش جيت عندك دبا باش تكون معايا فاش نمشي عند ماما بابا: ياله هي دبا.. مشينا انا وبابا للدار قلبي بدا كيضرب وهو يشدني بابا من يدي وحل الباب دخلنا للصالون كانت ماما جالسة شافتني وهي توقف ماما: هئ هئ بنتييي انا: (مشيت عنقتها وبقينا كنبكيو) توحشتك امامااا ماما: كون تشوفي انا ابنتي شحال توحشتك.. بقينا معانقين وجا بابا عنقنا بجوج المهم بقينا هكاك شي ساعة وحنا مرة نبكيو مرة نضحكو انا: ماما اليوم ايجيو عندك الجنون ماما: بسم الله الرحمان الرحيم انا: ههههه كنقصد صحاب معاذ ومراد وليليا ماما: اه ابنتي غيجيو فالعشية انا: وفين ليليا ماما: خرجات ابنتي مع جاكلين قاليك يتقداو شي حوايج وعوالين مايجيو تال العشية انا: اه اوكيي.. اوى نوضي نوجدو راه 4 هادي ياله نساليو فالوقيتة مي مابغيت تاوحد يعرف بلي انا هنا ماما: (بفرح) وااخة ابنتي بابا: نعاونكم انا: ههههه اهاه مرحبا ياله..
