انا: هانا لبست فين غاديين مجد: (ساهي فيها وكيبتاسم) انا: (كندوز يدي قدام وجهو) كوكووو دكتور مجد مجد: اه جيتي ياله نمشيو انا: (مال هادا عوتاني) فين غنمشيو مجد: غادي نتغداو ونوريك شوية باريس انا: لا بلاش بلا منعدبك مجد: لا انا قررت ياله زيدي نمشيو.. وشدني من يدي جرني وانا نحيدها حسيت بيه تزير... المهم داني لواحد المطعم مقابل مع برج ايفل الجو كان زوين والمطعم كان راقي جا السرباي خدا الطلبات ديالنا مجد: كيدايرا دبا مزيان؟ انا: وي الحمد لله مجد: ممم عاوديلي على راسك انا: مكاين ميتعاود حياتي عادية مجد: (افف كتجاوب على قد السؤال) احم فاش كتقراي انا: هاد العام ان شاء الله غانشد الاجازة في الفيزياء مجد: ااه مزيان الله يعونك انا: اميين.. شوية وصلني ميساج فرحت بزااف وبانت فيا مجد: ما سر هاته الابتسامة انا: هههه لا والو ماشي شي حاجة انخليك نمشي للحمام مجد: اوكي... بقا كيشوف فالتيليفون شوية وهو يهزو دخل لميساجات وهو يلقى "المهمة نجحات وحبيبك غادي تنقديه وترجعو كيف كنتو" تعصب وزير على يديه شافها جايا وحط التليفون دغيا انا: ياكما تعطلت عليك مجد: لا ياله نمشيو عيطولي الخدمة انا: اوكي... ركبنا فالطموبيل الطريق كاملة وحنا ساكتين مي بانليا معصب ماديتهاش فيه انا كنفكر فهاد الخطوة لي غاندير.. وصلنا طلعت لبيتي توضيت وصليت صلاتي جلست شديت تيليفوني وكانتكونيكطا مع مراد ماقتليكمش منين عرفني مزال حية وهو كيهدر معايا عاودتلو على كلشي كاين شي حاجات معجبوهش بحال فاش عاودتلو مشيت انا وصحابي للديسكو عايرني هههه صدق صعب من معاذ وريان تاهو عاودلي اش دار وكيفاش دخل للاستخبارات مجبدليش الموضوع دماما وبابا عجبني الحال فاش تفهمني وصل الليل تعشيت ونعست.. صبح نهار جديد مشيت لعند مجد المكتب ديالو انا: سلام نقدر ندخل مجد: (حاني راسو على شي وراقو) وي تفضلي انا: انا خاصني نرجع غدا للمغرب واش مزال خاصني ندير شي فحص مجد: (ماهزش راسو فيها) بقا واحد وفالعشية اتخرج النتيجة ونشوفو اش كاين انا: اوكي ميرسي (افف شحال متكبر)... درت الفحص ورجعت صليت وبقيت كندعي الله تخرج النتيجة مزيانة الفرملية: انسة ليلى تكلمي لدكتور مجد انا: اوكي.. قاديت الفولار ديالي ومشيت عندو مجد: تفضلي جلسي.. المهم النتائج هاهوما قدامي انا: (بقلق) كاين شي مشكيل مجد: (بقا كيشوف فيها كيفاش مخلوعة) منقدر نقول دبا والو غادي نعطيك الدوا تبعيه لمدة 6شهور ويلا مانفعش خاصنا نديرو عملية انا: (حابسة الدموع) اه واخة شكرا مشيت لبيت جمعت حوايجي وجيت خارجة حتى تساطحت مع مجد مجد: فين غادا انا: الاوطيل غدا صباح خاصني نرجع للمغرب المهم شكرا على كلشي مجد: (بغا يمنعها وتفكر عندها حبيب) اه اوكي طريق السلامة انا: ميرسي.. هبطت خلصت الكلينيك ومشيت الاوطيل طلبت منهم يقطعولي بيي ديال الطيارة لي كاينة مع 10 وطلعت لبيت
