تَلَقّيْتُ من العذاب ما يكفي

part 65

*عند ليلى* وصلت لمكناس بحالة ميعلم بها غير الله مشيت نيشان نعست حتى فقت على يدين كتلعب فشعري نضت مخلوعة انا: نتا هدا حرام عليك خلعتيني ريان: يخليلي القطيوطة ديالي لي كتخلع انا: (تكيت على رجليه) اش جابك لعندي وخليتي خدمتك وحبيبة قلبك ريان: اشمن حبيبة القلب هي gاع محاسا بيا انا: هههه ربي معاودلي كيدرتي بغيتها ريان: احح هههه المهم تقدري تقولي حب من اول نظرة انا: هي خاصك تقول منين شفتيني انا راه كنتشابهو انا وياها هو: لا هي عينيها خووضر انا: ومال مك العنين الزورق معجبوكش
هو: هههه الله يمسخك واش دبا نهدر ولا نمشي نعس انا: ياله هانا اسيدي كنسمع ريان: اوى الالة عجباتني بالحشمة ديالها واول مرة فاش مشيت لدار مع معاذ كانت كتصرف بطريقة زوينة كيفاش كتهدر كيفاش كضحك.. قررت نراقبها كانت كتمشى مع بنت وحدة بزاف ومرة مرة كانت كتجي تشوف معاذ فالشركة مي فاش كتشوفني كتوتر وتبدا دخل وتخرج فالهدرة وانا كتحمقني هكاك وصافي بقيت هكاك حتى رجعت كنبغيها انا: هههه وينو على حبيبي ريان كبر و ولا كيبغي هو: كضحكي عليا دبا وانا جالس كنعاود ليك من نيتي انا: لا لا متقلقش مني والله مكانضحك عليك.. انا فرحانة بزااف حيت ختي لقات شخص بحالك وحيت نتا لقيتي وحدة بحال ختي والله هي انسانة حساسة وقلبها بيض وحنونة.. الحاجة لي نطلبها منك انك تبقى بجنبها وتحميها وتعطيها الحب والحنان ريان: متوصنيش على قلبي... ياله دبا دورك عاوديلي انا: مكاين حتا واحد نتا عارف حالتي متسمحش ندير شي علاقة ريان: انا هادشي عارفو بغيت نعرف شنو وقع بينك نتي ومعاذ انا: والو المهم انا بغيت نكمل نعاسي وحتا نتا سير لبيتك تنعس هو: واخة الالة تصبحي على خير دازت سيمانة وريان معايا حاول يشرحلي موقف معاذ مي كنت كنتهرب وعرفت بلي معاذ خطب هاديك.. بديت فامتحاناتي وريان كيوصلني ويجيبني انا وصحاباتي لي فاش عرفو اش وقع حاولو يخففو عليا واليوما اخر نهار فلمتيحانات دوزت مزيان ورجعنا للدار واحد شوية صونا تيليفون ريان جاوب ولا صفر بقيت معاه حتى قالي اش كاين انا غير عرفت محسيت براسي حتى سخفت...